بارلىق جەرى ءبىرسۇمدىق بالىق
ءمۇيىزدى اكۋلا، سولتۇستىك جاعىن ەسەپتەمەسەك، اۆستراليانىڭ بۇكىل جاعالاۋى بويىنداعى ازعانتاي تەرەڭدىكتە مەكەن ەتەدى.
كولەمى شاعىن، ۇزىندىعى ءبىر جارىم مەتردەن جانە سالماعى 10 كيلوگراممنان اسۋى نەكەن ساياق.
ونىڭ اۋىزىنا كوز سالىڭىز. قولىڭىزدى جەنتەككە اينالدىرىپ جىبەرۋ ءۇشىن سۇراپ تۇرعان تامۇقتىڭ ەت تارتقىشىن كورىپ تۇرعانداي اسەردە بولاسىز. جاعىنىڭ الدىڭعى جاعىندا ۇستاراداي وتكىر ونشاقتى ءتىسى بار. بۇل بالىقتى جانە باسقا دا جۇمساق دەنەلى سورماڭدايلاردى ۇستاپ جەۋ ءۇشىن.
جاعىنىڭ ارتقى جاعى ۇلكەن جانە جالپاق تىستەردەن كۇرالعان. بۇل ۇلۋلاردىڭ، تەڭىز كىرپىلەرىنىڭ، تەڭىز شاياندارىنىڭ جانە باسقا دەنەسى قاتتى جالقاۋلاردىڭ قابىرشاق-ساۋىتتارىن ۇگىتىپ جىبەرۋ ءۇشىن. الدىنان شىققاننىڭ ءبارىن اۋلاپ جەي بەرەدى.
ونىڭ مۇرىنىنا كوز سالىڭىز. ءمۇيىزدى اكۋلانىڭ باسقاشا اتاۋى — شوشقا-اكۋلا. بۇل ماقۇلىق اڭعا تۇندە شىعادى، سول سەبەپتى مۇحيتتىڭ تاڭداۋلى جۇپارىن تولاسسىز ءسۇزۋ ارقىلى ولجاسىن تاۋىپ وتىرادى.
اكۋلانىڭ ەلەكترورەسەپسيالىق قابىلەتى دە جوق ەمەس. ونىڭ ايرىقشا سەزىمتال ورگاندارى ەلەكتروماگنيتتىك ورىستەردى تىركەپ، سونىڭ ارقاسىندا جىرتقىش ولجاسىنىڭ قاي تۇستا قالتىراپ تۇرعانىن ءبىلىپ الادى.
جانە ءۇشىنشىسى — بۇل ونىڭ ۋى. دەيتۇرعانمەن، بۇل اكۋلا ۋىن تەك قورعانۋ ءۇشىن عانا قولدانادى. ۇزىن ۋلى تىكەنەكتەرى جوتاسىنداعى جۇزبەقاناتىندا تۇرادى. بۇل اكۋلانى ونىڭ ىرىرەك تۇقىمداستارى، سونداي-اق تەڭىز ارىستاندارى اۋلايدى. اكۋلا ۋىنىڭ ۋاقىتشا جانسىزداندىرىپ تاستايتىن اسەرى بار جانە ونىڭ ءولىم قۇشتىرۋى وتە سيرەك بولادى.
كادىمگى اكۋلالاردىڭ كوپشىلىگى — جۇمىرتقالاپ تىرىدەي تۋاتىندار. بۇل بالىقتار جۇمىرتقانى ءوزىنىڭ قۇرساعىندا كوتەرىپ جۇرەدى دە، ۇرپاعى سول جەردە جۇمىرتقانى جارىپ شىعادى دەگەن ءسوز. جۇمىرتقادان شىققان سوڭ قۇرتشاباقتار ەنەسىنىڭ ىشىنەن جارىق دۇنيەگە ءجۇزىپ شىعادى. ال ءمۇيىزدى اكۋلا ءبىر ماۋسىمدا 16 جۇمىرتقاعا دەيىن تۋادى، ءبىراق ولار وتە ۇزاق ۋاقىتتا دامىپ جەتىلەدى.
قۇرتشاباقتار ءبىر جىل وتكەندە بارىپ جۇمىرتقانى جارىپ شىعادى.
You Might Also Like
-
"لەنينشىل جاس"!.. قازاق ءباسپاسوزى قارا شاڭىراقتارىنىڭ ءبىرى عانا ەمەس، بىرەگەيى! وسىناۋ جاستار باسىلىمى شىعارماشىلىق ىزدەنىستەر مەن باتىل سىناقتاردىڭ (ەكسپەريمەنتتەر) مەكتەبى بولدى دەسەم ق...
