ءبىلىم ءمينيسترى جوو وقىتۋشىلارىنىڭ جالاقىسى تۋرالى ايتتى
جوعارى وقۋ ورىندارى پەداگوگتارىنىڭ جالاقىسى وتە تومەن. بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ايتتى.
«جوعارى جانە جوعارى وقۋدان كەيىنگى ءبىلىم بەرۋدە كادرلار دايارلاۋعا ارنالعان مەملەكەتتىك تاپسىرىس كولەمىنىڭ جىل سايىن ءوسۋى بايقالادى. وسىنىڭ الدىندا مەملەكەتتىك گرانتتىڭ قۇنى 340-440 مىڭ تەڭگە بولعان. الدىڭعى جىلى مەملەكەت باسشىنىڭ قولداۋىنىڭ ارقاسىندا وسى مەملەكەتتىك گرانتتىڭ كولەمىن 1 ملن تەڭگەگە دەيىن ۇلعايتتىق. بۇل ءوز كەزەگىندە ۋنيۆەرسيتەتتەرگە ماتەريالدىق-تەحنيكالىق جاعدايىن جاقسارتۋعا، سونداي-اق پەداگوگتاردىڭ، وقىتۋشىلاردىڭ جالاقىسىن كوتەرۋگە مۇمكىندىك بەردى. 2019 جىلى قىركۇيەكتە مينيسترلىككە قاراستى ۋنيۆەرسيتەتتەر پەداگوگتارىنىڭ جالاقاسىن 20 پايىزعا كوتەرسە، 2020 جىلى قىركۇيەك ايىندا تاعى 20 پايىزعا كوتەردى»، - دەدى ا. ايماعامبەتوۆ.
وسى ورايدا مينيستر بۇل جۇمىستى ءالى دە جالعاستىرۋ قاجەتتىگىن ايتتى.
«بۇگىنگى كۇنى جوعارى وقۋ ورىندارى پەداگوگتارىنىڭ جالاقىسى وتە تومەن. مەكتەپتەرمەن، كوللەدجدەرمەن سالىستىرعان كۇننىڭ وزىندە بۇل كورسەتكىش باسەكەگە قابىلەتتى ەمەس. سوندىقتان بۇل جۇمىستى جالعاستىرۋ بارلىق رەكتوردىڭ الدىندا تۇرعان نەگىزگى جۇمىستاردىڭ ءبىرى»، – دەدى ۆەدومستۆو باسشىسى.
بۇدان بۇرىن حابارلدانعانداي، وتكەن اپاتادا سەنات دەپۋتاتى اقىلبەك كۇرىشبايەۆ جوعارى وقۋ ورىندارىندا بىلىكتى مامانداردى دايارلاۋ ماسەلەسىنە قاتىستى ۇكىمەت باسشىسىنىڭ ورىنباسارى ەرالى توعجانوۆتىڭ اتىنا ساۋال جولدادى.
سونىمەن قاتار سەناتور جوو وقىتۋشىلارىنىڭ جالاقىسىن كوتەرۋگە قاتىستى ۇسىنىس ايتتى.
You Might Also Like
-
...بۇكىل دەنەم سال-سال بولىپ، بەيكۇنا بالاداي تۇياق سەرپپەستەن قاتىپ قالعان ەكەنمىن. جانىمدى دا، ءتانىمدى دە باۋراعان الدەبىر راحات كۇيدىڭ قۇشاعىنان اجىراعىم كەلەر ەمەس. ۇيقىمنىڭ ابدەن قانىپ قالعانىن...
-
پەداگوگ ماماندىعىن تاڭداعان «التىن بەلگى» يەگەرلەرى ەكى ەسەگە جۋىق ۇلعايدى. بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ايتتى.
