قازاقستاننىڭ دەمالىس ورىندارىنداعى كىزمەت كورسەتۋ (سەرۆيس): الاكولدەگى دەمالىس
قازاقستاننىڭ دەمالىس ورىندارىنداعى قىزمەت كورسەتۋ (سەرۆيس):الاكولدەگى دەمالىس.
تابيعاتتا دەمالۋ كىمگە بولسا دا ارتىق ەتپەيدى. ءتىپتى اقشامىز جەتەرلىكتەي بولسا، شەتكە شىعۋعا اسىعامىز.
قازىرگى تاڭدا كوز تارتارلىقتاي دەمالىس ورىندارى كوپ بولعانىمەن، قىزمەت كورسەتۋ ساپاسى اۋىز تولتىرىپ ايتارلىقتاي كەرەمەت دەي المايمىز.ستاتيستيكاعا سۇيەنە قاراسام، قازاقستاندىقتار اسىرەسە الاكولگە ءجيى بارادى.كولەمى جونىنەن ەلىمىزدەگى سۋ ايدىندارى ىشىنەن ەكىنشى ورىندى الاتىن كولگە 15-كە جۋىق وزەن كەلىپ قۇيادى ەكەن. سۋىنىڭ ەمدىك قاسيەتى بار. سۋدىڭ قۇرامىندا حلوريد-ناتريي تۇزى بولعاندىقتان، ول ادام دەنساۋلىعىنا وڭ اسەر ەتەدى. كەي دەرەكتەرگە كوز سالساق، الاكولگە جىلىنا 250 مىڭنان استام دەمالۋعا كەلەدى ەكەن.
الاكولدە جەكەلەگەن پانسيوناتتار، سونداي-اق جەكە ۇيلەر دە قوناقتاردى جاتىن ورىنمەن، تاماقپەن قامتيدى. پانسيوناتتا ءبىر ادامعا كۇنىنە 5-15 000 تەڭگە ارالىعىندا شىعىن شىعۋى مۇمكىن. ونىڭ ىشىنە 3 مەزگىل تاماق تا كىرەدى. جەكەلەگەن ۇيلەرگە ورنالاسساڭىز، ودان ارزانىراق بولۋى مۇمكىن، ءبىراق قىزمەت كورسەتۋ دەڭگەيى دە باعاسىنا ساي بولادى. كولدەن باسقا تابيعات تاڭعاجايىپتارىن تاماشالاعىڭىز كەلسە، جاقىن ماڭداعى جالاڭاشكول رودون بۇلاعىنا، جوڭعار الاتاۋىنا بارۋىڭىزعا دا بولادى.
وسىنداي مۇمكىندىكتى پايدالانۋ ناتيجەسىندە جىلدان جىلعا كول بويىنداعى سەرۆيستىك قىزمەت كورسەتۋ دەڭگەيى ءوسىپ كەلەدى.
الاكولگە دەن مەن جان ساۋلىعىن قالىپقا كەلتىرىپ، قالا قاربالاسىنان تىنىم تاۋىپ، دالانىڭ ەركىن جەلىنە بوي سەرگىتپەك جاندار ۇمتىلادى. وسىناۋ ۇمتىلىستى تولىقتاي قاناعاتتاندىرارلىق جاعداي الاكولدە تولىقتاي جاسالعان: ءتۇرلى قوناق ۇيلەر مەن دەمالىس ورتالىقتارى، جايلى جاعاجاي، بەلسەندى دەمالىس ورىندارى جەتەرلىك.
الاكولدىڭ تۇزدى سۋىنان مەندەلەيەۆ كەستەسىندەگى يودتان باسقا بۇكىل ەلەمەنتتەردى كەزدەستىرۋگە بولادى. بۇل ءوز كەزەگىندە كوپتەگەن اۋرۋدى ەمدەۋگە كومەكتەسەدى. تەك سۋى عانا ەمەس، مۇنداعى كۇكىرتسۋتەكتى بالشىقتار دا، مينەرالدى تۇزدارعا باي قۇرعاق تازا دالا اۋاسى دا ادام جانىنا داۋا بولا الادى.
وڭىردە ەمدەۋ-ساۋىقتىرۋ ءتۋريزىمىن دامىتۋ بويىنشا اقتۇبەك اۋىلىندا «الاكول – اراسان» بالشىقپەن ەمدەۋ-ساۋىقتىرۋ ورتالىعى جۇمىس ىستەيدى.
ەلىمىزدە ءتۋريزمدى دامىتۋ – مەملەكەتتىك ساياساتتىڭ باسىم باعىتى. ءتۋريزمدى دامىتۋ ارقىلى قازاقستاننىڭ ەكونوميكالىق جاعدايىن جاقسارتىپ، ءبىرقاتار الەۋمەتتىك ماسەلەلەردى شەشۋگە بولاتىنى دا بەلگىلى. قازاقستاندا ءتۋريزمدى دامىتۋ ءۇشىن بارلىق قاجەتتى مادەني، تاريحي، گەوگرافيالىق جانە كليماتتىق جاعدايلار جەتكىلىكتى. تاۋەلسىزدىك العان سوڭ مادەني جانە تاريحي قۇندىلىقتاردى جاڭارتۋعا باعىتتالعان بۇل سالانى دامىتۋعا العىشارتتار جاسالدى.
سوڭعى جىلدارى ەل ۇكىمەتى تۋريزم سالاسىن دامىتۋعا نەگىزدەلگەن ماقساتتاردى ايقىنداپ، اسىرەسە، باسەكەگە قابىلەتتى 30 ەلدىڭ قاتارىنا قوسىلۋ ستراگەتياسى بويىنشا ناقتى مىندەتتەمەلەر جۇكتەپ وتىر. ۇلتتىق تۋريزم سەكتورى جوعارى دەڭگەيدەگى جان-جاقتى دامىعان ينفراقۇرىلىم ارقىلى اتالمىش ستراتەگيانىڭ ورىندالۋىنا ءوز سەپتىگىن تيگىزە الادى. سونداي-اق، مەملەكەت جۇكتەگەن تاعى ءبىر مىندەتتەردىڭ ءبىرى – ورتا ازيا ايماعىنداعى تۋريستىك ورتالىققا اينالۋ. بۇل باعدارلامانى دامىتۋ ءۇشىن مەملەكەتتىڭ بيۋدجەت قورىنان 59 ملرد تەڭگە بولىنگەن.
تۋريزم سالاسى – قازاقستان ەكونوميكاسىنداعى قارقىندى سالالاردىڭ ءبىرى. حالىقارالىق ساراپشىلاردىڭ پىكىرىنە سۇيەنسەك، قازىرگى كەزدە تۋريزم الەمدىك ەكونوميكاداعى قارقىنى تومەندەمەيتىن سالانىڭ بىرىنە جاتادى. تۋريزم كوپ ەلدەردە جالپى ىشكى ءونىمنىڭ قالىپتاسۋىنا، قوسىمشا جۇمىس ورنىن قالىپتاستىرۋعا، سىرتقى ساۋدا بالانسىنىڭ بەلسەندىلىگىنە ىقپال ەتەدى. سوڭعى جىلدارى تۋريزم الەمدەگى ەڭ تابىستى بيزنەستىڭ بىرىنە اينالىپ ۇلگەردى. تۋريزم سالاسىنىڭ جىلدان-جىلعا ماڭىزى ارتىپ، حالىقارالىق بايلانىستا جانە ۆاليۋتالىق ءتۇسىم كوزى رەتىندە كوپ مەملەكەتتەر اتالمىش سالاعا باسا نازار اۋدارۋدا.
كاسيمبەك جانەل
You Might Also Like
-
قازاق جەرىنىڭ كيەلى توپىراعىنان الەمدى اۋزىنا قاراتقان اقىندار مەن ءتورت كۇل دۇنيەنى تاڭ-تاماشا ەتكەن عۇلامالار تۋعان. بۇعان ناقتى دالەل تەك تۇركىلەردى عانا ەمەس بۇكىل الەم حالقىن مويىنداتقان ويشىل ...
