InfoHub Logo

“قازاقتىڭ وكپەسى” ماقالاسىنىڭ ءمانى قانداي بولدى؟ نە جايىندا ايتىلدى؟ بۇل سۇراقتاردىڭ جاۋابىن اۆتوردىڭ ءوزى ماقالا باسىندا ايتىپ وتكەن. “تومەندە قازاق وكپەلەۋىنىڭ ءجونى بار ما، جوق پا  - سونى جازباقپىن.”،- دەپ جازىپ وتكەن. ءار حالىقتىڭ، ءار مەملەكەتتىن باستى بايلىق قازىناسى ول-شۇرايلى جەرى. “قازاقتىڭ ءالى كۇنگە  جەردەن قول ۇزبەي وتىرعانى   -  جەر قازىنالىق بولعاندىقتان. بۇگىن تويعانىنا ءماز بولىپ، ەرتەڭگىسىن ۇمىتاتىن قازاق بۇگىن جەرىن ساتىپ تويىپ، ەرتەڭ تەنتىرەپ كەتەر ەدى. جەر جالداعان قازاق از  با؟  جەر جالداۋدان تارتىنباعاندار ساتۋدان دا تارتىنبايدى. جەر قازىنالىق بولعان سوڭ ساتا المادى، جالداۋدان تارتىنىپ قالعان قازاق از شىعار؟! قازاق وبلىستارىنداعى مۇجىق قالالارىنىڭ كوبىن حاكىم قوندىرعان جوق، قازاق ءوزى قوندىرعان. ەستەكتەر سىقىلدى شاي، قانت، شۇبەرەككە قىزىعىپ، جەر جالداپ، مۇجىقتى ىشىنە كىرگىزگەن ءوزىڭ ەمەس پە؟! ءوزىڭ قوندىرساڭ دۇرىس تا، حاكىم قوندىرسا بۇرىس پا؟ وتكەندەردىڭ كوزىنە قىراۋ تۇسكەنىنە وكىنبەي، ءوز كوزىڭە تۇسكەن قىراۋدى ارشىپ قارا. اسقا وكپەلەگەن بالالارداي قۇر بۇلتيعاننان ەشتەڭە ونبەيدى. ءىس وڭعى باسارلىق قىلىعىڭ جوق. امالىڭدى تۇزەت، تۇزەمەسەڭ ەشكىمگە كىنا قويما. بەتى جاماننىڭ ايناعا وكپەلەۋى ءجون بە؟ نيەتى جاماننىڭ اللاعا وكپەلەۋى ءجون بە؟ تالاپ جوق، ءۇمىت مول حالىقپىز. ءۇمىتىمىزدىڭ كوبى قوشقار، قاسقىردىڭ ءۇمىتى سىقىلدى! ءوزىم جاتسام ەكەن، كەرەگىم ءوزى كەپ تيەر بولسا ەكەن دەيمىز. ونى اللا دا، ادام دا  قابىل كورەر مە؟! ەڭبەكسىز ەگىن شىقپايدى، تەرسەلەڭ تەرىڭ تەگىن قالمايدى. تەلمىرىپ العان تەڭگەدەن، تەر ءسىڭدىرىپ العان تيىن جۇعىمدى. «قاراعان قاراپ قالار» دەگەن قازاقتا جاقسى ماقال بار، ءبىراق ول ماقالدى ەسكەرەتۇعىن قازاق جوق.” دەگەن ەكەن. ياعني قازاقتىڭ تەك قانا ءبىر كۇندىك ءومىرىن ويلاپ قانا ءومىر سۇرەتىندىگى اۆتوردى قىنجىلجاتىنىن ۇقتىم. جوعارىدا وتىرعاندارعا وكپەۋىمىز ورىندا ما الدە ورىنسىز با، سول ماسەلەنى ەكى جاقسى قاراستىرعانىن بايقادىم. مەنىڭ تۇسىنىگىممەن احمەت بايتۇرسىن ۇلىنىڭ جاريالاعان ماقالاسىنىڭ ايشىقتى ءمانى “وزىمىزگە وكپەلەمەسەك، وزگەگە تاعار ايىپ جوق”دەگەن ويدى جەتكىزگىسى كەلدى.

بۇركىتبايەۆا اقبالا امانگەلدى قىزى

---