اۋزى قيسىق بولسا دا، باي بالاسى سويلەسىن...
«اۋزى قيسىق بولسا دا، باي بالاسى سويلەسىن...».
شىركىن، ءتىلىمىز ماقال-ماتەلگە، فرازەولوگيزمدەر مەن يديومالارعا باي عوي! حالقىمىز دا رۋحاني كەمەلدىگى جوعارى، الەمدەگى داناگوي ۇلتتىڭ بىرەگەيى. ءار ماقال-ماتەل، ءسالت-داستۇر مەن ادەت-عۇرىپتىڭ وزىندىك ۇعىمى مەن ءمانى بار. الايدا، كەي ماقالدار كوز الدىمىزعا بايىرعى زاماندا قازاق قوعامىندا بوي كوتەرگەن الەۋمەتتىك تەڭسىزدىكتى ەلەستەتەدى. كوبىمىز وسىلايشا تۋرا ماعىناسىندا تۇسىنەمىز. ال، نەگىزى اتالمىش ماقالدىڭ ماعىناسىنىڭ توركىنى الدەقايدا تەرەڭدە جاتىر ەكەن. بۇل ەشقانداي ادىلەتسىزدىك، تەڭسىزدىك جايىندا ەمەس، ءبىلىم مەن وقۋ-عىلىمنىڭ قۇندىلىعى جايىندا ايتىلعان دانا ءسوز ەكەن! قازاق دالاسىندا ءبىلىم جوعارى باعالانعان. ەلدىڭ كورگەنى كوپ كوسەمدەرىن، وقىعانى كوپ ادامدارىن جۇرت وزدەرىنە ءپىر تۇتىپ، جاڭا اقپارات الۋعا، ءبىلىم نارىمەن سۋسىنداۋعا ءاردايىم ىنتىق بولعان دەسەك، ارتىق بولماس.
ال، كىمنىڭ شاڭىراعىندا ءبىرىنشى كەزەكتە وسىنداي حالىققا قالاۋلى، بىلەرى كوپ اقىن-جىرشىلار، سال-سەرىلەر، سۇلتاندار باس قوسقان؟ ارينە، ابىرويى مول بايدىڭ ۇيىندە. دەمەك، بايدىڭ بالالارى ەلگە سىيلى، زيالى قاۋىممەن ءبىر ۇيدە بولىپ، سولاردىڭ استارلى اڭگىمەسىنە قانىق بولىپ، جىر-داستانداردى، ەپوستار مەن كۇيلەردى تىڭداپ، بويلارىنا دارىتادى.
وسىلايشا، اقىلدى دا، سانالى بولىپ ءوسىپ، ەلدىڭ الدىندا ءسوز سويلەپ، كوش باستاۋعا ۇيرەنەدى. سوندىقتان دا، قانشا «اۋزى قيسىق بولسا دا، بايدىڭ بالاسى سويلەسىن» دەگەن ەكەن.
ۇيرەنشىكتى ماقال-ماتەلگە وسىنداي، جاڭا قىرىنان قاراساق قالاي؟
باقبەرگەن ارۋجان
You Might Also Like
-
Covid-19 پاندەمياسى قازاقستان ەكونوميكاسىنا ەداۋىر اسەرىن تيگىزگەنى ءبىز ايتپاي-اق ايقىن بايقالعانى راس. ەڭ الدىمەن ەلىمىزدە مىڭداعان كاسىپكەرلەر جۇمىسىن ۋاقىتشا توقتاتا تۇردى. سونىڭ سالدارىنا...
