InfoHub Logo

ءابدىلدا تاجىبايەۆ:

مۇقاعالي ماقاتايەۆ — ءبىزدىڭ زامانداعى عاجايىپ اقىنداردىڭ ءبىرى.

ماقاتايەۆ اتتى الىپ اقىندىق جارقىن جۇزىنە، ميلليون ادام ميلليون ءتۇرلى پىكىر پايىمداسا دا، ەشبىر كىرەۋكە، كولەڭكە تۇسپەي كەلەشەككە قاراي كەرۋەن تۇزەپ، كوشە بەرمەك.

مۇقامەتجان قاراتايەۆ:

...ارامىزدان تىم ەرتە كەتكەن تاماشا اقىنىمىز مۇقاعالي ماقاتايەۆتىڭ العاشقى قادامىندا-اق ونىڭ اياق الىسىنان ايرىقشا تالانت يەسى ەكەنىن اڭعارۋعا بولاتىن ەدى.

اڭعارماپپىز...

ك.ۆ.سكۆورسوۆ:

قازىرگى قازاق ادەبيەتى تۋرالى ءسوز قوزعاسام، اۋزىما ەڭ الدىمەن، اسا ءىرى اقىن مۇقاعالي ماقاتايەۆ تۇسەدى. ونىڭ تۆورچەستۆوسىمەن كوپتەن تانىسپىن. اۋدارمالارى دىتتەگەن جەردەن شىقپاي جاتسا دا، ونىڭ اقىندىق قۋات دەڭگەيى مەن پاراسات ءورىسى كىم-كىمدى بولسىن تاڭعالتپاي قويمايدى.

ميحايل كۋرگانسيەۆ:

مۇقاعالي ماقاتايەۆ پوەزياسى ارقىلى قازاق ادەبيەتىندە وتە جارقىن، كۇشتى دە كورنەكتى جاڭا ءبىر دارا تۇلعالى اقىن پايدا بولعان ەكەن-اۋ دەپ تە ايتا الامىن. ونىڭ تۆورچەستۆوسى ءبىزدىڭ بويىمىزعا قۋانىش، ماقتانىش، رۋحاني كۇش-قۋات قۇيادى.

ءابىش كەكىلبايەۆ:

م.ماقاتايەۆ — ادامدار اراسىنداعى، ومىردەگى، تابيعاتتاعى جاراستىق پەن كەلىسىمنىڭ جىرشىسى. ونىڭ... ولەڭدەرى شىن تەبىرەنىستەن، شىن شابىتتان، شىن كۇيزەلىس پەن شىن قۋانىشتان، شىن ساعىنىشتان تۋعان.

تۇمانباي مولداعالييەۆ:

قازاق جىرىنىڭ اسپانىنداعى از عانا جۇلدىزداردىڭ اراسىنان سەنىڭ جۇلدىزىڭدى ءبىز وڭاي تانۋشى ەدىك. سەنىڭ جۇلدىزىڭ — ەڭ شۇعىلالى، ەڭ مەيىرىمدى جۇلدىز.

قادىر مىرزالييەۆ:

ادەبيەتتى سالىنىپ جاتقان عالامات ءبىر عيمارات، كوك تىرەگەن كۇمبەز، سۇلۋلىق سارايى دەپ ەسەپتەسەك، سەن سونىڭ تالانتتى تاس قالاۋشىلارىنىڭ ءبىرى ەدىڭ.

زەينوللا سەرىكقالييەۆ:

مۇقاعالي مۇراسى، سۇلۋلىق ۇلگىسى ءبىزدىڭ بۇگىنگى يگىلىگىمىز عانا ەمەس، مۇقاعالي مۇراسى، مارجان پوەزياسى — بولاشاق ۇرپاقتاردىڭ دا ەنشىسى، قاستەرلەپ-قادىرلەيتىن قازىناسى.

---