بالا كىمگە تارتادى؟
.. سوۆەت وكىمەتىنىڭ العاشقى جىلدارىندا بۇرىنعى اتباسار ۋەزى تەرريتورياسىنداعى ەلدەردى قىزمەت بابىمەن ارالادىم. سول كەزدە كوپ جاساعان، كوپتى كورگەن، ەستىگەنىن ۇمىتپايتىن، ءتىلى ورامدى قارتتارمەن تانىسىپ، ولاردىڭ ءتۇرلى تاقىرىپتاعى اڭگىمەلەرىنە قۇلاق قويدىم. باتىر اتامىز باۋكەڭنىڭ (باۋبەك بەكمىرزا ۇلى) سەميا قۇرامى جايىندا ءوز اۋزىنان ەستىگەن اڭگىمەسىن قارتتار بىلايشا باياندادى.
«ءتورت نەكەلى بولدىم،—دەپتى باتىر،—ۇلكەن ايەلىمدى شەشەم اپەردى، ەكىنشىسىن—اكەم، ءۇشىنشىسىن—تورە اپەردى. ءتورتىنشى ايەلىم—قازىرگى توقالىمدى ءوزىم كورىپ، تاڭداپ الدىم. العاشقى ءۇش ايەلدەن تۋعان بالالارىم ماعان تەك سىرتقى سىمباتى، بەت اجارى جاعىنان عانا ۇقسايدى، ال مىنەز-قۇلىق، ءجۇرىس-تۇرىس، وي ءورىسى جاعىنان ءبارى دە ناعاشىلارىنا تارتتى. بۇل تۇرعىدان قاراعاندا، بالا ۇزاق ۋاقىت قۇرساقتا كوتەرگەن، تۋعاننان كەيىن ءتۇن ۇيقىسىن ءتورت ءبولىپ، جارعاق قۇلاعى جاستىققا تيمەي ماپەلەپ وسىرگەن اناسىنا تارتادى ەكەن دەگەن قورىتىندىعا كەلدىم..».
You Might Also Like
-
ەرتە كەزدە ون توعىزىنشى عاسىردىڭ اياق كەزىندە تارباعاتاي باۋىرىندا وتىراتىن قاراكەرەي جاناي دەگەن ەل جازدا كوشە- كوشە قالبانىڭ جونىنا كەلىپ، ءبىر اي وتىرىپ قايتادى ەكەن.
-
تىشقانباي ۇلى تاسىم — اڭگىمەشىل، ەستىگەنىن ۇمىتپايتىن، ءار وقيعانى جۇيە-جۇيەسىمەن، تۇسىنىكتى دە قىزىقتى ەتىپ ايتاتىن ءتىلۋار ادام ەدى. ەرتەرەكتەگى ەلەۋلى وقيعالار جايىنداعى ەستەلىكتەرىنىڭ ءبىرىند...
