ساراڭ باي اڭگىمەسى
شانشار ەلىندە ءبىر ساراڭ باي بولىپتى. ساراڭ باي ۇيىنە بارعان ادامدى جاقتىرماي، تاماق بەرۋگە جوق ەكەن. سول ەلدىڭ ءۇش جىگىتى «وسى ساراڭعا بارىپ، قايتسەك تە تاماق ىشەمىز» دەپ باستەسىپ، ساراڭنىڭ ۇيىنە كەلەدى. ءۇي يەسى شال مەن كەمپىر كەلگەن قوناقتاردى جاقتىرماي وتىرادى.
كەلگەن قوناقتاردىڭ كەتپەيتىندىگىن بىلگەندىكتەن، ولاردان تەز قۇتىلۋ ءۇشىن شاي اكەلەدى. ءبىر تارەلكەگە ءبىر قاسىق سارى ماي، ءبىر ۋىس بيداي، شايى بولسا اقشايلاپ قالعان ەكەن. سودان ءۇش جىگىتكە شاي قۇيىپ، كەسە ۇسىندى. سودان ءۇش جىگىت بىلاي سىنايدى. ءبىرىنشى جىگىت:
— قايماق قۇيعان قارلىعاش شايدان مەنىڭ جۇرەگىم ۇركىپ تۇر، — دەپ قۇيعان كەسەسىن ايەلگە ىسىرادى،
ەكىنشى جىگىت:
— تارەلكەدەگى تولتىرىپ سالعان سارى مايدان مەنىڭ جۇرەگىم كىلكىپ تۇر، — دەپ شاي قۇيعان كەسەسىن كەمپىرگە ىسىرادى.
ءۇشىنشى جىگىت:
— ات دورباسى تولى بولماعان سوڭ بىتىراعان بيدايدى شاشىپ، مەنىڭ اتىم ات دورباسىن سىلكىپ تۇر، — دەپ بيدايدى ىسىرىپ كەمپىردىڭ الدىنا قويادى.
سودان ۇشەۋى جاتا كەتەدى. ءۇي يەسى ەرىكسىز تاماق اسىپ، ولاردى اتتاندىرادى.
You Might Also Like
-
قوباي قارت ءومىرىنىڭ سوڭعى كۇندەرىنە دەيىن قاراعاندى قالاسىندا تۇردى. ەڭبەگىمەن كوزگە كورىنە بىلگەن ءقادىرلى شاحتەردىڭ ءبىرى ەدى. سوعىس جىلدارىندا نەبىر قيىنشىلىقتى مويىنداماعان، بەلدى بەكەم بۋىپ، ماڭ...
-
بايمۇرات قارت اۋدان ورتالىعىنان شەتىرەك، جەم ءوزىنىنىڭ بويىنان قىستاۋ سالىپ، جازى-قىسى سوندا نەمەرەلەرىمەن وتىرادى ەكەن. ءوزى سوزگە ۇستا، جانى جومارت، كەلىم-كەتىمگە داستارحانى دا مول، يناباتتى، حالىق...
