بالالارعا ارنالعان "ۇلان" گازەتى
جاس الاش گازەتىنەن باستاۋ العان، ەلدىڭ سۇيىسپەنشىلىگىنە بولەنىپ جۇرگەن "ۇلان" گازەتىنىڭ بالالارعا قىزمەت ەتىپ كەلە جاتقانىنا بۇگىندە 90 جىلدان استام ۋاقىت بولدى.
1930 جىلى 5 قاراشادا الماتى قالاسىندا "پيونەر" دەگەن اتاۋمەن گازەتتىڭ العاشقى سانى جارىق كوردى. سول جىلداردان باستاپ گازەتكە ءا.يسمايىلوۆ، ءا.ىدىرىسوۆ، س.بەردىقۇلوۆ، ف.وڭعارسىنوۆا، ۋ.قاليجان، ب.قويشىبايەۆ، ع.دوسكەن، ب.سۇلەيمەنوۆ، س.قالي ۇلى سياقتى قازاقتىڭ قابىرعالى قالامگەرلەرى رەداكتورلىق ەتتى. گازەتتىڭ بۇنگىگى كۇنگە دەيىن ءوز ءمان ماعىناسىن جوعالتپاي كەلۋىندە وسى تۇلعالاردىڭ ەرەڭ ەڭبەگى مەن ۇشقىر ويلارىنىڭ ارقاسى دەپ بىلەمىز.
1937 جىلدىڭ ناۋرىز ايىنان گازەت «وكتيابر بالالارى» دەگەن اتاۋمەن شىعا باستادى. كەيىن 1946 جىلى 9 مامىردا «قازاقستان پيونەرى» دەگەن اتاۋعا وزگەرتىلسە، 1990 جىلدان باستاپ «قازاقستان پيونەرى» گازەتىنىڭ اتاۋى «ۇلان» بولىپ قابىلدانىپ قازىردە وسى اتاۋمەن بالالارعا جول تارتىپ ءجۇر. «ۇلان» – بالالار مەن جاسوسپىرىمدەرگە ارنالعان رەسپۋبليكالىق گازەتى اتاۋى ەلدەگى وزگەرىستەرگە ساي وزگەرىپ وتىرسادا ەشقاشان ءوز ماقساتتارىن ۇمىتقان ەمەس. ءارقاشان بالاردى وزدەرىنىڭ قىزىق ايدارلارىمەن تاڭعالدىرىپ كەلەدى. گازەتتىڭ العاشقى بەتى الاقاي ايدارىمەن باستالىپ وندا جاس جەتكىنشەكتەردىڭ جەتىستىكتەرى جاريالانىپ وتىرادى. بۇل ارقىلى بالالار وزگەگە قاراپ ۇلگى الىپ، جەتىستىككە ۇمىتىلا تۇسپەك. كەلەسى ايدار "ءبىلىم ەلىندە" دەپ اتالىپ، وقىرمانداردىڭ ءبىلىمىن ارتتىراتىن ساپالى ماقالالار جاريالانىپ كەلەدى. سونىمەن قاتار "ءبىلىم جانە الەم"،"It جانە يننوۆاسيا"، "سىرساندىق"، "كۇنشۋاق" سىندى زامان تالابىنا ساي ايدارلارىمەن جاستاردىڭ جۇرگىن جاۋلاپ كەلەدى.
قازىرگى ۋاقىتتا "ۇلان" گازەتىنىڭ جەتكەن جەتىستىكتەرى دە از ەمەس. 1980 جىلى 14 ناۋرىزدا شىعا باستاعانىنا 50 جىل تولۋىنا وراي جانە جاس ۇرپاققا سانالى تاربيە بەرۋ جولىنداعى ەڭبەگى ەسكەرىلىپ، «قازاقستان پيونەرى» گازەتى «قۇرمەت» وردەنىمەن ماراپاتتالدى. سونىمەن قاتار «ۇلان» گازەتى 2002 جىلى قازاقستان رەسپۋبليكاسى جۋرناليستيكا اكادەمياسىنىڭ «التىن جۇلدىز» سىيلىعىن «بالالار باسىلىمى» نوميناسياسى بويىنشا يەلەندى. بۇل گازەتتىڭ بالالار ومىرىنە بەرگەن ءبىلىمىنىڭ ارقاسىندا دەپ بىلەمىز. ۇلان گازەتى بالالارعا اقپارات بەرىپ قانا قويماي، جاس جۋرناليستەردىڭ ءوز ماماندىقتارىنا دەگەن ماحابباتىن وياتار ورىنعا اينالىپ وتىر. وقۋشى كەزىنەن ماقالا جازۋعا ماشىقتانعان بالالارعا "جاس ءتىلشى" كۋالىگى بەرىلىپ جۋرناليستيكاعا دەگەن العاشقى قادامدى ۇلان گازەتىنەن الادى.
قازىرگى باس رەداكتورى – جادىرا نارماحانوۆا ارقاسىندا "ۇلان" گازەتىنىڭ بۇگىندە ءوز جۇمىسىن، بالالارعا بەرەر تاربيەسىن جالعاستىرىپ كەلەدى.
You Might Also Like
-
ءبىز دۇنيە ەسىگىن اشقالى ۇزدىكسىز قارىم-قاتىناس جاساپ كەلەمىز. ادامدارمەن، قورشاعان ورتامەن، تابيعاتپەن، جانە وزىمىزبەن قارىم-قاتىنسقا تۇسە الامىز. بۇل - ادامداردىڭ جانۋارلارمەن سالىستىرعانداعى ەڭ ب...
