InfoHub Logo

كاسىپكەر تىشقاندار مەكتەبىنىڭ ءۇش وقۋشىسى ءۇزىلىس كەزىندە اۋا جۇتۋعا شىقان. ءبىرى ءوز ويىمەن بولىسە باستادى:

— مەن بايىپ كەتسەم، بىردەن ادامداردان ىرىمشىك ساتىپ الىپ، باسقالارعا قىمبات باعامەن ساتۋشى ەم — دەسە، كەيىنگىسى:

— كەرەمەت اقىل، بايىپ كەتسەڭ مەنى مىندەتتى تۇردە ساتۋشى رەتىندە جۇمىسقا قابىلدا. قالا بەردى مەنىڭ قولىم جەڭىل ەكەنىن ءوزىڭ جاقسى بىلەسىڭ، كاسىبىڭدى ورگە دومالاتىپ جىبەرەمىن — دەدى، سوندا وزگەسى:

— مىرزالار، ءبىراز قاراجاتپەن كومەكتەسىپ جىبەرىڭدەرشى. قالتامداعى ءسال جەتپەي جاتىر — دەيتى.

— ءما، ءبىراق قارا، ۇمىتىپ كەتپە! مەن بايىپ كەتۋىم ءۇشىن ءار سوقىر تيىن كەرەك! — دەسە، قاسىنداعى:

— ءما، ءبىزدىڭ ءسوزىمىزدى بولە بەرمەي كەتشى! جاعدايىڭ بولعاندا، قايتارارسىڭ — دەدى

— راقمەت، مىرزالار! مىندەتتى تۇردە قايتارام — دەپ، ءوز جونىمەن كەتتى.  ەكەۋى بايىپ كەتسە قانداي كەرەمەت دۇنيەگە قول جەتكىزەتىن، جاعدايلارى ەرەكشە بولاتىنىن ءالى دە ارمانداۋدا. ءبىر زامات پىسىق تىشقان، كىشكەنتاي ارباعا ىرىمشىك تيەپ، ەكەۋىنىڭ قاسىنا جاقىنداپ

— مىرزالار، قارسى بولماساڭىزدار! قارىزىمدى ىرىمشىكپەن بەرەيىن. — دەسە، ءبىرىنشىسى:

— ءدال كەرەك نارسە، جوسپار قۇرۋعا ىرىمشىك جاقسى كومەكتەسەدى دەپ ەستىگەنمىن — دەپ، قالتاسىنان اقشا شىعارىپ — ءما، مىناعان دا قوسىپ بەرە سال. — دەسە، ەكىنشىسى جۇمىس بەرۋشىسىنىڭ ىستەگەنىن قايتالادى. ءۇشىنشى تىشقان پايداعا كەڭەلىپ، ارباسىن سۇيرەپ ادامدارعا كەتتى. ال، باسىنداعى ەكەۋى قيالداعى بايلى مەن ساۋداسىن جاساپ جاتقانىن ەلەستەتىپ ەسكى تانىستارىنىڭ تۇراقتى ساتىپ الۋشىسىنا اينالدى. ولار، ءالى كۇنگە دەيىن كاسىپكەرلەر مەكتەبىنىڭ اۋلاسىندا ارمانداپ تۇرادى ەكەن.

---