بايمۇرات قارتتىڭ اڭگىمەلەرى
بايمۇرات قارت اۋدان ورتالىعىنان شەتىرەك، جەم ءوزىنىنىڭ بويىنان قىستاۋ سالىپ، جازى-قىسى سوندا نەمەرەلەرىمەن وتىرادى ەكەن. ءوزى سوزگە ۇستا، جانى جومارت، كەلىم-كەتىمگە داستارحانى دا مول، يناباتتى، حالىق سىيلايتىن ادام بولىپتى. سول كىسى ايتتى دەگەن 1-2 اڭگىمە:
***
سوعىس اياقتالار كەز شاماسىندا ءبىزدىڭ اۋدانعا اۋداندىق سوۆەتكە پرەدسەداتەل بولىپ ءبىر كىسى كەلگەن ەكەن. ءبىر كۇنى الگى پرەدسەداتەل بايمۇراتتىڭ اتاعىن ەستىپ، سالەمدەسۋگە ارنايى ىزدەپ، ۇيىنە بارادى. بايمۇرات اقساقال كەلگەن قوناقتى جىلى قابىلداپ، ەشكى سويىپ، (ول كەزدە جەكە ادامعا ۇساق جاندىق بولا بەرمەيدى) قوناقاسى بەرەدى. كەلگەن قوناعىنا بار ءمازىرىن، جوق جايىن ايتىپ، شىعارىپ سالىپ تۇرعاندا قوناق قايتا-قايتا «راحمەت» ايتا بەرىپتى. سوندا باكەڭ قارت:
— ەشكى سويىپ بەرگەندە وسىنشا راحمەت ايتتىڭ، قوي سويىپ بەرسەم، ۇيدەن شىقپايتىن ءيتتىڭ ءبىرىسىڭ-اۋ، — دەپ، قوناقتىڭ شەكتەن تىس جالپىلداعانىن جاراتپاي قالىپتى.
***
باكەڭ قارتايىپ سەكسەننەن اسىپ قايتىس بولىپتى. ناۋقاسى جانىنا باتىپ ولەتىن شاعى تايانعاندا تۋعان بالالارى، نەمەرەلەرى قاسىندا بولىپتى. الپىسباي دەگەن بالاسى اكەسىنىڭ جاعدايى ناشارلاعان سوڭ:
— اكە، جامان ايتپاي جاقسى جوق، ولاي-بۇلاي بولىپ كەتسەڭ، قاي مولاعا قويامىز؟» — دەپ سۇراپتى. اتالارىنىڭ قاۋىمى قاشىعىراقتا بولسا كەرەك. قينالىڭقىراپ جاتقان باكەڭ قارت قايراتىن بويىنا جيىپ:
— نە دەپ تۇرسىڭ؟ ەندى ماعان قاي مولا قالىڭ بەرىپ، قاتىن اپەرەر دەيسىڭ، وسى جەرگە قويا سال، — دەپتى.
You Might Also Like
-
شانشار ەلىندە ءبىر ساراڭ باي بولىپتى. ساراڭ باي ۇيىنە بارعان ادامدى جاقتىرماي، تاماق بەرۋگە جوق ەكەن. سول ەلدىڭ ءۇش جىگىتى «وسى ساراڭعا بارىپ، قايتسەك تە تاماق ىشەمىز» دەپ باستەسىپ، ساراڭ...
-
اقمولا-قاراتالى تەمىر جولى سالىنا باستاعاندا اۋىل جىگىتى ارباباي ءوزى سۇرانىپ قۇرىلىس جۇمىسىنا كىرەدى. قارۋلى جىگىت قۇلاشتاپ قايلا سىلتەپ، ومىرا كۇرەك باتىرىپ قارا جەردىڭ قىرتىسىن ايىرادى. جول قۇرلى...
