بالالارعا ەستەتيكالىق تاربيە بەرۋ قۇرالىنىڭ ءبىرى — حورەوگرافيالىق ونەر
«№26 مەكتەپ-بالاباقشا» كمم
تورەبەكوۆا دامەگۋل سەيپاتتال قىزى — پەداگوگ-حورەوگراف
تۇلعانىڭ ەستەتيكالىق كوركەم مادەنيەتتىلىگىن قالىپتاستىرۋدا حورەوگرافيالىق ونەر ەستەتيكالىق تاربيە بەرۋدىڭ ەڭ ماڭىزدى اسپەكتى بولىپ تابىلادى. حورەوگرافيا بۇل — اسەم قيمىل، اۋەن، ادەمى كيىمدەر دۇنيەسى. وسى سۇلۋلىقتى بالالار بالەت سپەكتاكلدەرىنەن، بەينە فيلمدەردەن كورۋگە تىرىسادى. وسىعان وراي پايدا بولعان ولاردىڭ پىكىرلەرى، ويلارى كەيدە قۇرمەتپەن قاراۋدى تالاپ ەتەدى.
كوپتەگەن قازاقستاننىڭ ءبىلىم بەرۋ مەكەمەلەرىندە حورەوگرافيا ساباقتارىن جۇرگىزۋ كەڭىنەن تارالعان.
ءتۇرلى جانرداعى بيلەردى ورىنداۋ كوركەم داعدىلارىن تاربيەلەپ، دامىتىپ قانا قويمايدى، سونىمەن قاتار سۇلۋلىق زاڭىنىن ءمانىن تۇسىنۋگە سايكەس بالانىڭ داعدى مەن ءتارتىپ نورماسىن قالىپتاستىرۋىنا ىقپالىن تيگىزەدى.
حورەوگرافيالىق ونەر ساباقتارى بالانىڭ دەنە ءبىتىمىنىڭ جانە رۋحاني دامۋىنا اسەر ەتەدى. بۇل ۇندەستىك ساباقتارى بالالارعا دا، اتا-انالارعا تارتىمدى. بالەتپەن اينالىساتىن بالانىڭ دەنە سىمباتتىلىعى تاڭداندىرادى. ءبىراق ونى قالىپتاستىرۋ پروسەسى وتە ۇزاق ۋاقىتتى جانە بالانىڭ كوپ قاسيەتتەرىن تالاپ ەتەدى.
تارتىپتىلىك، ەڭبەكقورلىق جانە شىدامدىق قاسيەتتەرى تەك حورەوگرافيالىق سىنىپتا ەمەس، سونىمەن قاتار تۇرمىستا دا قاجەت. كوپ ىستەردىڭ ءساتتى بولۋىن انىقتايتىن بۇل قاسيەتتەر بىرنەشە جىلدار بويى پەداگوگ-حورەوگراف ارقىلى قالىپتاسادى.
حورەوگرافيامەن اينالىساتىن بالالاردى العا جەتەلەيتىنى، ومىردە قاجەتتى، جاۋاپكەرشىلىك سەزىمى. ويتكەنى، قاسىنداعى ءبيشى ساعان سەنۋ كەرەك، قالىپ قويۋعا بولمايدى، بيدە باسقالار سەنەن تاۋەلدى بولادى، ءار قيمىلدى جاقسى مەنگەرۋ ءتيىس.
حورەوگرافيالىق ورىنداۋدا ۇقىپتىلىق، حورەوگرافيا سىنىبىنداعى مۇنتازداي كيىمى مەكتەپتە جۇرگەندە دە بەلگىلى. ولار وزدەرىنىڭ سىمباتتىلىعىن عانا ەمەس، سونىمەن قاتار ساندەلگەن شاشىمەن، قاراپايىم كيىم كيگەندەگى تازالىعى جانە سىربازدىعىمەن ەرەكشەلەنەدى.
حورەوگرافيا ساباقتارىنىڭ تاعى ءبىر ەرەكشەلىگى — ادەپتى تاربيەلەۋ. حورەوگرافيا سىنىبىنىڭ بالالارى ەشقاشان ۇلكەننىڭ الدىن كەسپەيدى، ۇل بالالار اۆتوبۋستان شىققاندا قىزدارعا قولىن ۇسىنىپ، سومكەسىن الادى. بۇنىڭ بارلىعى ادام كوڭىلىن سۇيسىندىرەتىن جاعدايلار. باسقالارعا كوڭىل ءبولىپ، قورعاۋ — بالا مىنەزىندەگى قاجەتتى قاسيەتتەر، حورەوگرافيا ساباقتارى وسى ماسەلەلەردى شەشەدى.
حورەوگرافيالىق ونەر بالانىڭ شىنايى ءومىرىن قۇنارلاندىراتىن جالعاسى بولىپ كەلەدى. وسى ونەرمەن شۇعىلدانۋدىڭ ءوزى وعان تولعانىستار جانە جاقسى سەزىمدەر ۇيالاتادى.
بۇكىل وقىتۋ پروسەسىنىڭ جانە ەستەتيكالىق تاربيەنىڭ نەگىزگى ماقساتى— شىعارماشىلىق تۇلعا تاربيەلەۋ.
پەداگوگ-حورەوگراف بالالاردىڭ ونەر ءتىلىن ءتۇسىنۋىن دامىتىپ، قالىپتاستىرۋ كەرەك.
پايدالانعان ادەبيەتتەر:
1. جيەنكۋلوۆا ش. تاينا تانسا.-الما-اتا.: مەكتەپ، 1989.
2. م.س.بوگوليۋبسكايا. مۋزىكالنو-حورەوگرافيچەسكوە يسكۋسستۆو ۆ سيستەمە ەستەتيچەسكوگو ي نراۆستۆەننوگو ۆوسپيتانيا.موسكۆا، 1986.
You Might Also Like
-
بۇلانتى–بىلەۋتى شايقاسى — 1727 جىلى ۇلىتاۋ وڭىرىندەگى بۇلانتى جانە بىلەۋتى وزەڭدەرى ارالىعىندا قازاق جاساقتارىنىڭ جوڭعار باسقىنشىلارىمەن بولعان شايقاسى. 1723–25 جىلدارى قازاق جەرى...
