InfoHub Logo

كەزىندە قالىڭ قازاق ەلىنىڭ اعى مەن قاراسىنداي بولعان "ايقاپ" جۋرنالى مەن "قازاق" گازەتىنىڭ باعىتى ەكى ءتۇرلى بولعانىمەن، نەگىزگى ءتۇپ ماقساتى ءبىر بولدى. شىرماۋىقتاي شىرمالعان ساياساتتىڭ شىرماۋىندا قالىپ قويعان قاراڭعى حالقىمىزدىڭ كوزىن اشۋ بولاتىن. ايقاپتىقتاردىڭ باستى ماقساتى ەلدىڭ قۇلاعى مەن كوزى بولا ءبىلۋ، جەتكىزۋ بولسا، قازاقتىقتار حالىققا جول سىلتەپ، تاڭداۋ جاساۋ ءۇشىن ۇگىت - ناسيحات جۇرگىزە ءبىلدى. دەگەنمەن، ولار ءجيى ايتىسىپ وتىرعان. ەكى باسىلىمنىڭ ايتىسقان سەبەپتەرىنىڭ ءبىرى جەر ماسەلەسى. مىسالى، "ايقاپ" جۋرنالىنىڭ زيالىلارى قالا بولۋدى جاقتاسا، "قازاق" گازەتى قالا بولۋدى قولدامادى. اسىلىندا، بۇل ەكى ءتۇرلى پىكىر، ەكى ءتۇرلى ۇسىنىس قازاق اراسىنداعى نەگىزگى ەكى تاپتىڭ پىكىرى، مۇددەسى ەدى. مۇنىڭ ءبىرىنشىسى قازاقتىڭ كەدەيلەرى مەن جارلى-جاقىبايلارىنىڭ پىكىرى، مۇددەسى ەدى دە، ەكىنشىسى قازاقتىڭ ءىرى بايلارىنىڭ پىكىرى، مۇددەسى ەدى. ەكى  ءتۇرلى كوزقاراسپەن بۇل باسىلىمدار جۇرتىمىزعا تاياقتىڭ ەكى ۇشى بولىتىنىن، ياعني، ماسەلەنى ەكى جاقتى قاراۋ كەرەك ەكەنىن نۇسقاعانداي بولدى. بۇل وكتەم ساياساتتىڭ وكىلەتتىگىنە كۇدىك تۋدىرماي، ارەكەت ەتۋ بولاتىن. "ەكى باسىلىم ءبىر بىرىمەن اراز بولعان، نەمەسە باسىلىمداردىڭ باسشىلارى ءبىر - ءبىرىن قولداماعان، جاقتىرماعان، اراسى سۋىق بولعان" - دەگەن سىڭارجاق پىكىردى ەستىپ جاتامىز. ءبىراق بۇل ويدان بولاشاق ۇرپاق اۋلاق بولۋىمىز كەرەك. ول دا بولسا بۇلجىماس بىرلىك دەيتىن اسىل مۇراتتىڭ ءبىر ۇستىنى بولا الادى. سەبەبى، سايىپ كەلگەندە قوس باسىلىمدا قازاقتىڭ باسىن تورگە سۇيرەپ، كەمەل كەلەشىگىمىزدىڭ تاۋەلسىز كۇندەرى ءۇشىن شىبىن جانىن قيىپ، تەر توكتى. "ايقاپ" جۋرنالىنىڭ باسشىسى  م.سەرالين مەن "قازاق" گازەتىنىڭ نەگىزىن قالاۋشى ا.بايتۇرسىنوۆ تا قازاقتىڭ ماڭدايعا بىتكەن قوس قاناتتى تۇلپارى، الاشتىڭ ازۋىندى ارىستارى. باسىلىمداردىڭ باستى شىندىعىنىڭ ءبىرسىپىراسى قازاق ەلىنىڭ مۇڭى مەن زارىن ەكى ءتۇرلى باعىتتا جازدى. بۇل اششى شىندىق عاسىرلارعا جالعاسقان تاريح بولارى حاق. سوندىقتان، حالقىمىزعا جول نۇسقاعان باسىلىمداردى قۇرمەتتەۋ قاجەت. 

جانەل ۋاليحان قىزى

---