اۋىلىم - التىن بەسىگىم
قازاقتىڭ بەرەكەسى مەن قۋانىشىن،قايعىسى مەن مۇڭىن بىرگە بولىسەتىن،جاقسىلىعىڭدى ماقتاپ،جاماندىعىڭدى بەتىڭە باساتىن اعايىننىڭ،ون شاقتى ۇل ،مونشاقتى قىز وسىرگەن،شاڭى مەن ءتۇتىنىنىڭ ءيىسى،قىمبات ءاتىردىڭ يىسىنەندە اسىپ تۇسەتىن اۋىلدىڭ ءقادىرى مەن قاسيەتى كەرەمەتقوي! مىنە ،ارمان قۋىپ قالاعا كەتكەن ءاربىر قازاق ءوز اۋىلىن،بابادان مۇرا بولىپ قالعان قارا شاڭىراقتى ساعىنباسىنا كىم كەپىل؟ اۋىلدان ادام كەتسەدە،ادامنان اۋىل كەتپەيدى دەگەن وسىعوي!
اۋىلىم التىن بەسىگىم! نەلىكتەن اۋىل مەن ءۇشىن التىن بەسىك؟
قازاقتىڭ شىعىسىندا ويىپ تۇرىپ ورىن تەپكەن تارباعاتاي اۋدانىڭ زايسان كول ماڭىندا ورنالاسقان بايتوعاس اۋىلىنىڭ قارا دومالاق بالاسى ءۇشىن،ياعني مەن ءۇشىن اۋىلدىڭ ورنى ءبىر بولەك.ەڭ العاش كىندىك قانىم تامىپ،ەڭ العاش كويلەگىم توزعان ەلدىڭ ءقادىرى مىنا مەن ءۇشىن ەرەكشە.قالانىڭ ورشىگەن قاربالاس تىرلىگىنەن قاراعاندا،اۋىلىمنىڭ تىنىش جاتقان كورىنىسى،جانىما راقات بەرىپ،بار اۋىرتپاشىلىعىمدى جوق قىلىپ جىبەرەدى. «ءبىسمىللا» دەپ العاش قادامىم جاسالىپ،تۇساۋىم كەسىلگەن جەر،بىلدىرلاپ العاش سويلەگەن سوزىمدە،ەستەن كەتپەس اعايىن- تۋىستىڭ كەلبەتىمەن جارقىن كۇلكىسى وسى التىن ۇيام،التىن بەسىگىم-اۋىلىمنىڭ تورىندە! مىنەكي،جوعارىدا قويىلعان سۇراققا جاۋاپ رەتىندە وسى قاناتتى سوزدەردى ۇسىنامىن!
نايمان رۋىنىڭ ىشىندە توعاس ەلىنىڭ باتىر جۇرەكتى ۇلىنىڭ،مىنا مەنىڭ تۋىپ وسكەن جەرىم،تاريحى ەجەلدەن تانىس،اتىن ەستىسە دوستارى مارقايىپ، جاۋلارى قاشاتىن،تەپسە تەمىر ۇزەتىن جىگىتى مەن سۇلۋ دا سىمباتتى قىزدارىمەن ماقتاناتىن،اتى ولەڭگە شىعىپ،زايسان كولىمەن كۇنىن كورىپ جۇرگەن تارباعاتاي اۋدانى، بايتوعاس اۋىلى! وسى ورايدا اۋىلىما جىر ارناعىم كەلىپ وتىر!
كولىندە شاعالا مەن سازان ويناعان ،
ءار ۇيدە كەڭشىلىكپەن توي تويلاعان
قىمبات ماعان جەرۇيىق ءجانناتى جەر
بايتوعاستان اسىپ-تۇسكەن جەر بولماعان
قارا شاڭىراق، تۇرمىسى زايسان كولمەن قايناعان
اۋىلىم كەلەم ساعان ساعىنىشپەن قايتادان
ساعىنىشىمدى ولەڭمەن جەتكىزەمىن
ساعىنعان تۋعان بالاڭ وزىڭە ءسوز ارناعان
«التىن دىڭگەك-اسىل بوساعام اۋىلىم» دەمەكشى اۋىلىما دەگەن ساعىنىشىمدى ءبىر ەسسەگە سىيدىرا الماسپىن.قيىپ تۇسەر قىلىشتاي سوزدەرىممەن اۋىلىمنىڭ كەرەمەتتىلىگىن ايتۋدى ازشىلىق دەپ سانايمىن.
سەبەبى، تۋ كوتەرەر ەرى بار،قازىنالى جەرى بار بايتوعاس اۋىلى مەن ءۇشىن التىن بەسىك!
ريددەر قالاسى
«شاڭىراق» كوپسالالى مەكتەپ-گيمنازيا» كمم
11 «ا» سىنىپ وقۋشىسى تولەۋبەكوۆ المات ارحات ۇلى
You Might Also Like
-
ابىلاي حان قازاققا حان بولىپ تۇرعان كۇندە قالدان شەرىنگە ەلشى جىبەرگەن ەكەن. سوندا قالدان شەرىن حانىمى قاراباس حانىمعا ايتقان ەكەن:
-
بەكبولات بي ۇزاق جاسادى، ابدەن قارتايدى. ارعىننىڭ يگى جاقسىلارى جينالىپ، بەكەڭە سالەمدەسۋگە كەلدى. سونىمەن قابات ويلارىن ايتتى: «ورنىنا قاي بالاسىن لايىقتايتىنىن ءوز اۋزىنان ەستىگىلەرى كەلەتىن...
