InfoHub Logo

ءار ادام بالا كەزىندە ءبىلىمدى مامان بولۋدى ارماندايدى. تولىكتاي بولاشاعىن ءوزى قالاعان ماماندىقپەن بايلانىستىرا وسەدى. مەنىڭ دە بالا كەزدەن ارمانىم بولعان، ءومىرىمدى ەلەستەدە العان ماماندىق­-جۋرناليس بولۋ ەدى.

بالا كەزدەگى ارماننىڭ قازىرگى كۇندە ورىندالاتىندىعىن كىم بىلگەن؟! نار-تاۋەكەل دەپ، قازاق ۇلتتىق ۋنيۆەرسيتەتىندە تاپسىرۋعا شەشىم قابىلدادىم. سول ساتتەگى ءوزىمنىڭ تاڭداۋىما وكىنبەيمىن، كەرسىنشە ۇنەمى قۋاناتىنمىن.وسىلايشا تالاي تۇلەكتىن ارمانىنا اينالعان قازۇۋ-نە وقۋعا مۇمكىندىگىم بۇيىرعان بولاتىن. اللاعا شۇكىر ءقازىر جۋرناليستيكا فاكۋلكەتى باسپا ءىسى ماماندىعىنىڭ 2-كۋرس ستۋدەنتىمىن  . شىنىندا دا، ارمان بولارلىقتاي اتىنا زاتى ساي اسەم قالاشىق مەنىڭ جۇرەگىمدى بىردەن جاۋلاپ الدى. ءوز ءبىلىمى مەن دارىنىنا سەنەتىن كوڭىلدى دە ىزدەنىمپاز جاستاردىڭ ورداسى ەكەنى كوزگە كورىنىپ-اق تۇر، مەن ءوزىمنىڭ وسى كۇننەن باستاپ جاڭا ومىرگە ارالاسا باستاعانىمدى سەزىندىم. وسىلايشا مەنىڭ ستۋدەنتتىك ءومىرىم باستالىپ تا كەتتى.

باسپا ءىسى ماماندىعى نەگىزىنەن كىتاپ، گازەت-جۋرنالداردىڭ شىعۋى جونىندە وقىتادى، رەداكتورلىق قىزمەتتىڭ قىر-سىرىن ۇيرەتەدى. تەلەجۋرناليستيكا، راديوجۋرناليستيكا پاندەرى دە ءبىر سەمەستر وقىتىلادى. سونىمەن بىرگە بۇل ماماندىقتى ءبىتىرىپ شىققان ستۋدەنت ديپلومىنا «ونەر باكالاۆرى» دەپ جازىلادى، قابىلەتىنە قاراي مەكتەپ، باسپا، تەليەۆيزيا، راديو، تەاتر قىزمەتىنە دە جۇمىسقا ورنالاسۋعا مۇمكىندىگى بار.

ءال-فارابي اتىنداعى قازۇۋ قازاقستانداعى جۋرناليستەر دايىندايتىن وقۋ ورنى بولىپ تابىلادى. ول 1934 جىلى ەڭ العاشقىلاردىڭ ءبىرى بولىپ قۇرىلعان، سونىمەن قاتار تمد ەلدەرى بويىنشا ەڭ ءىرى فاكۋلتەتتەردىڭ ءبىرى. جۋرناليستيكا فاكۋلتەتىندە قازىرگى تاڭدا 3 كافەدرا: باسپا ءىسى جانە ديزاين، يۋنەسكو، حالىقارالىق جۋرناليستيكا جانە قوعاممەن بايلانىس، مەرزىمدى باسپا ءسوز، ەلەكتروندى ب ا ق جانە ينتەرنەت-جۋرناليستيكا كافەدرالارى جۇمىس جاسايدى. عاسىرعا جۋىق تاريحى بار بۇل شاھاردايۋ ءبىزدىڭ قانشاما ءبىلىدى، تالانتتى اقىن جازۋشىلار وقىپ، ساباق بەرگەن. قازۇۋ كىشىگىرىم ارماندار قالاشىعى، دارىندىلار مەكەنى! 180 سالا بويىنشا ساۋاتتى ماماندار دايىندايدى.

جۋرناليستيكا فاكۋلتەتىنە ءتۇسۋ ءۇشىن ەڭ الدىمەن كىتاپتى كوپ وقۋ كەرەك. قازاقتىڭ ورالىمدى دا ىرعاقتى، باي دا كوركەم ءتىلىن كەز كەلگەن ساتتە ەركىن قولدانىپ، شۇرايلى جازبا جازا بىلۋگە ءتيىسسىز. ءسىزدىڭ سىرتقى كەلبەتىڭىز قانشالىقتى كوركەم بولسا دا، سويلەۋ مانەرىڭىز بەن داۋىس ىرعاعىڭىز قانشالىقتى جاعىمدى بولسا دا، ءماتىن جازا المايتىن بولساڭىز، باسقا جۋرناليستەردەن تومەن تۇراسىز. جاقسى جازا الاتىن جۋرناليست قانا جوعارى باعالانادى. جۋرناليستيكا ماڭىزدى الەۋمەتتىك قۇبىلىستاردىڭ ءبىرى بولىپ تابىلادى. ونسىز قوعام ءومىرىن كوزگە ەلەستەتۋ مۇمكىن ەمەس. ءوز تاريحىندا جۋرناليستيكا بۇقارالىق اقپارات قۇرالدارى جۇيەسى رەتىندە ۇزاق جولدان وتكەنى بەلگىلى. XVI عاسىردا ادامداردىڭ بىر-بىرىمەن حابار الماسۋ قۇرالى رەتىندە پايدا بولعانىمەن، ونىڭ نەگىزى ەرتە كەزدى كورسەتەدى. سول ۋاقىتتاردان بەرى جۋرناليستيكا دامۋ، قالىپتاسۋ جولدارىنان ءوتتى.

بۇل مەنىڭ ۋنيۆەرسيتەتىمدى اسىرا ماقتاعانىم ەمەس، بۇنىڭ بارلىعى شىنايىلىقپەن، ماحابباتپەن جازىلعان شىنايى دۇنيە. مەنىڭ وسى ۋنيۆەرسيتەتتە العان ءبىلىمىم كەيىنگى بولاشاقتاعى ورنىمدى ويىپ تۇرىپ تابۋعا، بيىك شىڭعا جەتەلەيتىنىنە ۇلكەن سەنىممەن قارايمىن. ماعجان جۇمابايەۆ ايتقانداي: «ارىستانداي ايباتتى، جولبارىستاي قايراتتى، مەن جاستارعا سەنەمىن!»، – دەمەكشى ارىستانداي ايباتتى، جولبارىستاي قايراتتى جاستاردىڭ وتانى – ءال – فارابي اتىنداعى قازاق ۇلتتىق ۋنيۆەرسيتەتى.

الحان راسۋل

---