InfoHub Logo

بالاڭىزبەن اڭگىمە سوڭى ۇرىسپەن اياقتالا ما؟ ارالارىڭىزدا تۇسىنىسپەۋشىلىك ءجيى كەزدەسە مە؟ كىشكەنتايىنان دۇرىس تاربيە بەرۋدىڭ ماڭىزىن بىلەسىز بە؟ ولاي بولسا بالاڭىزبەن ارالاڭىزداعى بايلانىستى ءبىز ۇسىنعان 5 جولدىڭ كومەگىمەن ساقتاڭىز.

اتا-انا مەن بالا اراسىنداعى ەموسيونالدى بايلانىس — وتباسىنداعى جاقسى قارىم-قاتىناستىڭ ىرگەتاسى.

كەي كەزدەرى وزىمىزدىكىن دۇرىس دەپ ساناپ بالامىزدىڭ ويىمەن ساناسقىمىز كەلمەيدى. وسىنداي ساتتەردە اتا-انا مەن بالا اراسىنداعى بايلانىس جوعالۋى مۇمكىن.

بالانىڭ تەك قاتەلىكتەرىن كورۋدى قويىڭىز

نەلىكتەن بالانىڭ ءبىر زاتتى قۇلاتىپ، سىندىرعانىن بايقايمىز دا، ال كىشكەنتاي قولدارىندا زاتتى ۇقىپتى ۇستاعانىنا كوڭىل اۋدارمايمىز؟ بالاڭىزعا تەك ءبىر نارسە دۇرىس جاسال ماعان دا عانا كوڭىل اۋداراتىنىڭىزدى كورگەن بالا، كەلەسى جولى دا جاعىمسىز قىلىعىمەن كوڭىلىڭىزدى وزىنە اۋدارۋعا تىرىساتىن بولادى. سوندىقتان بالانىڭىزدىڭ جاساعاندارىن ونىڭ مىندەتى ەمەس كىشكەنە عانا جەتىستىكتەرى دەپ قابىلداڭىز.

ءار ءىسى ءۇشىن ماقتاڭىز

بالكىم كەي اتا انا: “جوق، مەن بالامدى ءار كەزدە ماقتايمىن” دەپ ويلايتىن شىعار. ءبىراق ءبىز ساپالى ماقتان تۇتۋ تۋرالى ايتىپ جاتىرمىز. جاي عانا “جارايسىڭ” دەگەن ءسوزدى ايتىپ قانا قويماي، بەلگىلى ءبىر ءىسى ءۇشىن ماقتاڭىز. مىسالى ءسىزدىڭ بالاڭىز ويىنشىقتارىن جيناپ قويسا: “بالام، سەنىڭ ءوز زاتتارىڭا ۇقىپتى قاراعانىڭ ماعان ۇنايدى. مەنى اۋرە ەتپەي، ويىنشىقتارىڭدى جيناعانىڭ ءۇشىن راقمەت” دەپ ايتىڭىز.

وسى كەزدە بالاڭىز دا ءوز ءىسىنىڭ جاعىمدى ناتيجە بەرگەنىنە كوزى جەتەتىن بولادى.

“سەن ءالى كىشكەنتايسىڭ، مەنى تىڭدا”

شىنىڭىزدى ايتىڭىزشى، بالاڭىزدىڭ تاڭداۋىمەن قانشالىقتى ءجيى كەلىسەسىز؟ بالالار قاي كيىمدى كيەتىنىن، قايsp زاتىمەن بولىسەتىنىن، كىممەن وينايتىنىن سىزدەن جاقسىراق بىلەدى. سوندىقتان ءوز ويىڭىزدى بالاعا زورلاپ مىندەتتەۋدەن اۋلاق بولىڭىز. بالاعا تاڭداۋ قۇقىن بەرۋ ونىڭ جاۋاپكەرشىلىگىن ارتتىرۋ. ەڭ باستىسى بالانىڭ ءدال ءبىز سەكىلدى قاتەلىك جاساۋى مۇمكىن ەكەنىن ۇمىتپاعان ءجون.

سولارقىلى ءوز تاڭداۋىنىڭ سالدارىن كورىپ، كەلەسى جولى مۇقيات بولۋدى ۇيرەندى بالاڭىز.

ۇرىپ-سوعۋ تاربيە بەرۋ ءادىسى ەمەس

ارينە، كەيدە قاتتى شارشاپ، اشۋلانعان ساتتە نە ايتىپ، نە ىستەگەنىمىزدى اڭعارمايمىز. الايدا بالانى ۇرۋ ارقىلى ءسىز وعان دەگەن قۇرمەتسىزدىگىڭىزدى كورسەتەسىز. وعان قوسا ءوز ويىن تولىق جەتكىزە الاتىن ۇلكەن ادام ءۇشىن بالاعا ايقايلاپ، زورلىق كورسەتۋ ميعا قونىمسىز تاربيە بەرۋ ءتۇرى. بالاڭىز قانشا جەردەن كىنالى بولسادا ونىڭ دەنەسىنە زاقىم كەلتىرۋگە ءسىزدىڭ قۇقىڭىز جوق.

بىرگە كوپ ۋاقىت وتكىزىڭىز

بالا ويناپ جاتقاندا قاسىندا ۇيالى تەلەفونعا تەلمىرىپ وتىرۋ — بىرگە ۋاقىت وتكىزۋ ەمەس. كەرىسىنشە ويىن كەزىندە بالاعا جاڭا نارسەنى ۇيرەتۋدى كوزدڭىز. بىرگە سۋرەت سالىپنەمەسە پازل جيناپ كورىڭىز. تەك بالاعا ەمەس سىزگەدە قىزىق بولارى ابدەن مۇمكىن.

بالالارىمىز ءارقاشان ءبىزدىڭ ماحابباتىمىزدى قاجەت ەتەدى. ولاردىڭ مىنەزى قالىپتاسۋ بارىسىندا بالا كەزىندەگى ەستەلىكتەرى وتە ماڭىزدى.

سوندىقتان ارالارىڭىزداعى بايلانىستى جوعالتپاۋعا تىرىسىڭىز.

زارەما تۇرسىنبايەۆا

---