InfoHub Logo

№5 كورۋ قابىلەتى بۇزىلعان بالالالاردىڭ
ارنايى (تۇزەتۋ) مەكتەپ ينتەرناتى مەملەكەتتىك كوممۋنالدىق مەكەمەسى
تەحنولوگيا ءپانى ءمۇعالىمى: جولامانوۆا قۋانىشكۇل ءابىلدا قىزى

ساباقتىڭ تاقىرىبى: بايلانىس جۇيەسى. پوچتا قىزمەتى.
ساباقتىڭ ماقساتى: بايلانىس قۇرالدارى جانە ونىڭ دامۋىن ءتۇسىندىرۋ.
بىلىمدىلىگى: وقۋشىلاردىڭ ءبىلىم - بىلىك داعدىلارىن قالىپتاستىرۋ.
تاربيەلىگى: ەڭبەك سۇيگىشتىككە، ىزدەنىمپازدىققا تاربيەلەۋ.
دامىتۋشىلىعى: العان بىلىمدەرىن ومىردە قولدانۋ داعدىسىن قالىپتاستىرۋ، قوعامعا بەيىمدەۋ.
كوررەكسيالىق: وقۋشىلاردىڭ ەستە ساقتاۋ، كورۋ، ەركىن سويلەۋ قابىلەتىن دامىتۋ، ساۋساق مايدا موتوريكاسىن جانە ءتىل دامىتۋ.
ساباقتىڭ كورنەكىلىگى: ينتەراكتيۆتى تاقتا، وقۋ قۇرالدارى، كونۆەرتتەر.
ساباقتىڭ ءتۇرى: ارالاس ساباق
ساباقتىڭ ءادىسى: بايانداۋ، سۇراق - جاۋاپ، بەكىتۋ، سيۋجەتتى رولدىك ويىن.

ساباقتىڭ بارىسى:
ءى. ۇيىمداستىرۋ كەزەڭى:
پسيحولوگيالىق دايىندىق:
كۇننىڭ كوزى اشىلىپ،
كوككە شۋاق شاشىلىپ.
قۇتتى قوناق كەلىپتى،
تورىمىزگە ەنىپتى.
امانداسۋ ۇلكەنگە.
تاربيەنىڭ باسى عوي،
ال، قانەكەي ءبارىمىز،
«سالەم» دەيىك ۇلكەنگە.
- سالەمەتسىزدەر مە، قوناقتار!

ءىى. ءۇي تاپسىرماسىن سۇراۋ:
«ميعا شابۋىل» كەزەڭى
1. باعدارشام دەگەن نە؟
2. قانداي تۇرلەرى بار؟
3. جولدا ءجۇرۋ ەرەجەلەرى تۋرالى نە بىلدىك؟

ءۇي تاپسىرماسىن بەكىتۋ:
1. باعدارشام تۇستەرى نەنى بىلدىرەدى؟
2. جول ءجۇرۋ ەرەجەسى ۆەلوسيپەد جۇرگىزۋشىسىنە قاتىستى ما؟
3. جۇرگىنشى جولاعى تۋرالى ايتىڭدار.

ءىV. جاڭا ساباقتى ءتۇسىندىرۋ
ارعى اتا - بابالارىمىز جازدا - جايلاۋدا، قىستا - قىستاۋدى نەگىزىنەن مال شارۋاشىلىعىمەن اينالىسقان. ول كەزدە بايلانىس تەك سالت اتپەن جۇرگەندەر ارقىلى حابارلاسىپ وتىرعان. العاشقى وقىعان زيالى ازاماتتار ءبىلىم - عىلىمنىڭ قاجەتتىلىگىن ءتۇسىنىپ، ءارى ناسيحاتتاپ وتىرعان. مىسالى: ى. ءالتىنساريننىڭ مىناداي ولەڭ جولدارى بار.
ونەر - ءبىلىم بار جۇرتتار
تاستان ساراي سالعىزدى
ايشىلىق الىس جەرلەردەن
كوزدى اشىپ - جۇمعانشا
جىلدام حابار العىزدى.
بۇل جەردە تەلەگراف، تەلەفون تۋرالى ايتىلىپ وتىر. بايلانىس قۇرالدارىمەن تانىسايىق. سلايدتار
ءى. پوچتا ارقىلى بايلانىس (مەحانيكالىق)
ا) حات ب) گازەت - جۋرنال ۆ) پوسىلكا
ءىى. ەلەكتروماگنيتتىك تولقىندار كومەگىمەن ىسكە اسىرىلاتىن بايلانىس.
1. تەلەگراف - (گرەكتىڭ «تەلە»- الىس)
1832 جىلى ورىس عالىمى پ. ل. شيللين ويلاپ تاپتى.
1837 جىلى مورزە (اقش) اپپاراتىن ويلاپ تاپتى. (نۇكتە، سىزىق)
فوتوتەلەگراف – سۋرەت، گرافيكتەر
2. تەلەفون – («فون»- دىبىس، «تەلە»- الىس)
1876 جىلى امەريكان عالىمى ا. گ. بەلل ويلاپ تاپتى.
اتقاراتىن قىزمەتى – سويلەۋ ينفورماسيالارىن الىس قاشىقتىققا جەتكىزۋ:
3. راديو (لاتىنشا «راديو»- ساۋلە تاراتامىن)
1895 جىلى 7 مامىردا ورىس عالىمى ا. س. پوپوۆ ويلاپ تاپتى. سوندىقتان 7 مامىر راديو كۇنى دەپ اتالادى. حابارلاعىش انتەننا ارقىلى ءارتۇرلى حابارلامالار بەرۋ.
4. تەلەديدار (تەليەۆيزيا)
«ۆيدەو»- كورەمىن دەگەن ءسوز. قىزمەتى - وبەكتىنىڭ كەسكىنىن كورۋ جانە دىبىستى ەستۋ. العاش ويلاپ تاۋىپ، پايدالانعان انگليادا 1925 ج دجون بەرد.
1938 جىلى لەنينگرادتا، 1939 جىلى ماسكەۋدە تەليەۆيزياسى تۇراقتى حابار بەرە باستادى.
1965 جىلى «مولنيا - 1» بايلانىس سپۋتنيكتى ۇشىردى. جەردە وربيتادا قابىلداعىش ستانسيالار ورناتىلدى.
بايلانىس قۇرالدارىنىڭ دامۋ كەزەڭدەرى
كەشە ----------------- بۇگىن
تەلەگراف ------------ فاكس
تەلەفون ------------- ۇيالى تەلەفون
راديو -------------
تەلەديدار ----------- پلازمالىق جازىق (پلوسكيي) 3د
ەەم -------------------- كومپيۋتەر
V. سەرگىتۋ ءساتى. كوز جاتتىعۋلارىن ورىنداۋ. (شار جانە دوپپەن جاتتىعۋ )

VI. جاڭا ساباقتى پىسىقتاۋ.
سيۋجەتتىك رولدىك ويىن. حات جازىپ، پوچتا ارقىلى جىبەرۋ - سيۋجەتتىك رولدىك ويىن. وقۋشىلار دوسىنا حات جازادى. حاتتى كونۆەرتكە سالىپ سىرتىن تولتىرادى. پوچتاشى گازەت، جۋرنال تاراتۋعا كەلگەندە وقۋشىعا كەلگەن حاتتى (كونۆەرتتى) تاپسىرادى. وقۋشىلار حاتتى وقىپ، وعان جاۋاپ جازادى، كونۆەرتكە سالىپ ونى تولتىرادى. جازىلعان حاتتى پوچتا جاشىگىنە سالادى. پوچتاشى جاشىكتەن حاتتاردى الىپ پوچتاعا تاپسىرادى.
پوچتا
↓
1. حات
2. بانكومات
3. اقشا اۋدارىم
4. پوسىلكا(جىبەرىلىم)

ينسەرت ءادىسى

قورىتىندى:
- بالالار، ءبىز قانداي سيۋجەتتى - رولدىك ويىن وينادىق؟
-«حات جازىپ، پوشتامەن جىبەرۋ»
- ۇنادى ما؟
- يا، ۇنادى.
- وتە جاقسى، بالالار! ەندى وزدەرىڭ پوشتامەن حات جىبەرىپ، ونداعى قىزمەتكەرلەرمەن سويلەسە الامىز با؟
- يا
- ەندەشە، وتە جاقسى. ساۋ بولىڭدار!
ۇيگە تاپسىرما. بايلانىس جۇيەسى. پوشتا قىزمەتى.

تولىق نۇسقاسىن جۇكتەۋ
سلايدىن جۇكتەۋ