باقىتسىز، بەيباق، ساتسىزدىكتەن كوز اشپايتىن ادام بولۋدىڭ 10 سەبەبى
1. ءسىز ۋاقىتتى قادىرلەمەيسىز
ساتسىزدىكتەن قاشىق ادامدار ءوز ۋاقىتىن مۇلدە قادىرلەمەيدى. جەتىستىكتىڭ شىڭىن باعىندىرعان ادامدار، ۋاقىت – ءسىزدىڭ ەڭ باستى قۇندى قورىڭىز ەكەنىن ايتادى. تابىسقا جەتكەن ادامدار اقشادان بۇرىن ۋاقىتتى جوعارى باعالايدى. ال ءسىز؟ Twitterء-دى وقىپ، Facebook- پەن «ۆكونتاكتە»-دەگى سۋرەتتەرگە ءلۇپىل باسۋمەن الەكسىز.
دەگەنمەن ءسىز جىل سايىن جوسپار قۇراسىز. جىل سايىن «وسى جىلى مەن ايانباي ەڭبەك ەتەمىن، ومىرىمە وزگەرىستەر ەنگىزەمىن» دەپ وز-وزىڭىزگە ۋادە بەرەسىز. ءبىراق باياعى جارتاس – سول جارتاس. جوسپارلارىڭىزدىڭ ىسكە اسۋى ەكىتالاي. سەبەبى تاپسىرمالاردى ورىنداۋعا قاجەتتى ۋاقىتتى بولمەيسىز. ءوز ۋاقىتىڭىزدى باسقارىپ ۇيرەنىڭىز، قاجەتسىز نارسەگە «جوق» دەپ ايتۋدى ۇيرەنىڭىز – بۇل تابىستى بولۋعا جول باستاۋدىڭ جاقسى قادامى بولادى.
2. ماقساتتارىڭىزعا ساي كەلەتىن زاتتاردى جاسامايسىز
قۇندىلىقتارىڭنىڭ نە ەكەنىن بىلگەندە شەشىم جاساۋ قيىن ەمەس. روي ديسنەي
اۋتسايدەرلەر جۇمىسباستىلىقتى ونىمدىلىكپەن شاتاستىرادى. ونىمدىلىك جۇمىسباستىلىققا تىكەلەي بايلانىستى دەپ قاتەلەسەدى. سونىدىقتان بەيباقتار كەز كەلگەن ىسكە بىلەك سىبانا كىرىسىپ كەتەدى. بارلىق ءىس-شاراعا قاتىسادى. ناتيجەسىندە بار كۇشىن ماقساتى مەن قۇندىلىقتارىنا جۇمساۋدىڭ ورنىنا، بولمايتىن نارسەلەرگە جۇمسايدى.
ماقساتتارىڭىزدى جازىڭىز جانە وعان جەتۋدىڭ ستراتەگياسىن قۇرىڭىز. بۇل كۇشىڭىزدى ناقتى نەگە جۇمساۋ كەرەكتىگىن تۇسىنۋگە مۇمكىندىك بەرەدى.
3. مويىنىڭىزعا جاۋاپكەرشىلىكتى المايسىز
ءيا، باستىعىڭىز جامان ادام، جۇمىسىڭىزدى دا جەككورۋىڭىز مۇمكىن. ءبىراق بۇل ءىسىڭىزدى جارتىلاي جاساۋعا سەبەپ ەمەس. سىزگە جۇمىستا بولىپ، جۇمىسىڭىزدى ساپالى ىستەۋىڭىز ءۇشىن جالاقى تولەيدى. قانداي جاعداي بولماسىن مىنسىزدىككە ۇمتىلۋ كەرەك. بۇل كەمەلدەنۋدىڭ، ءوسىپ ءونۋدىڭ جانە دانالىقتىڭ بەلگىسى. بەيباقتاردى جامان باعا دا قاناعاتتاندىرادى. جانە ولار مىقتى بولۋعا تىرىسپايدى دا. ءومىردىڭ باستى قاعيدالارىنىڭ ءبىرى: نە ەكسەڭ – سونى وراسىڭ.
4. ءسىز ءوز-وزىڭىزدى شەكتەيسىز
«مەن سانداردان ءجيى قاتەلەسەمىن»، «ءتىل ۇيرەنۋ ماعان وتە قيىن»، «ميىم باعدارلامالۋدى قابىلداي المايدى»، «كاسىپكەرلىكپەن اينالىسۋعا مىنەزىم كەلمەيدى، تىم جۇمساقپىن» — مۇنىڭ ءبارى ءساتسىز ادامداردىڭ ءسوزى. ولار وز-وزدەرىن شەكتەيدى. «ءبىلىمىم جەتپەيدى»، «مەن ونى وقىمادىم عوي» دەگەندەردى ۇمىتىڭىز. ەلدىڭ ءبارى سىزدەن اقىلدىراق دەۋدى دوعارىڭىز. ەرىنبەي ەڭبەك ەتىپ، بارىنشا تىرىسىڭىز. سوندا ءسىز ءساتتى بولاسىز.
5. ءوزىڭىزدى اقتاپ الۋدىڭ شەبەرىسىز
ءساتسىز ادامادار وزىدەرىنىڭ ساتسىزدىكتەرىن لوگيكالىق جولدارمەن اقتاۋعا تىرىسادى. بىردەڭەنى ىستەمەۋگە سەبەپ جانە سىلاتۋلاردى ىزدەپ تابادى. «رەاليست بولۋ» دەگەندى اسىرىپ جىبەرەدى. ونىڭ ورنىنا ونى ىستەپ كورۋ كەرەك. ميىڭىز ءوزىن اقتاپ الۋعا ايلا ىزدەي باستاعاندا ونى توقتاتىپ، ارەكەت ەتۋگە ىنتالاندىراتىن مەحانيزدى وياتۋ كەرەك.
6. ءسىز ادامدارمەن قارىم-قاتىناس جاساي المايسىز
ادامنىڭ مىنەزى جايلى بىلگىڭىز كەلسە، ونىڭ وزىنە پايدا اكەلمەيتىن ادامدارمەن قالاي سويلەسەتىنىنە نازار اۋدارىڭىز. يوگانن گوتە
بەيباقتاردىڭ الەۋمەتتىك ماشىقتىعى جوق. «ەڭ بولماعاندا مەن شىندىقتى ايتىپ تۇرمىن»، «مىنەزىمنىڭ بارى وسى، قانداي بولسام، سولاي قابىلدا» — مۇنداي سوزدەردى تەك بەيباق ادامدار ايتادى. جولى بولماعان ادامدار وزدەرىن نەگىزسىز تاكاپپار ۇستايدى. مۇنداي ادامدار كىمگە ۇناسىن؟ سول سەبەپتى ونداي بولماڭىز. ۇناتاتىن ادامىڭمەن سىپايى، جارقىن سويلەسە الاسىز عوي، سول سياقتى سىزگە ەشقانداي پايدا اكەلمەيتىن اداممەن دە ەمەن-جارقىن بولىپ كورىڭىز.
ادامنىڭ مىنەزىن تەكسەرۋدىڭ جاقسى ءتاسىلى – كەزەكتە تۇرعان كەزىندەگى ارەكەتىن جانە قىزمەت كورسەتۋشىلەرگە جاساعان مامىلەسىن كورۋ. ادامدى تانۋدىڭ تاعى ءبىر ءتاسىلى – ءسىز ونىڭ كيىمىن ءبۇلدىرىپ العان كەزدەگى ونىڭ ىس-ارەكەتىن بايقاۋ.
7. ءسىز ءبارىن كەيىنگە قالدىراسىز
بەيباقتار ۋاقىتتىڭ قۇندىلىعىن مۇلدەم تۇسىنبەيدى. ولاردى كەشەگى كۇنمەن ءومىر ءسۇرۋ قاناعاتتاندىرادى. بەيباقتار تاعى ءبىر ءومىرى بار سياقتى ءومىر سۇرەدى. ءبىراق شىن مانىندە ەشكىم ۋاقىتتى توقتاتىپ نەمەسە كەرى قايتارۋ مۇمكىندىگىنە يە ەمەس. تۋىلعان كۇننەن باستاپ ولىمگە قادام باسىپ كەلەمىز. ءار كۇن – بۇل سىي. ەشتەڭەنى ەرتەڭگە قالدىرماڭىز – ەرتەڭگى كۇن تۋماۋى دا مۇمكىن.
8. ءسىز ارەكەت ەتپەيسىز
بۇگىن ىستەپ تاستاڭىز. وزىڭىزگە ەرتەسىنە راحمەت ايتاسىز. لەس براۋن
بۇل بەيباقتار ءۇشىن تىم قاراپايىم قاعيدا. بەيباقتار ويلانۋعا قۇمار، ءبىراق ارەكەت ەتۋگە ەمەس. اڭگىمە ايتۋ، ارمانداۋ، جوسپار قۇرۋدان شەبەر بولىپ كەلەدى. ءبىراق وكىنىشكە وراي بەيباق ادامدارعا ارەكەت ەتۋگە تۇرتكى جەتىسپەي تۇرادى. ارمانداۋدى دوعارىپ ىسكە كىرىسۋ كەرەك!
9. ءسىز قيىندىقتارمەن كۇرەسە المايسىز
ءبىر اڭىز-اڭگىمە بار ەكەن. باياعىدا بويى قۇرتتاي، ءنامارت باقتاشى ءومىر ءسۇرىپتى. ءبىر كۇنى داۋگە قاراپ: «مەن سەنى جەڭىپ، باسىڭدى شاۋىپ الامىن!» دەپ، ءدال سولاي جاساپتى. ومىرىڭىزدەگى سىناقتى قانشالىقتى قيىن دەپ ەلەستەتسەڭىز، ول سونشالىقتى قيىن بولادى. بەيباقتار وسىنى تۇسىنبەي، تەز بەرىلەدى. جاعداي كۇردەلەنىپ بارا جاتقاندا ولار بەرىلە سالادى.
سىناقتار ءبىزدى ماقساتىمىزعا جاقىنداتىپ قانا قويماي، ارمانىمىزداعى ادام بولۋعا سەپتىگىن تيگىزەدى. ۇرەيلەرىڭىزدەن قورىقپاڭىز، ولارمەن كۇرەسىڭىز. بۇل سىزگە جاڭا بەلەستەردى اشادى. جايلى شەكارادان شىعۋ كەرەك. كۇشىڭىزدى سىناۋ ءۇشىن ايقاسىپ كورۋ كەرەك.
10. ءسىز ەنجارسىز
ءسىزدىڭ ءوز پىكىرىڭىز جوق جانە ءسىز شەشىم قابىلداي المايسىز. ماعىنالى سوزدەر ايتىلىپ جاتقان اڭگىمەنى وربىتە المايسىز، ءسىز تۇسىنبەيتىن تاقىرىپتا ويىڭىزدى اشىق ايتا المايسىز. بەيباقتار جۇرتاردى ءوزى سياقتى ويلاۋى ءتيىس دەپ ويلايدى. جولى بولمايتىن ادامدار مەكتەپتەن كەيىن كىتاپ وقىمايدى، ءبىلىمىن جەتىلدىرمەيدى. بارلىعى نە ىستەسە سونى جاساپ جۇرەدى، سەبەبى «جۇرتتىڭ ءبارى سولاي جاساپ جاتىر». ولار قۋانىش پەن عاجايىپتارعا تولى ومىردە دە ءىشى پىسىپ جۇرەدى.
ايتپاي كەلەتىن ءولىم – زاۋىقسىزدىق. بىردەڭەگە قىزىعىپ، سونىمەن اينالىسىڭىز. ءتىپتى بۇل ءۇشىن سىزگە اقى تولەمەسە دە. ازىرشە. دارىنىڭىزدى، تالانتىڭىزدى بايقاپ، سولاردى دۇرىس پايدالانۋدىڭ امالىن تابىڭىز.
You Might Also Like
-
جاس ونەرتاپقىشتاردىڭ ءومىرىمىزدى ىڭعايلى ەتۋگە قوسقان ۇلەسى از ەمەس. ءتىپتى 17 قاڭتار كۇنى بۇكىل الەم بويىنشا ونەرتاپقىش-بالالار كۇنى دە اتاپ وتىلۋدە. بۇل داتا امەريكانىڭ مەملەكەت قايراتكەرى، ديپلوما...
-
جاساعان تاعامىمىز جاقىندارىمىزدىڭ كوڭىلىنەن شىعۋى ءۇشىن قيىن رەسەپتەردى ىزدەپ، تاماق جاساۋعا كوپ ۋاقىتىمىزدى كەتىرەمىز. ال نەگىزىندە قاراپايىم تاعامداردىڭ ءدامىن كەلتىرۋ ءۇشىن كوپ نارسە قاجەت ەمەس ەكە...
