InfoHub Logo

بايشەشەك (پەرۆوسۆەت لەكارستۆەننىي، Herbion cowslip syrup) — بيىكتىگى 35 سانتيمەترگە جەتەتىن قوڭىرقاي ءتۇستى، قىسقا، تامىر ساباعى جىڭىشكە، قوسالقى تامىرلارى بار كوپ جىلدىق، ءشوپ تەكتەس وسىمدىك. جەر ۇستىندەگى بولىگى قىسقا، گۇل ساباعى مەن ونىڭ تۇبىندە توپتالىپ ساباقتى اينالا وسكەن تامىر — جاپىراقتارىنان تۇرادى. تامىر جاپىراقتارى جۇمىرتقا ءتارىزدى، سوپاقشا كەلگەن، قىسقا ساباقتى. گۇلدەرى اشىق سارى ءتۇستى، قولشاتىر تارىزدەنىپ، گۇل ساباعىنىڭ ەڭ ۇشىندا ءبىر جاعىنا قاراي قيسايىپ تۇرادى. گۇل توستاعانشاسى 5 ءتىستى، گۇل جاپىراقشالارى ءوزارا بىرىككەن تۇتىكشە ءتارىزدى. جەمىسى — قوڭىرقاي ءتۇستى، سوپاقشا كەلگەن قاۋاشاق. مامىر ايىندا گۇلدەپ، شىلدە ايىندا جەمىس بەرەدى.

بايشەشەك شابىندىقتاردا، ورمان ىشىندە، بۇتالاردىڭ اراسىندا، تاۋلى بەتكەيلەردە وسەدى. ءدارى ءۇشىن وسىمدىكتىڭ جاپىراعى مەن تامىر ساباعى، تامىرلارى پايدالانىلادى. قۇرامىندا س ءۆيتامينى، ساپونيندەر، ەفير مايلارى، گليكوزيدتەر، پريمۆەرين، فلاۆوندار بار.

بايشەشەكتەن جاسالعان دارىلەردىڭ تەر شىعاراتىن، دەنەنىڭ قىزۋىن تومەندەتەتىن، جوتەلدى باساتىن، قۇرقۇلاققا شيپا بولاتىن، نەسەپتىڭ ءبولىنۋىن كۇشەيتەتىن قاسيەتتەرى بار. حالىق مەديسيناسىندا ورتالىق نەرۆ جۇيەسىنىڭ جۇمىسىن قالپىنا كەلتىرۋ ءۇشىن، وكپە جانە برونحتار قابىنعاندا قاقىرىق ءتۇسىرۋ ءۇشىن قولدانىلادى. ريەۆماتيزم اۋرۋىنا بايلانىستى بۋىنداردىڭ سىرقىراعانىن باسۋ ءۇشىن، بۇيرەكتىڭ جانە قۋىقتىڭ كەيبىر اۋرۋلارىن ەمدەۋ ءۇشىن پايدالانىلادى. سونىمەن قاتار بۇل وسىمدىكپەن حالىق مەديسيناسىندا ءىشتىڭ جۇرمەي قالۋىن، باس اۋرۋىن جانە ميگرەندى ەمدەيدى.

ءدارىنى دايىنداۋ جانە قولدانۋ ءتاسىلى

20 گرامم تامىردى قايناپ تۇرعان 2 ستاكان سۋعا سالىپ، 20 مينۋت تۇندىرىپ قويادى دا، جارتى ستاكاننان كۇنىنە 3-4 رەت ىشەدى. ونىڭ جاپىراقتارىنان تۇنبانى بىلاي جاسايدى: ۇنتاقتالعان ءبىر اس قاسىق جاپىراقتى قايناپ تۇرعان 1 ستاكان سۋعا سالىپ 20 مينۋت تۇندىرادى دا، جارتى ستاكاننان ىشەدى.

---