InfoHub Logo

قازاقتىڭ العاشقى جۋرنالى «ايقاپ» نەبارى 4 جىل شىققانىنا قاراماستان تاريحتا وشپەس ءىز قالدىردى. جۋرنالدا سول كەزدەگى حالىقتىڭ مۇڭ – مۇقتاجى تۋرالى ماقالالارى جاريالانىپ وتىرعان. سولاردىڭ ءبىرى احمەت بايتۇرسىن ۇلىنىڭ «قازاقتىڭ وكپەسى» ماقالاسى. ول ءوز ماقالاسىن: «قامسىز جاتقان قازاقتىڭ كوڭىلىنە سوڭعى كەزدە عانا كىرە باستادى. باسقا كەلگەن ناۋبەتتىڭ قايدان كەلگەنىن، كىمنەن بولعانىن بىلە الماي، اركىمنەن كورىپ وكپەلەيدى.  پايدالانىپ وتىرعان جەرىن مۇجىققا الىپ بەردى دەپ ۇكىمەتكە وكپەلەيدى. قازاق جەرىن قازىنالىق ەتۋگە نەگە كونگەن وتكەندەرگە وكپەلەيدى. تومەندە قازاق وكپەلەۋىنىڭ ءجونى بار ما، جوق پا  - سونى جازباقپىن.» - دەپ قازاق حالقىنىڭ وسى ۋاقىتقا دەيىن بەيقام جاتىپ، ەندى عانا ويانىپ، جان-جاعىنا قاراپ جاتقاندىعىن جانە كىنانى اركىمنەن ىزدەيتىنىن جازىپ باستايدى. حالقىمىز دا، حاندار دا وسى ۋاقىتقا دەيىن بىلىمگە، عىلىمعا قىزىقپاعاندىعىن، تەك ءوز ارا جاۋلاسقاندىعىن سىناي جازادى. ءبىز بۇل تۇرىمىزبەن ۇرپاعىمىزعا قانداي ميراس قالدىرامىز دەيدى. «وزگە جۇرتتار ىلگەرى باسقاندا، قازاق كەرى باسقان. حان باسىن قاراشاعا تەڭگەرۋ جەڭىل بولماسا دا، ءوز الدىنا جۇرت بولىپ تۇرا الاتىن بولماعان سوڭ، حاندارىمىز حالقىمەنەن روسسياعا قوسىلعان.» - دەپ احمەت بايتۇرسىن ۇلى اشىنىپ، ءوز ويىن ماقالاسى ارقىلى جەتكىزگەن. سودان سوڭ ماقالادا قازاق جەرى تۋرالى ماسەلە كوتەرىلگەن. حالىقتىڭ بولماشى نارسەگە جەرىن ساتىپ، الماستىرعانىن جانە قازاقتاردىڭ جەردەن ايىرىلىپ، ارجەرگە تەنتىرەپ كەتكەندىگىن اتاپ وتكەن. «امالىڭدى تۇزەت، تۇزەمەسەڭ ەشكىمگە كىنا قويما. بەتى جاماننىڭ ايناعا وكپەلەۋى ءجون بە؟ نيەتى جاماننىڭ اللاعا وكپەلەۋى ءجون بە؟ تالاپ جوق، ءۇمىت مول حالىقپىز.» - دەپ احمەت بايتۇرسىن ۇلى قازاق حالقىنا ۇندەۋ جولدايدى. حالىقتى ويانىپ، تىرشىلىك جاساۋعا شاقىرادى. وقۋ وقىپ، ءبىلىم الىپ، كوزى اشىق ادام بولايىق دەپ جازادى. قۇردان قۇر قاراپ جاتقانعا بەرەتىن بولسا، عىلىم، ونەر دەگەندەر قازاقتا بولار ەدى. الايدا ولاردىڭ ءبىرى دە بويىمىزدا كورىنبەيدى. سوندىقتان، بوس جاتپاي وقۋعا بەت بۇرعانىمىز ءجون. وزىمىزگە وكپەلەمەسەك، وزگەگە وكپەلەر بەت جوق. كىنا تەك وزىمىزدەن، ءوز – ءوزىمىزدى قولعا الۋىمىز قاجەت. وكپەلەر بولساق وزىمىزگە عانا – دەپ حالىقتىڭ ورىنسىز رەنىشىن ايتىپ ءوتتى.

---