ارحەولوگيالىك-ەتنولوگيالىق «قازاق باتىرلارى» گازەتى
«قازاق باتىرلارى» - قوعامدىق-تاريحي، ارحەولوگيالىك-ەتنولوگيالىق گازەت. العاشقى سانى 1998 جىلى 10 قاڭتاردا جارىق كورگەن. سودان بەرى ايىنا ءبىر رەت 16 بەت بولىپ شىعادى. گازەت قازاق حالقىنىڭ ەرلىك داستۇرلەرىن، حاندارىن، بيلەرىن، شەشەندەرى مەن كوسەمدەرىن، ەلىن جاۋلاردان قورعاعان باتىرلارى مەن باعلاندارىن، ەل شەجىرەسىن جازىپ كەلەدى. ونىڭ تۇراقتى ايدارلارى: "ەل قورعاعان - ەر بابام!"، "كەمەڭگەر تۋعان تۇلعالار"، "تايپالارىمىزدى تانىستىرامىز"، "ءنورلى سەز - ءارلى ءسوز"، "اتىڭنان اينالايىن، ءارۋاقتار!"، "قىزىل قىرعىن قۇربان- دارى"، ت.ب. قۇرىلتايشىسى "مەرەي" ج ش س. شىعارۋشىسى - جۋرناليست- جازۋشى ءابىقۇل يبراگيموۆ.
ءابىقۇل يبراگيموۆ 15 مامىر 1937 جىلى، مويىنقۇم اۋدانى ەرنازار اۋىلىندا دۇنيەگە كەلگەن. قىزمەتى- جۋرناليست. قازاق مەملەكەت ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. ەڭبەك جولىن «لەنينشىل جاس» گازەتىندە قىزمەت ىستەۋدەن باستايدى. 1958 – 1967 جىلى جاستار گازەتىندە ءتىلشى، ادەبي قىزمەتكەر، ءبولىم مەڭگەرۋشىسى. 1967 – 1971 جىلى شۋ اۋدانى «شۋ ءوڭىرى» گازەتىنىڭ رەداكتورى. 1971 – 1973 جىلى «سوسياليستىك قازاقستان» گازەتىندە ادەبي قىزمەتكەر. 1973 – 1976 جىلى «جەتىسۋ» گازەتىندە ءبولىم مەڭگەرۋشىسى. الماتى وبلىسى راديوحابارلار تاراتۋ كوميتەتىنىڭ باس رەداكتورى، ديرەكتورى قىزمەتىن اتقاردى. 1985 – 1989 جىلى «قاينار» باسپاسىندا رەداكتور بولدى. سوڭعى جىلدارى «قازاق باتىرلارى» اتتى جەكەمەنشىك گازەتىن شىعارىپ كەلەدى. گازەت بەتىندە قازاق حالقىنىڭ وتكەن جانە بۇگىنگى ومىرىنە بايلانىستى وزەكتى ماسەلەلەر كوتەرىلىپ وتىرادى.
You Might Also Like
-
گازەت ءاربىر ماقالاسىمەن حالىقتىڭ قۇقىقتىق ساناسىن ارتتىرىپ، زاڭدى بىلۋىنە اتسالىستى، تاۋەلسىزدىكتىڭ العاشقى كەزەڭدەرىندە ەلىمىزدە بولىپ جاتقان ساياسي وقيعالارعا، قۇقىق سالاسىنداعى وزگەرىستەرگە ايرىق...
-
قازىرگى تاڭدا ەڭ ماڭىزدىسى ول ادام تۇلعاسىنىڭ ءوزىن-وزى دۇرىس باعالاي ءبىلۋى. دامۋ ءۇردىسى ءومىر بويى توقتالمايدى، سوندىقتان سول ۇردىسكە سايكەس ءوزىن-وزى باعالاۋ داعدىلارى بۇكىل ءومىر بويى قالىپتاسادى ءجا...
