استانا اسەرى
استانا قالاسىنا جولىمنىڭ تۇسكەنى بيىل عانا. قازاقستان رەسپۋبليكاسىنىڭ ۇلتتىق مەديسينالىق عىلىمي ورتالىعىنا وبلىستىق دەنساۋلىق ساقتاۋ باسقارماسىنىڭ كۆوتاسىمەن باراتىن بولعانداعى قۋانىش شەكسىز ەدى.
كەپتەن جۇرەك سىرقاتىمەن اۋىراتىن ماعان دەگەن بۇل كومەكتىڭ قايتارىمى جوق دەسە دە بولعانداي. ورتالىقتىڭ كارديولوگيا ءبولىمى دارىگەرلەرى جىلى قارسى الىپ، مەديسينانىڭ سوڭعى جەتىستىكتەرمەن جابدىقتالعان اپپاراتقا ءتۇسىرىپ قۇزىرىمىزدى انىقتاپ بەردى...
مەنىڭ ايتپاعىم، ارينە بۇل ەمەس. نەگىزگى ايتايىن دەگەنىم تاۋەلسىز ەلىمىزدىڭ جاڭا استاناسىنىڭ كۇن سايىن ساۋلەتىنە ساۋلەت، كوركىنە كورىك قوسىپ كەلە جاتقانىن ءوز كوزىممەن كورىپ، تاماشالاعانىم ەدى. مەنى اەروپورتتان قارسى العان ءوزى ارحيتەكتور، قۇلسارىلىق اقىن ءىنىم تاۋباي ساقتاعانۇلىنا ايتقىسساڭىز الەمدە بۇنداي قالانى سوڭعى 20-30 جىلدا ەشقانداي مەملەكەت تۇرعىزا المايدى. بۇل تەك قازاقستاننىڭ پرەزيدەنتى نۇرسۇلتان نازاربايەۆتىڭ عانا قولىنان كەلگەن عاجايىپ كەرەمەت. ساۋلەت تاريحىندا ءدال استاناداي كوسموستىق جىلدامدىقپەن قىسقا مەرزىمدە دۇنيەگە كەلگەن قالا جوق ەكەن.
«تاكسي ۇستالىق» دەگەنىمدە تاۋباي ءىنىم مەنى ءوزىنىڭ اسىپ-توگىلىپ جاتاتىن اقكوڭىلىمەن تاعى تاڭ قالدىردى: «جوق، اعا، اۆتوبۋسپەن بارامىز. قايدا بارساڭىز دا استانادا تەك اۆتوبۋسقا ءمىنىڭىز. ەكسكۋرسيا بولادى. ايتپەسە الاسا، تەرەزەلەرى قاراڭعىلانعان جەڭىل ماشينالاردان قالانىڭ ءسان-سالتاناتىن تاماشالاي المايسىز»، — دەگەنى. ءدال سولاي بولدى. استاناعا قونىس اۋدارعانىنا ونشا كوپ بولماسا دا قالاداعى بىتكەنى بار، بىتپەگەنى بار الىپ عيماراتتاردى قويشا ورگىزدى. اراسىندا ءوزىنىڭ «نۇر-استانا» اتتى ولەڭىنەن بىرەر شۋماق قوسىپ قويىپ «بۇل ولەڭنىڭ ءانى دە بار، ءوزىم شىعارعان»، — دەپ قويادى. اقكوڭىل اقىن اتىراۋ دالاسىنىڭ ازىناپ سوعاتىن اق ەسپە جەلىندەي سوزدەرىمەن بويداعى سىرقاتتى دا جازىپ جىبەرگەندەي. بىتكەن ىسكە دەگەن ادال پەيىلىمەن عانا قۋانا قارايتىن ادامداردىڭ ءبارى دە تاۋباي ىنىمدەي بولسا عوي، شىركىن! قالاعا دەگەن اسەم اسەر ماعان دا ولەڭ جولدارىن تۋعىزعان. ول مىناۋ ەدى، قادىرمەندى وقىرمان:
جاپ-جاس قالا — استانا،
ۇلگى-ونەگە باسقاعا.
قالاۋىن تاپسا قار جانىپ،
گۇل وسەدى ەكەن تاسقا دا.
تاعدىرىنا سىناعان،
مويىمايدى شىن ادام.
قايسار مىنەز تانىتىپ،
باس ساۋلەتشى نۇر-اعاڭ.
تامساندىرىپ حالىقتى،
(جانىپ تۇر-اۋ، جانىپ تۇر).
«مىڭ ءبىر ءتۇن» دە ايتىلار،
جاۋھار شاھار سالىپتى.
كەڭ تىنىستى الابى —
داڭقى اسىپ دالانىڭ.
ارلەندىرگەن لالا گۇل،
نۇر ساۋلەتتى قالا بۇل.
كەلەر شالقىپ كوسىلگىم:
جاعاسىنا ەسىلدىڭ.
استانانى كوشىرۋ،
كورەگەندىك شەشىم بۇل.
2009 جىل.
You Might Also Like
-
قانداي جۇمساق ەركىندىكتىڭ سامالى كەۋدەلەرگە بىرلىك وتىن جاعادى. ەمىن-ەركىن ءتورت تۇلىگىڭ جايلاۋدا، بۇلاق قىردا ەمىن-ەركىن اعادى.
