InfoHub Logo

سەركە گازەتى — رەسەيدە بولعان ءبىرىنشى ريەۆوليۋسيا ەكپىنىمەن شىققان باسپا ءسوز ءتۇرىنىڭ ءبىرى بولعان تۇعىن. الايدا بۇل گازەتتىڭ جابىلۋىنا اسەرىن تيگىزگەن بىردەن-بىر سەبەپ — اقىن-جازۋشى ءمىرجاقىپ دۋلاتوۆتىڭ ماقالالارى. سونىڭ ىشىندە: “ جاستارعا” اتتى ولەڭى مەن “ءبىزدىڭ ماقساتىمىز” اتتى ماقالاسى. “ءبىزدىڭ ماقساتىمىز” ماقالاسىنىڭ جاريالانۋىندا ساياسي استارى مەن ءمانى بارى ايقىن.  ونى ماقالانىڭ مىنا ءبىر جولدارىنان بايقايمىز: “...وزدەرىڭىز كوز جازباي بايقاپ وتىرعانداي... چينوۆنيكتەر، ۋريادنيكتەر كەدەي قازاقتاردى ۇرىپ- سوعىپ، مال-مۇلكىن تارتىپ، ويىنا نە كەلسە سونى ىستەدى...” ياعني وسى سوزدەرى    پاتشا وكىمەتىنىڭ قىتىعىنا ءتيىپ، گەزەتتىڭ جابىلۋىنا اسەر ەتۋى ابدەن مۇمكىن:

•قازاقتىڭ شۇرايلى جەرلەرىن ورىستارعا بەرمەۋ قاجەتتىگى جونىندە؛ 

•مال-مۇلىكتەرىنە يە بولۋى جونىندە؛

•حالىق ءوزىنىڭ تالاپ- تىلەكتەرىن اشىق ءبىلدىرۋ قاجەتتىگى جونىندە؛

•قازاق ازاماتتارى ىشىنەن جەر اۋدارۋ  كوبەيگەندىگىن  قوزعاپ، قازاقتاردى وياتۋعا تىرمىسقان ءمىرجاقىپ ماقالاسىننىڭ تاراۋى، گازەت بەتتەرىنىڭ جابىلۋىنا  تۇرتكى  بولدى.

سول كەزدەڭدە قازاقتاردىڭ، جۇمىسشىلار مەن شارۋالاردىڭ جەكەلەگەن باسكوتەرۋلەرى ورىن الدى. ول جىلدارداعى ماڭىزدى وقيعالاردىڭ ءبىرى قازاقتاردىڭ رەسەي مەملەكەتتىك دۋماسىنىڭ جۇمىسىنا قاتىسۋى بولدى. حالىق ويانۋى ءۇشىن قازاق زيالىلارى ۇلكەن ۇلەس قوستى. ولار، اتاپ ايتقاندا، ءا. بوكەيحانوۆ، ا. بايتۇرسىنوۆ، م. دۋلاتوۆ جانە باسقالار ەدى. قازاق زيالىلارىنىڭ كوشباسشىلارى حالىقتىڭ ساياسي جاعىنان كوزىن اشۋ ءۇشىن ونىڭ بويىندا بىلىمگە دەگەن قۇلشىنىستى وياتۋ، ساۋاتسىزدىقتى جويۋ قاجەت ەكەنىن ءتۇسىندى. قازاق زيالىلارىنىڭ بۇكىل قىزمەتى وسى ماقساتقا ارنالدى دەۋگە دە بولادى. ماقالانىڭ باعىتى — حالىقتى ويانۋعا ۇندەۋ بولدى.

ال ەندى قازىرگى مەزەتكە ورالساق، بۇگىنگى تاڭنىڭ جۋرناليستتەرىنىڭ  بويىنىنان وسىنداي باتىلدىق تابىلا ما؟ ءقازىر اشىق پىكىر، ايقىن وي، ءسوز بوستاندىعىن پايدالانۋعا مۇمكىندىك بەرىلدى مە؟ بۇل سۇراقتاردىڭ جاۋابىن تابۋ ءۇشىن  بىرنەشە ءجايتتارعا كوز جۇگىرتىپ، جان-جاقتى قاراستىرايىق. قازاقستان مەملەكەتى دەموكراتيالىق باعىت ۇستانعان مەملەكەت ەكەنى بارىنە ءمالىم. تاۋەلسىزدىكتىڭ العاشقى جىلدارىندا بۇقارالىق اقپارات قۇرالدارىندا نەمەسە كوگىلدىر ەكران بەتىنەن اشىق بىلدىرىلگەن پىكىر مەن ماقالالاردى كوردىك، الايدا بۇگىنگى كۇنىمىزدە  بۇقارالىق اقپارات قۇرالدارى مەن جۋرناليستەر باسپا بەتىندە وي-پىكىر، كوزقاراس ءبىلدىرۋ ەشقانداي قيىندىقتى تۋىنداتپايدى. ءاربىر سالا مامانى جەكە پىكىر مەن ويىن اشىق ايتىپ، الەۋمەتتىك جەلىلەرگە دە جۇكتەي الاتىن  مۇمكىندىككە جەتتىك. ءبىراق بۇل ءسوز بوستاندىعىن تەرىس پايدالانۋشىلىققا جول بەرۋ دەگەن ءسوز ەمەس. سەبەبى “ءسوز بوستاندىعى - «اقپارات بوستاندىعى”   ازاماتتىڭ ساياسي قۇقىقتارى مەن ادامنىڭ نەگىزگى جەكە قۇقىقتارىنىڭ ءبىرى.

بۇركىتبايەۆا اقبالا امانگەلدى قىزى

---