InfoHub Logo

Covid-19 پاندەمياسى قازاقستان  ەكونوميكاسىنا ەداۋىر اسەرىن تيگىزگەنى ءبىز ايتپاي-اق ايقىن بايقالعانى راس. ەڭ الدىمەن ەلىمىزدە مىڭداعان كاسىپكەرلەر جۇمىسىن ۋاقىتشا توقتاتا تۇردى. سونىڭ سالدارىنان ادامدار اقىسىز قالىپ، 42500 جاردەماقىعا قاراپ قالعانى شىن. ىندەت وقۋعا دا ايتارلىقتاي تەرىس اسەرىن تيگىزە وتىرا، ساۋاتسىزدىقتىڭ كوبەيۋىنە جول اشتى دەسەمدە بولادى. ەكونوميكا دەمەكشى، قازاقستان بيلىگى كوروناۆيرۋستىڭ تارالۋىن توقتاتۋعا تىرىسىپ جاتقان تۇستا ەلدىڭ ەكسپورتقا شىعاراتىن نەگىزگى شيكىزاتى - مۇناي كۇرت ارزانداپ، جىعىلعان ۇستىنە جۇدىرىق بولىپ ءتيدى. شيكىزات ءوندىرۋ سالاسىندا بىردەي ەكى پروبلەما پايدا بولعانعا ۇقسايدى. الەمدىك ىندەتكە اينالعان بۇل ۆيرۋس شوۋ-بيزنەس پەن كينوسالاسىنا دا كەرى اسەرىن تيگىزدى. ال ءدال قازىرگى ۋاقىتتا ۆيرۋس قانشالىقتى باسەڭدەدى؟ ساقتىق شارالارى ەلىمىزدە ساقتالىپ جاتىر ما؟ ەلىمىزدە وتكەن جىلعىداي سيتۋاسيالار قايتالانىپ جاتسا، مەملەكەت قانشالىقتى قورعانۋعا دايىن؟ وسى كوكەيتەستىك سۇراقتار ءبىزدى الاڭداتىپ قانا قويماي، وسى سۇراقتاردىڭ جاۋابىن جوعارىلاردان بىلگىمىز كەلەتىنى دە بار.  

مەنىڭ ويىمشا، ەڭ الدىمەن شەكتەۋدى كەزەڭ-كەزەڭىمەن اشقانى دۇرىس. ءۇي قاماۋى ودان ءارى سوزىلا بەرسە، حالىققا اۋىر ءتيۋى مۇمكىن. ءار ادامنىڭ تىرشىلىگى بار، كۇن كورۋى كەرەك. كارانتيندە ونىڭ ءبارى توقىراپ، توقتاپ قالدى. ارينە، ۆيرۋس تۇبەگەيلى جويىلىپ كەتكەن جوق. ءبىراق ءقازىر سەيىلىپ، باسەڭدەدى.

ساقتانۋ شاراسى:

پروفيلاكتيكالىق 5 شارا

دەنساۋلىق ساقتاۋ مينيسترلىگى پروفيلاكتيكالىق 5 شارانى تۇراقتى ىستەۋگە كەڭەس بەرەدى:

 • قول مەن بەتتى سابىنمەن ءجيى جانە مۇقيات جۋۋ؛

 • قولعا ارنالعان سپيرتتىك انتيسەپتيكتەردى قولدانۋ؛

 • كوپ ادام جينالعان ورىنداردان اۋلاق بولۋ؛

 • ناۋقاس ادامدارمەن بايلانىسقا تۇسپەۋ؛

 • سالقىن تيۋ بەلگىلەرى (دەنە قىزۋىنىڭ كوتەرىلۋى، مۇرىننىڭ بىتەلۋى، جوتەل، تاماقتىڭ اۋرۋى) پايدا بولعاندا مىندەتتى تۇردە دەرەۋ ۇيگە جەدەل جاردەم شاقىرۋ قاجەت.  

كۇندەردىڭ كۇنى ءقاۋىپتى ىندەت كەرى شەگىنىپ، كۇشىن جوياتىنىنا سەنەمىز. تەك ول ءۇشىن كارانتين مەن وقشاۋلانۋدىڭ ءوزى جەتكىلىكسىز. ۆاكسينا كەرەك. قازىرگى تاڭدا كوروناۆيرۋسقا قارسى ەكپە جاساپ شىعارۋ ءۇشىن الەمدىك زەرتتەۋشىلەر ايانباي تەر توگىپ جاتىر. دەسە دە ولاردىڭ ەشقايسىسى بۇگىنگە دەيىن كوڭىل قۋانتارلىق قورىتىندى جاساي المادى.

قورتىندىلاي كەلە، ءار ادام ءوز دەنساۋلىعىنا الاڭدايتىنى راس. نەگىزىندە ساقتىق شارالارىن مەملەكەت ەمەس، وزىمىزدەن باستاۋ الۋىمىز كەرەك دەپ ويلايمىن. ولاي دەيتىنىم، جۇمىلا كوتەرگەن جۇك جەڭىل دەمەكشى، ءوزىمىز ساقتىق شارالارىن ساقتاپ، ايتىلعان ەرەجەلەرگە باعىنىپ، دەر كەزىندە ەمدىك شارالاردى الىپ وتىرساق ۆيرۋستىڭ بولۋىن باسەڭدەتە تۇسەتىنىمىزدى ءتۇسىنۋىمىز كەرەك. دەسە دە، «ساقتىقتا قورلىق جوق» دەمەكشى، مامانداردىڭ ايتۋىنشا، ءار ادام جەكە تازالىعىنا قاراۋى ءتيىس. ال، ەگەر باس اۋرۋى، سۋىق تيۋ، كەۋدە تۇسىنىڭ اۋىرسىنۋى، پنيەۆمونيا، قالتىراۋ، دەنە قىزۋىنىڭ كوتەرىلۋى  سياقتى بەلگىلەر بايقالسا، 103 ءنومiرiنە حابارلاسۋ كەرەك ەكەنىن بىلگەندەرىڭىز ءجون.

كاسيمبەك جانەل

---