InfoHub Logo

كەشەگى سوعىس جىلدارىندا حالىق بارلىق ازىق-تۇلىكتى مايدانعا بەرىپ، وزدەرىنىڭ ۋاقىتشا بولسا دا اشىعۋىنا تۋرا كەلدى. مىنە، وسى ۋاقىتتا كەدەي رۋىنىڭ بەكتۇرسىن دەگەن كىسىسى ءبىر قويان تۇتىپ الىپ، ۇيىنە اكەلىپ استىرعان كورىنەدى. اۋقات ەندى دايىن بولعان كەزدە ۇيگە سالەم بەرىپ، ءبىر قوناق كىرىپ كەلەدى. ولار امانداسىپ، ءجون سۇراسادى. ال بەكتۇرسىن بولسا، ءوزى اش، انا كىسىنىڭ دايىن اۋقاتقا كەلگەنىن جاقتىرماي
وتىرادى.

اۋقات دايىن بولىپ، الدارىنا كەلەدى. سوندا قوناق:

— اپىرماي، بەكە، مىنا قوياندى قالاي ۇستادىڭىز؟ — دەپ سۇرايدى.

سوندا بەكەڭ:

— مىنا ءبىزدىڭ كەمپىر دارەت الىپ وتىرسا، اسپاندا ءبىر بۇركىت قويانعا شۇيلىگىپ كەلە جاتقان ەكەن. قورىققان قويان ءبىزدىڭ كەمپىردىڭ اياعىنىڭ اراسىنا كىرىپ كەتسە، كەمپىر ەتەگىن جابا قويىپتى دا، قوياندى قۇلاعىنان ۇستاپ ۇيگە اكەلدى. مىناۋ سول قوياننىڭ ەتى، — دەيدى.

سوندا قوناق تىم-تىرىس وتىرىپ قالىپتى جانە قويان ەتىنەن اۋىز دا تيمەپتى.

***

ءبىزدىڭ ەلدە المەن بازاروۆ دەگەن كىسى بار. ءوزى بالا كەزىنەن باستاپ-اق سوزگە ءۇيىر، اڭگىمەقۇمار كىسى ەكەن. سول كىسى 5 — 6 جاسار كەزىندە جاتار الدىندا اجەسىنەن نان سۇراپتى. اجەسى:

— تاڭ اتسىن دا، اينالايىن-اۋ، — دەسە، المەن:

— اجە، تاڭ اتپاي قالسا، قايتەمىن، — دەگەن ەكەن.

---