InfoHub Logo

اۋىلىن كورىپ،

ازاماتىن تانى.

قاشان دا حالقىمىز ءۇشىن اۋىل-رۋحانياتىمىزدىڭ تەمىر-قازىعى، ۇلتتىق قۇندىلىقتارىمىزدىڭ التىن بەسىگى، بەرەكە مەن بايلىعىمىزدىڭ باستاۋى ەكەنى داۋسىز. اۋىلدىڭ تازا اۋاسىن جۇتىپ، تۇنىق سۋىن ءىشىپ، كوركەم تابيعاتىنان قۋات الىپ وسكەن ءاربىر ازامات ءوزى تۋعان توپىراعىن بارىنشا قادىرلەپ-قاستەرلەۋگە ءتيىس. ءتورت تۇلىگىن تۇلەتىپ، ەگىسىن جايقالتىپ، شارۋاسىن ورگە سۇيرەپ وتىرعان اۋىل- ءبۇتىن ءبىر ەلدىڭ اسىراۋشىسى، قايناعان ەڭبەكتىڭ جانە ۇلتتىق رۋحانياتتىڭ قاينار كوزى ىسپەتتەس.

وسىنداي ۇلگىلى دە، ءقادىرلى مەكەنگە ءوزىمنىڭ اۋلىمدى ەش ويلانباستان جاتقىزا الامىن. مەنىڭ تۋىپ-وسكەن جەرىم-شىعىس قازاقستان وبلىسى، كۇرشىم اۋدانى، بۋراباي اۋىلى. تابيعاتى  وزگە جەردەن تىم ەرەكشە، ادامدارى دا اقكوڭىل،  ۇنەمى تىنىم  تاپپايتىن ەڭبەكقور، قوناقجاي ، ءبىر ءۇيدىڭ ادامدارى سياقتى ىنتىماقشىل حالىق. ءبىرى ءۇشىن ءبارى جۇگىرىپ جۇرەدى. جاز بولسا ورىستە مال جايىپ، كۇز كەلسە ەگىن جيىپ، كوكتەمدە جاس تولدەرىمەن الەكتەنەدى. ۇلكەندەر قاۋىمى جاستارعا بار بىلگەندەرىن ۇيرەتىپ، كومەكتەسىپ، كەم-كەتىگىمىزدى جوندەۋگە ءازىر. بىزگە كونەنىڭ كوزىمەن كوپ نارسە ۇيرەتەدى.

اۋىل-قازاقتىڭ ءتول بەسىگى. بۇل دا تاريحتىڭ ءبىر قويناۋى. ن. ءا. نازاربايەۆ « تاريح-وتكەننىڭ ساباعى، الداعىنىڭ كەيىنگىگە ونەگەسى»-دەگەن بولاتىن. ءقازىر قالادا جۇرسەمدە، بويىمداعى اۋىلدىڭ توپىراعىنان سىڭگەن، اجەم مەن انام ۇيرەتكەن ىزگى قاسيەتتەردى اۋىلعا تاستاپ كەتتىم.  نەلىكتەن؟  نە سەبەپتى   تۋعان اۋىلىمدى ءبىر ساتكە قالامەن ايىرباستاپ كەتتىم؟ سەبەبى، بىرىنشىدەن، شىر ەتىپ ومىرگە كەلگەننەن باستاپ مەن تۋعان اۋىلىمنان جىراقتاپ الىس جەرگە كەتكەن ەمەسپىن. ەكىنشىدەن، مەنىڭ مىنەزىم وتە تۇيىق، جات ەلدەرمەن ارالاسۋىم وتباسىما ءبىراز قيىنشىلىقتار اكەلدى جانە اتا-انام مەنىڭ بولاشاعىمدى ويلاپ،  قالا ءتارتىبىن ۇيرەنۋگە، ءار ءتۇرلى ادامدارمەن ارالاسۋىمدى قالادى.  ۇشىنشىدەن اۋىل مەكتەبىندە ءپان مۇعالىمدەرىنىڭ جەتكىلىكسىز بولۋىنان اعىلشىن، ورىس تىلدەرىن مەڭگەرۋ ءۇشىن، قالادا وقۋىما تۋرا كەلدى. مىنە سول سەبەپتى اۋىلدى قيماستىقپەن  ارتقا تاستاپ، ءقازىر ريددەر قالاسىنداعى «شاڭىراق» مەكتەبىندە بيىل 11- سىنىپقا اياق باستىم. دەگەنمەن اۋىلىمدى وتە قاتتى ساعىنامىن. اۋىلدىڭ ءيىسى، ءتۇتىنى، توپىراعى ءبارى مەن ءۇشىن اسا قىمبات.  قازاقتا « بالانىڭ وسكەن بەسىگى- كەڭ دۇنيەنىڭ ەسىگى» دەپ تەككە ايتىلماعان. مەنىڭ بالالىق جۇرەگىمدە، اۋىلعا دەگەن-ساعىنىش، ىستىق ماحاببات جاتىر. قانشا الىستا جۇرسەمدە جۇرەگىم تەك اۋىل دەپ سوعىپ تۇرادى.

قورىتىندىلاي  كەلە، اۋىل- تاعىلىمى تالىم-تاربيەنىڭ ورداسى.  قازاقى قاسيەتتەر اۋىلدان باستاۋ الادى. مىنە، سوندىقتان دا اۋىل قامقورلىقتان، كومەكتەن كەندە قالماۋى كەرەك. قولدان كەلسە اۋىلدى كوركەيتىپ گۇلدەندىرەيىك. «گۇلدەنسە اۋىل-گۇلدەنەمىز ءبارىمىز» دەيتىن بەيىمبەت ءسوزى ءالى دە ءمان-ماعىناسىن جويعان جوق. اۋىل اجارلانسا- قازاقتىڭ دا  ماڭدايى جارقىراعانى

ريددەر قالاسى

«شاڭىراق» كوپسالالى مەكتەپ-گيمنازيا

كوممۋنالدىق مەملەكەتتىك مەكەمەسىنىڭ

11 «ا» سىنىپ وقۋشىسى اققازينوۆا نازەركە

---