استانادا مەكتەپكە اق بانتيكسىز بارعان وقۋشىنى "لينەيكاعا" قاتىستىرماي قويعان
استانادا سىنىپ جەتەكشىسى ءبىرىنشى سىنىپقا جاڭادان بارعان وقۋشىنى شاشىندا اق بانتيگى جوق بولعاندىقتان، العاشقى قوڭىراۋ راسىمىندەگى قاتاردان كەتۋىن تالاپ ەتكەن.
ءبىلىم كۇنى بولعان ىڭعايسىز جاعداي تۋرالى وقۋشىنىڭ اناسى قارلىعاش وڭعاروۆا ءوزىنىڭ Facebook جەلىسىندەگى پاراقشاسىندا جازدى، دەپ حابارلايدى Stan.kz.
«وقۋشىلاردىڭ بارلىعى مەكتەپ الدىنداعى الاڭعا قاتارمەن تۇرعىزىلدى. اتا-انالارعا ول جەردەن ارىرەك تۇرۋ كەرەكتىگى ايتىلدى. بىركەزدە قاسىما قىزىم جىلاپ كەلدى. «نە بولدى؟» دەگەن سۇراعىما «قاتاردان ءارى تۇر» دەپ ايتتى ءمۇعالىم دەيدى. سىنىپ جەتەكشىدەن جاعدايدى سۇراسام «ءبىزدى ارنالار ءتۇسىرىپ جاتىر، قىزىڭىزدىڭ باسىندا بانتيگى جوق. لينەيكادا كورىنبەي-اق قويعانى دۇرىس» دەپ جاۋاپ بەردى. ءمۇعالىم ءوز ۇلىنىڭ تويىن ۇيىمداستىرعانداي كىمنىڭ قانداي كيىمدە، قايدا تۇراتىنىن شەشەدى مە؟ قىزىم سول مەكتەپ بەكىتكەن كيىمدە. ال قاي جەردە قىزداردىڭ شاشىندا اق بانتيك بولۋى كەرەك دەگەن تالاپ بار؟ سىنىپ جەتەكشىسى جاڭادان مەكتەپكە بارعان قىزدى ءبىرىنشى كۇنى-اق جىلاتتى. ارنالار مەكتەپتەگى العاشقى قوڭىراۋدى ءتۇسىرىپ جاتقان بولسا نە بولىپتى؟
قىزىم تاڭمەن 7-دە تۇردى. مەكتەپ كيىمىن كيىپ الىپ ءارلى-بىرلى ءۇيدىڭ ءىشىن كەزدى. وعان بانتيك بايلاماعان مەن. سەبەبى، ماعان بانتيك ۇنامايدى، قىزىما جاراسپايدى. ونىڭ ۇستىنە ءبىرىنشى كۇنى بالالاردى بىر-بىرىمەن، ۇستازىمەن تانىستىرۋ عانا بولادى.
نە سەبەپتى مەرەكە كۇنى قىزىمدى ءبىر ساعات بويى جۇباتىپ، سوڭىندا مەكتەپكە ونىمەن بىرگە كىرە المايمىن. اقىرى كىمنىڭ سوڭىنان ەرەتىنىن بىلمەي بالا اداسىپ جۇرەدى.
ءمۇعالىمى جىلاتقاننان كەيىن بالانىڭ مەكتەپكە دە بارعىسى كەلمەي قالدى. كۇتكەن مەرەكەسى ويىنداعىداي بولماي شىقتى»، - دەپ اشۋلاندى وقۋشىنىڭ اناسى.
استانا تۇرعىنى وسى وقيعادان كەيىن قىزىن باسقا سىنىپقا اۋىستىرۋعا شەشىم قابىلداپتى.
You Might Also Like
-
وتكەن عاسىردا ل.ليۋدوۆيك باۋىردى «ورگانيزمنىڭ ورتالىق زەرتحاناسى» دەپ اتادى. ويتكەنى:
