قازىنالى ءبىلىم ورداسى
«مىنا جارىق دۇنيەدە ماڭىزدى ەكى تاڭداۋدا قاتەلەسپەۋ كەرەك» دەپ وسى ءسوزدى اتا-اجەلەرىمىز بالا كەزدەن بەرى قۇلاعىمىزعا قۇيىپ كەلەدى. وقىعانعا جاي ءبىر اقىل سەكىلدى ەستىلەتىن بۇل ءسوزدىڭ مىنا جالعاندا وزەكتى ماسەلەلەردىڭ ءبىرى بولىپ وتىر. قازىرگى زاماندا ءوز قالاعان ماماندىعىندا قىزمەت ىستەپ جۇرگەندەردىڭ سانى ايتارلىقتاي از. ونىڭ سەبەبىن سۇراساق، بىرەۋلەر سول ماماندىقتارعا جالاقى از دەسە، ەكىنشىلەرى مۇمكىندىكتىڭ جوعىنان دەپ وتىر. جالپى قاراستىرعاندا بۇل ماسەلەنىڭ سەبەبى وتە كوپ. جاستارىمىزدىڭ ماماندىق تاڭداۋدا قاتەلەسۋى تىكەلەي مەكتەپكە بايلانىستى دەپ پايىمدايمىن. سەبەبى، 11 جىل مەكتەپ قابىرعاسىندا وسكەن بالانىڭ ماماندىق تاڭداي الماي، باسىن سيپاپ وتىرعانى ناعىز اقىماقتىق. بۇل وتكەن 11جىلدىڭ ساپاسىز، بوس وتكەندەگىنىڭ بەينەسى.
ماماندىق – ول سەنىڭ بولاشاق ومىرلىك قۇرالىڭ. بۇل قۇرال – سەنىڭ كەلەشەك تابىس كوزىڭ، ياعني وتباسىڭنىڭ كۇنكورىس كوزى. ماماندىقتى دۇرىس تاڭداي وتىرىپ، ەلدىڭ بولاشاعىن كوركەيتۋگە، زاماننىڭ ەداۋىر دامۋ پروسەسىنە ىلىگۋگە ۇلكەن مۇمكىندىك تۋادى. ال، بۇل قابىلەتتەردى، ارينە، ءبىز جوعارعى وقۋ ورنىندا وقىپ ۇيرەنىمىز. ماماندىعىمىزدىڭ ناعىز دىڭگەگى ول مەكتەپ قابىرعاسىندا قالانسا، جوعارعى وقۋ ورنىندا ول ءارى قاراي شارىقتاي تۇسپەك. ياعني، تەك ءبىلىم نارىمەن قاندىرىپ قانا قويماي، ول بالانىڭ جەكە قىزىعۋشىلىقتارىنا، تولعانىستارىنا، شىعارماشىلىق بەيىمىنە جول اشادى. ماماندىقتى كاسىبي تۇرعىدا تانىستىرىپ، ستۋدەنتتى ناعىز مامان رەتىندە قاراستىرۋ نەگىزگى مىندەتتەرىنىڭ ءبىرى. وقىپ جاتقان ستۋدەنتتەرگە تەك مامان رەتىندە عانا قاراماي، وعان دۇرىس باعىت بەرىپ، ەلىنىڭ ازاماتى، جەرىنىڭ جاناشىرى، شىعارماشىلىق دارىندى تۇلعا رەتىندە قاراپ، كەلەشەگىمىزدىڭ جۇلدىزى رەتىندە تانۋ قاجەت. مۇنداي جاناشىر تۇلعالارىمىزدىڭ جانىپ، اسقاقتاۋى، كاسىبي تۇرعىدا ۇيرەتكەن جەتەكشى مامانداردىڭ ەڭبەگى دەپ بىلەمىن.
مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە، باسپا ءىسى ماماندىعىنىڭ 2 - كۋرسىندا وقيمىن. بۇل ماماندىقتى تاڭداماس بۇرىن مىڭ تولعانىپ، مىڭ ويلانىپ ۇلكەن قيىندىقتار تۋدى. ەندى مىنە قازاق ەلىنىڭ جاناشىرى، حالقىمنىڭ جانىندا بولۋدى ۇيعارىپ وسىنداي ءبىر شەشىمگە كەلگەن ەدىم. ماماندىعىما ساي وقۋ ورنىن تاڭداۋ مەن ءۇشىن قيىنعا سوقپادى. قاراستىرعان ءار ءتۇرلى ۋنيۆەرسيتەتتەردىڭ ىشىنەن ەشبىرى قازۇۋ-عا تەڭ كەلمەدى. قاي سالاسىندا بولسىن مەن ءۇشىن العاشقى ورىنداردا تۇردى. قانشاما جىل تاريحى بۇل ۋنيۆەرسيتەتتىڭ الاتىن ورنى مەن ءۇشىن ەرەكشە.
الەمگە تونگەن مىنا ءبىر ءقاۋىپتى پاندەميا بارىمىزگە زالالىن تيگىزگەنى ابدەن انىق. ۋنيۆەرسيتەتكە تۇسكەنىمىزگە قۋانعانىمەن، العاشقى وقۋ جىلىمىزدى ونلاين فورماتتا وتكىزەتىنىمىز ءىشىمىزدى كۇيدىردى. اسىق ارمان قۋعان قانشاما ستۋدەنت ءوزىنىڭ قازۇۇ-عا دەگەن سول كەزدەگى ىستىق سەزىمىن جەتكىزە الماس. ونلاين فورمات دەپ 1 جىلىمىزدىڭ قالاي وتكەنىندە بىلمەي قالدىق. قازۇۇ-عا بارام دەگەن ىستىق لەپ سول كۇيىندە قايناپ جاتتى. الايدا، وسى جىلى تانىسقان گرۋپپالاس دوس-تانىستارىمدى كورىپ ءبىراز شەر تارقاتتىم. ۋنيۆەرسيتەتىمىزدىڭ ءىشىن ءبىر ارالاپ ساعىنىشىمىزدى ءبىر باسقانىمىز بىزگە تاماشا كوڭىل-كۇي سىيلادى.
قازىرگى تاڭدا ءبىلىم الىپ جاتقان ماماندىعىم – باسپا ءىسى. ماماندىقتى وقۋ بارىسىندا قازىرگى باسپا ءىسىنىڭ ۇدەرىسىن قامتىپ، رەداكسيالاۋ مەن ستيليستيكانى مەڭگەرىپ، باسپانىڭ ستاندارتتى تۇرلەرىن جىكتەۋدى ۇيرەنىپ جاتىرمىز. ءوتىپ جاتقان ساباقتاردىڭ ىشىنەن وزىمە قاتتى ۇناعانى ول – ستيليستيكا مەن رەداكسيالاۋ. كۇنى بۇگىنگە دەيىن بۇل سالالاردان حاباردار بولماعانىما ىشتەي قىنجىلامىن. سەبەبى، باسپاداعى ەڭ اۋقىمدى، جاۋاپكەرشىلىگى مول سالالاردىڭ ءبىرى ەكەنىنە كوزىم جەتكەندەي. رەداكسيالاۋدى ءوتۋ بارىسىندا ءبىز گازەت-جۋرنالعا، كىتاپقا، ءار ءتۇرلى سارىنداعى ماقالالارعا توقتالىپ، ولاردىڭ جىبەرگەن ورەسكەل قاتەلىكتەرىن تىزبەكتەپ، تاۋىپ جاتىرمىز. بولاشاق رەداكتور رەتىندە ايتارىم، رەداكسيالاۋدى جاۋاپكەرشىلىكپەن سەزىنە وتىرىپ، وقىپ جاتقان ماتىنگە نازاردى تولىقتاي اۋدارىپ ىستەۋ كەرەك. ءار جىبەرگەن قاتەگە اسا ءمان بەرىپ، دۇرىس شەشىم قابىلداۋدا باستى تالاپتاردىڭ ءبىرى. اپايىمىزدىڭ بەرگەن ساباعىنا قىزىققانىم سونشالىق، كەز-كەلگەن كىتاپتىڭ قاتەسىن بىردەن تاۋىپ الاتىن قاسيەت پايدا بولدى. ماعان بۇل، بولاشاقتا باسپادان شىعاتىن كىتاپتاردىڭ اينا-قاتەسىز باسىلۋىنا ءوز ۇلەسىمدى بارىنشا قوسۋىما تالپىنىس بەردى. بۇل سالانى مەڭگەرىپ جاتقان ستۋدەنتتەردىڭ كەلەشەكتە ساۋاتتى رەداكتور بولۋىنا مەنىڭ ءۇمىتىم زور!
قازاقتان شىققان دارىندى پۋبليسيستەر، جازۋشىلار جانە جۋرناليستەر بار. ولاردىڭ ءارقايسىسىنىڭ جەكە دارا ءستيلى، جازۋ مانەرى بار. وسى ستيلدەردىڭ ارا-جىگىن تولىقتاي اشۋ، ونى سارالاۋ جانە ويعا ءتۇيۋ ستيليستيكانىڭ مەنشىگىنە كىرەدى. ستيليستيكانىڭ قىرىن، ءماندى دە ءساندى تۇستارىن، قىزىعى مەن شىجىعىن ۇيرەنىپ جاتقان جايىمىز بار. ستيلدەردىڭ تۇرلىلىگىمەن، سان قيلى ەرەكشىلىگى ءتىلىمىزدىڭ كوركەمدىگىن كورسەتەدى. جانە وسى تۇرلەردىڭ اربىرىندە جەكە تۇلعالى دارىندى قالامگەرلەردىڭ بار بولعانى كوڭىل قۋانتادى. قازىرگى ۋاقىتتا وسى سالا بويىنشا جۋرناليستىك زەرتتەۋ جۇرگىزىپ، ءار ءجۋرناليستىڭ جازۋ ءستيلى مەن مانەرىن تالداپ، جارىققا شىققان ماقالا-ەڭبەكتەرىن سارالاپ اۋقىمى كەڭ دۇنيە شىعارماقپىز. مىنە وسىنداي قىزىققا تولى پاندەردى قامتىپ جاتقان باسپا ءىسى ماماندىعىن تاڭداعانىما ەش وكىنبەسپىن!
قازۇۇ-دىڭ وقۋ پروسەسى، جاعداي قازىرگى زامانعا ساي، يننوۆاسيالىق قۇرالدارمەن تولىقتالعان، ستۋدەنتتەردىڭ كوڭىلىنەن شىعاتىنداي ەتىلىپ جاسالعان. بۇل جەرگە تۇسكەن ستۋدەنتتەردىڭ وقۋعا دەگەن قۇشتارلىعى اسىپ، ەلگە قىزمەت قىلۋعا دەگەن ىستىق لەبىزى بىلىنەتىنى ايدان انىق. باسىندا ايتىپ كەتكەندەي، وسى وقۋ ورنىنىڭ ستۋدەنتى رەتىندە ۋنيۆەرسيتەتىمىز ءوز ستۋدەنتتەرىنە تولىققاندى ءبىلىم الۋ ءۇشىن جانە دە ءوسىپ كەلە جاتقان قازىرگى الەمنىڭ تالاپتارىنا ساي بولۋ ءۇشىن كوپتەگەن مۇمكىندىكتەر بەرەدى دەپ ۇلكەن سەنىممەن ايتا الامىن. سول سەبەپتەن، ۇزدىك وقۋ ورنىندا وقىعانعا نە جەتسىن دەمەكشى، قازۇۋ-دى تاڭداڭىزدار!
ءال-فارابي اتىنداعى قازاق ۇلتتىق ۋنيۆەرسيتەتى
جۋرناليستيكا فاكۋلتەتى، باسپا ءىسى ماماندىعى 2-كۋرس
قالي اسەت سامات ۇلى
You Might Also Like
-
ەكۆاتوريالدىق گۆينەيا (Guءىnەا ەسuاtوrءىاى)، ەكۆاتورلىق گۆينەيا رەسپۋبليكاسى — ەكۆاتورلىق افريكاداعى مەملەكەت. جەرى 28051 كم2. حالقى 1،2 مىڭ (2016). استاناسى — مالابو ق.
-
كاسىپكەر تىشقاندار مەكتەبىنىڭ ءۇش وقۋشىسى ءۇزىلىس كەزىندە اۋا جۇتۋعا شىقان. ءبىرى ءوز ويىمەن بولىسە باستادى:
