كۇنىڭىزدى ءساتتى باستاۋدىڭ 7 ءتيىمدى ءادىسى
تاڭىمىزدى قالاي باستاساق – كۇنىمىز ءدال سولاي جالعاسىن تابادى. شىنى كەرەك كوبىمىز سول بۇرىنعىداي ءومىرىمىزدى ءسۇرۋ ءۇشىن ويانامىز. مۇنى وزگەرتەتىن كەز كەلدى دەپ ويلامايسىز با؟
كۇن سايىن ءار ادام ءوزىنىڭ ەڭ كەرەمەت نۇسقاسى بولۋى ءۇشىن تالپىنۋى قاجەت. بويىڭىزدا جاقسى ادەتتەردى قالىپتاستىرۋدى بۇگىننەن باستاڭىز. كۇنىڭىزدى ءساتتى باستاپ، ماقساتتارىڭىزعا جاقىنداي تۇسكىڭىز كەلسە، تومەندە كورسەتىلگەن 6 قادام سىزگە كومەك بولا الادى.
1. كۇلىمدەڭىز
تۋعان كۇن مەرەكەڭىزدى نەمەسە وسىعان دەيىن ءسىزۇشىڭ وتە ماڭىزدى بولعان كۇندى ەسىڭىزگە ءتۇسىرىپ كورىڭىزشى. كوڭىل-كۇيىڭىز كوتەرىڭكى بولىپ، وياتقىشتىڭ شىلدىرىنان بۇرىن ويانىپ العان بولارسىز. مىنە، ءار كۇندى سولاي باستاۋ كەرەك. نەيروفيزيولوگتاردىڭ ايتۋىنشا، ميميكالىق قوزعالىستار مي جارتى شارلارىمەن تىعىز بايلانىستى. ءسىز كۇلىمدەگەن كەزدە باقىتتى سەزىم تۋدىراتىن سيگنال ميعا بارادى. وسىلايشا وزىنە جاقسى كوڭىل-كۇي سىيلاي بىلگەن ادام كەشكە دەيىن جاعىمدى ەنەرگياعا تولى بولادى.
2. تىنىشتىقپەن ۇندەسۋ نەمەسە مەديتاسيا
ادەتتە ۇيقىدان تۇرا سالىپ تەلەفوندى ىزدەيمىز. ونىڭ ورنىنا 5 مينۋتىڭىزدى تىنىشتىقتا وتكىزىڭىز. ىشكى الەمىڭىزگە ءۇڭىلىپ، رۋحاني نازارىڭىزدى جان دۇنيەڭىزگە باعىتتاڭىز. ساناڭىزدان ارتىق ويلاردى الىپ تاستاڭىز. سونىڭ ارقاسىندا ساناڭىزدىڭ كۇيى وزگەرىپ، ەرەكشە ىنتامەن كۇنىڭىزدى باستاۋعا قۋات الاسىز.
3. جوسپار قۇرىڭىز
الداعى كۇنى جاسايمىن دەگەن جۇمىسىڭىزدى تەك ويلاپ قانا قويماي، قولىڭىزعا قالام الىپ جوسپارىڭىزدى جازىڭىز. ەڭ باسىنا اۋىر، ۇزاق ۋاقىت الاتىن ىستەردى قويعان ءجون. سەبەبى جاعىمدى ەنەرگياعا تولى سەرگەكتىگىڭىزبەن جوسپارىڭىزدى ءتيىمدى ورىنداۋعا مۇمكىندىگىڭىز مول بولادى.
4. تەك 5 مينۋت
تاڭىڭىزدىڭ 5 مينۋتىن قاراپايىم دەنە جاتتىعۋلارىنا ارناي وتىرىپ، كۇنى بويىنا ەنەرگيا الۋ مۇمكىندىگىڭىز بار. عىلىمي زەرتتەۋلەرگە سۇيەنسەك، سپورت ادامنىڭ كوڭىل-كۇيىن كوتەرىپ، سەرگەكتىك سىيلايدى. سوندىقتان، باستاۋىش سىنىپتارداعى دەنە شىنىقتىرۋ ساباعىن ەسكە ءتۇسىرىڭىز دە جاتتىعۋ جاساۋدى باستاڭىز!
5. سۋ ءىشىڭىز
بۇل وتە قاراپايىم كەڭەس بولۋى مۇمكىن، الايدا اعزاداعى سۋ بالانسىن رەتتەۋ ماڭىزدى. ماسەلەن ويانعان سوڭ ءسىز جۋىناسىز، سولايشا ۇيقىڭىز اشىلادى. ال ازاڭدا استان بۇرىن ءبىر ستاقان سۋ ىشسەڭىز، ىشكى مۇشەلەرىڭىزدى وياتاسىز. سول كەزدە تاڭعى اسقا اعزاڭىز دايىن بولىپ، جاقسى قورىتادى.
6. وقى، وقى جانە وقى
كىتاپتىڭ ومىرىمىزدەگى اسىل قازىنا ەكەنى بارىمىزگە بەلگىلى. جاڭا ءبىر نارسەگە ۇيرەنەم دەسەڭىز نەمەسە الەم ادەبيەتىمەن تانىسىپ،تاريحقا كوز تاستاماق نيەتىڭىز بولسا، ارينە، كىتاپ وقىعان ابزال. كۇنىنە 10-20 بەتتەن وقىپ تۇرساڭىز، 1 جىلدا 7300 بەت بولادى. بۇل 200 بەتتتىك 36 كىتاپتى قۇرايدى. تاماشا ەمەس پە؟
7. ءوزىڭدى ءسۇي!
اينا الدىنا بارىپ نەشە ءتۇرلى اففيرماسيالاردى قايتالاڭىز نە بولماسا جاي عانا وزىڭىزگە العىس ايتۋدى ادەتكە اينالدىرىڭىز. بۇل جاقسى پسيحولوگيالىق كوڭىل-كۇي سىيلايدى. وعان قوسا ادامدى ءوزى سەكىلدى باسقا ەشتەڭى جىگەردەندىرە المايتىنىن ەستەن شىعارماڭىز. ماقساتىڭىزدى ايقىن ەتىپ، وزىڭىزگە قۇرمەتپەن قاراڭىز.
ادامقالاسابارلىعىمۇمكىن ەكەنىن ۇمىتپاعايسىز. ءار كۇندىباعالاپ بيىك بەلەستەردىباعىندىرۋعا دايىن بولىڭىز. جاڭا كۇنىڭىز سىزگە قانداي دۇنيە دايىنداپقويسادا، ءسىزساقاداي ساي بولۋىڭىز كەرەك!
زارەما تۇرسىنبايەۆا
You Might Also Like
-
قازاقستاندا قازىرگى جۋرناليستيكا كۋردەلى كەزەڭدەردى باستان وتكەرۋدە. وزگەرۋ ۋاكىتى ءارقاشان بەرىكتىك سىناعى بولىپ تابىلالى. زاڭدار عانا ەمەس، جۋرناليستىك جۇمىس ادىستەرى، اقپاراتتى تاراتۋ جولدارى دا ...
