وڭدىباي، قۇلتاس اڭگىمەسى
تاما رۋىنان شىعىپ، ەلىن جاقسى باسقارعان قۇلتاس دەگەن بولىس ەلۋدەن اسىپ قالعان شاعىندا ءوز جاقىنى وڭدىباي دەگەن بالا ەرجەتىپ، بولىستىققا تالاسادى. بولىستىققا تالاس ايتىسقا ۇلاسادى. سودان ەلىنىڭ قاريالارى بالانىڭ قايتپايتىنىن سەزىپ، ول ەلدىڭ قارت سىنشىسىنا استىرتىن حابارلاسىپ، «مىنا بالانى بەتىنەن قايتارسىن» دەپ سالەم جولدايدى. ال وڭدىبايدى قاريانىڭ قولىن الىپ، باتا الۋعا جىبەرەدى. وڭدىباي كەلگەسىن قاريا اڭگىمەگە اينالدىرىپ وتىرىپ:
— قۇلتاس اتاڭنىڭ قارا ق ۇلى عوي، وعان تەڭ كەلمەيسىڭ، — دەگەن ءسوزدى ايتادى.
سوندا العان بەتىنەن قايتپايتىن ءبىر بەت وڭدىباي تۇرىپ:
— مەنى قۇداي وڭدىباي قىلىپ جاراتسا، ءسىزدىڭ باتاڭىزسىز-اق وڭدىباي بولارمىن، — دەپ ورنىنان تۇرىپ، جۇرە بەرىپتى.
وڭدىبايدىڭ قايتپايتىنىن سەزگەن سىنشى قۇلتاسقا سالەم جولدايدى: «كوزى كوك، راقىمى جوق، بىربەت جىگىت ەكەن. بولىستىعىنىڭ جارتىسىن ءبولىپ بەرسىن» دەگەن سالەمدەمە جىبەرىپتى.
سونىمەن، وڭدىباي بۇل جاقتا جۇرگەندە اكەسى قۇلتاستى ۇيىنە شاقىرىپ، سىيلاپ كۇتكەن ەكەن. اكەسى قارا مايا، شەشەسى جانات ىشىك جاۋىپ جىبەرىپتى. ونى وڭدىباي جولشىباي ەسىتىپ، اشۋمەن كەلىپ شەشەسىنە:
— ءا، شەشە، قاينىڭىز كەلدى مە؟ وعان نە سىي جاسادىڭىزدار؟ — دەپتى.
سوندا شەشەسى:
— مەن جانات ىشىك جاپتىم، اكەڭ قارا مايا مىنگىزدى، — دەپتى.
سوندا اكەسى:
— شەشەڭ جانات ىشىك جاپسا، قاينىسىنا جاپتى. مەن قارا مايا مىنگىزسەم، سەنىڭ ءتىل جازاڭا مىنگىزدىم. ۇلكەنگە ءتىلىڭ ءتيىپ، ۇلكەندى سىيلامادىڭ، — دەپتى.
اقىرى وڭدىباي باقتالاستىقپەن قۇلتاستى ۇزەڭگىگە ۋ جاعىپ ءولتىرىپ جىبەرەدى ەكەن.
You Might Also Like
-
— سەندەرگە بىردەڭە ايتسا، «الجىعان ادامنىڭ ءسوزىن ايتىپ، وسى زاماندا» دەپ ءوزىمىزدى ماڭگۇرت دەيسىڭدەر. بوسا دا باستاعان سوڭ سەنسەڭدەر دە، سەنبەسەڭدەر دە ايتايىن.
-
بىردە بۇل كىسى (تورەمۇرات) تالدىترۋبا دەگەن جەرگە جولاۋشى بولىپ بارىپ، ءبىر ۇيگە تۇسە قالسا، سول ۇيدە ءبىر توپ اۋىل اقساقالدارى مەن جىگىتتەرى ءسوز جارىستىرىپ وتىر ەكەن.
