اتا-بابام اڭساعان تاۋەلسىزدىك
“ماڭگىلىك ەل” بولۋ اتا-بابالارىمىزدىڭ سان مىڭ جىلدان بەرگى اسىل ارمانى ەدى. تاۋەلسىز قازاقستاندى ماڭگىلىك ەل ەتۋ ءبىزدىڭ ۇرپاقتىڭ باستى ماقساتىنا، ۇلتتىق ۇرانىمىزعا، ۇلتتىق يدەيامىزعا اينالدى. ماڭگىلىك ەلدىڭ ىرگەتاسىن قالادىق!
ن. ءا. نازاربايەۆ
قازاق - قايسار حالىق.بۇگىندە سول باتىلدىعى مەن قاجىماس قايراتىنىڭ ارقاسىندا اللانىڭ ۇلكەن سىيى “ تاۋەلسىزدىككە” قول جەتكىزىپ وتىر.بۇل ۇلكەن باقىت، ارينە ماڭگىلىككە جالعاسسىن دەپ تىلەيمىز.دەسە دە بۇل كۇرەس قازاق حالقى ءۇشىن وڭاي بولعان جوق اتا-بابامىزدىڭ ارى مەن زارىنىڭ ارقاسىندا، سۇيەكتەن وتكىزەر ساپتاۋلى ءسوزىنىڭ ارقاسىندا وسى جەڭىستىڭ ءدامىن تاتتىق. قازىرگى تاڭدا وسىنداي باعا جەتپەس بايلىعىمىزعا جيىرما سەگىز جىل تولىپ وتىر.
ازات كۇن تۋدى، قىرانداي ەركىن سامعاعان،
اسىل ارماندى اقيقات كۇنمەن جالعاعان.
ۇعىنساڭ ەلىم، بوستاندىق اتتى ب ا ق قۇسى،
سان عاسىر بويى باسىمىزعا دا قونباعان!
بۇل كۇندى كۇتىپ باتىرلار جانىن قيىستى.
بوستاندىق الىپ كۇمبىرلەپ كەتتى كۇي ىشكى.
ەرجۇرەك ۇلى، قايسار قىزدارى بار قازاق،
ماڭگىلىك ازات حالىق بولۋعا ءتيىستى!
اق وردا تىگىپ، استانا قىلعان قالاسىن،
تاريحىن تانىپ، ارداقتاپ جاتقان باباسىن،
بارشا الەم بىلگەن بورى-جۇرەكتى بالاسىن،
قينالماي وتەر الدىنان شىقسا دارا سىن،
كوك تۋىڭ ماڭگى جەلبىرەي بەرسىن كوگىڭدە،
ايبارلى مەنىڭ اسىل الاشىم!
دەپ جىرلادى مۇحامبەتبەردى اقىنىمىز.ويلى ولەڭىمەن ويىپ تۇسكەن اقىنىمىز جۇرەك سارىنىن وسىلاي جەتكىزدى.شىنىمەن دە تاۋەلسىزدىك دەگەندە تەبىرەنبەيتىن قازاق جوق. سول ءبىر 1986 جىلدىڭ جەلتوقسانى حالقىمىزدىڭ جۇرەك تۇكپىرىندە ءالى كۇنگە دەيىن ساقتالعان.سول ساتتەگى قانسىراعان قازاق جاستارى تاۋەلسىزدىك ءۇشىن ءوز ومىرلەرىن قۇربان ەتتى. قايرات، ەربول، ءلاززات،سابيرا، سىندى جەلتوقساندا سونگەن جۇلدىزدارىمىز اتى الەمگە الپاۋىت بولىپ ەستىلگەن تاۋەلسىزدىكتى الىپ بەردى.“قازاقستاندى ءوزىمىزدىڭ قازاقستاندىق ازامات باسقارسىن.ءبىز دەموكراتيانى تالاپ ەتەمىز!”،-دەگەن ءبىر اۋىز ءسوز بۇكىل حالىقتىڭ رۋحىن كوتەردى.وسىلاي كوتەرىلىس باستالدى.بارلىعىنىڭ ءبىر عانا ماقساتى بولدى.ول – ازاتتىق.الايدا كەڭەس ۇكىمەتى قاراپ جاتقان جوق. كوتەرىلىستى توقتاتقىسى كەلدى، الاڭعا شىققانداردى باسىپ جانىشتاۋعا تىرىستى.قازاق قىزدارىنىڭ شاشىنان سۇيرەپ، قورلادى. ال قازاق جىگىتتەرىن يتكە تالاتىپ سويقان ولىمگە ۇشىراتتى .وسىلاي نەبىر سۇمدىق جايتتار بولىپ جاتتى.
تاۋەلسىزدىك وڭايلىقپەن كەلمەيدى،
بىزگە ونى ەشكىم اياپ بەرمەيدى.
تاۋەلسىزدىك – قايرات، لياززات، ەربولدىڭ،
تاس كوشەدە تاس-تالقان بوپ ولگەنى.
انە-مىنە دەگەنشە قارا بۇلت استىنان جارقىراعان كۇن شىقتى. 1991 جىلى كسرو ىدىراپ، ونىڭ قۇرامىنداعى ەلدەر ءوز تاۋەلسىزدىكتەرىن الا باستادى. ءبىزدىڭ ەلىمىزدە 1991 جىلى 16 جەلتوقساندا “تاۋەلسىزدىك پەن مەملەكەتتىڭ ەگەمەندىگى ” تۋرالى زاڭعا قول قويدى.وسىلاي ەگەمەندى مەملەكەتكە اينالدىق
قازىرگى تاڭدا وسىنداي ەرلىكپەن قول جەتكىزگەن تاۋەلسىز ەلىمىزدىڭ بارىنا اللاعا مىڭدا ءبىر شۇكىرشىلىك ەتەمىز. ءسوز سوڭىندا ەلباسىمىز ن.ءا.نازاربايەۆتىڭ حالىققا جولداۋىنان ءۇزىندى كەلتىرەمىز: “ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىڭ بولسا،قازاقتىڭ جالعىز ۇلتتىق مەملەكەتىنىڭ نىعايىپ-كوركەيۋى جولىندا جان تەرىڭدى سىعىپ ءجۇرىپ ەڭبەت ەت.جەردىڭ دە،ەلدىڭ دە يەسى ءوزىڭ ەكەنىڭدى ۇمىتپا!’’ اتا-بابامىز امانات قىلىپ قالدىرعان جەرىمىز ءوز قولىمىزدا. ونى قورعاۋ، قوجالىق ەتۋ ءبىزدىڭ مىندەتىمىز!
You Might Also Like
-
بۇرىنعى وتكەن زاماندا قاسەن دەگەن ءبىر كىسى بولىپتى. ونىڭ ەكى ۇلى بولىپتى. ۇلكەن ۇلىنىڭ اتى ماركەس، كىشى ۇلىنىڭ اتى قاراباس. ۇلكەن ۇلىنا ەر جەتكەن سوڭ ايەل اپەرىپتى. قاراباس ەر جەتكەن سوڭ اكەسىنەن س...
-
ءبىر بايدىڭ جالعىز بالاسى بار ەكەن. ول قالىڭدىق ىزدەپ، ەل ارالاپ كەلە جاتىپ، ساندىق تەڭدەگەن ەكى كىسىگە كەز بولادى. جىگىت:
