جۇرەكپەن قاراۋ
... وسى احمەت قارت بالالاردىڭ قىزمەتىنە بايلانىستى ءوز ەلىنەن قاشىق مەكەندەدى. ۇلى وتان سوعىسى جىلدارىنىڭ بىرىندە ول مەكەندەپ وتىرعان جامبىل قالاسىنا ونىڭ اتالاس تۋىستارىنان ەكى جىگىت كەلدى. سالەمدەسىپ، اماندىق ءبىلىسۋ ءۇشىن قارت اتاسىنىڭ ۇيىنە باردى.
الدىڭعى بولمەدە احاڭنىڭ بايبىشەسى وتىر ەكەن. ول كەزدەيسوق كەلگەن مەيمانداردى تاني المادى. ونىسى زاڭدى ەدى، ويتكەنى احاڭ ەلدەن كەتكەلى جيىرما جىل بولدى.
مەيماندار تورگى بولمەگە كىرىپ وتىردى. كوپ ۇزاماي احاڭ كىرىپ كەلدى. ەكەۋى سالەم بەرىپ، قولىن الدى دا:
— ءبىزدى تانيسىز با؟ — دەدى.
احاڭ ەكەۋىن دە جازباي تانىدى. ولاردىڭ:
— بۇل قالاي، وزىڭىزدەن مۇشەل كىشى بايبىشەڭىز تاني المادى عوي، — دەگەن سەزىگىنە:
— باسقالار كوزىمەن قارايدى، ال مەن جۇرەگىممەن قارايمىن. سەندەر ءاردايىم مەنىڭ جۇرەگىمدەسىڭدەر عوي، — دەدى قارت اتا.
سوندا احاڭ 85 جاستا ەكەن. كەلگەندەر ونىڭ زەرەكتىگىنە، تاپقىرلىعىنا تاڭ قالدى.
You Might Also Like
-
ەرتەرەكتە سابىر دەگەن جىگىت بازارعا بارسا دا، جيىن توپتا دا «اقىلىم كوپ، اقشام جوق» دەيدى ەكەن. سابىردىڭ بۇل كوڭىل سىرىن ءتۇسىنىپ، ءبىر باي ادام شاقىرىپ الادى دا، وعان اقىل-كەڭەس بەرەدى.
-
... باسەڭ باتىردىڭ ورتانشى ۇلى ماتىنى قۇلاق ەستيتىن، ات اياعى جەتەتىن جەردەگى ەلدەر وتە سىيلاپ، ەرەكشە قۇرمەتتەيتىن بولىپتى. بۇل اسقان بايلىقتىڭ، جومارتتىقتىڭ، شەشەندىكتىڭ، باتىرلىقتىڭ نەمەسە جوعارى...
