ءبىلىم مينيسترلىگى 5-سىنىپ وقۋلىعىنا قاتىستى سىنعا جاۋاپ بەردى
الەۋمەتتىك جەلىدە مەكتەپ وقۋلىقتارى جايلى داۋ كوپ. بۇعان دەيىن دە بولعان، بولا دا بەرمەك. بيىلعى وقۋ جىلى دا مۇنداي تالاس-تارتىستان كەندە بولمادى. بيىلعى شۋ 5-سىنىپقا ارنالعان ماتەماتيكا توڭىرەگىنەن شىقتى. بۇل جولى وقۋ قۇرالىنىڭ اۆتورلارى پلاگياتشىلار دەپ ايىپتالدى. تەكسەرە كەلگەندە بۇل «جاڭالىق» تا شىندىققا جاناسپايتىن بولىپ شىقتى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.
«ولگا بۋتكو اتتى جەلى قولدانۋشىسى ءوزىنىڭ Facebook-اككاۋنتىندا كىتاپتاعى №15 ەسەپ «ينتەرنەتتەن كوشىرىلگەن» دەپ جازدى. «ءتىپتى سانداردى دا وزگەرتپەگەن!» - دەپ اشۋلانادى اۆتور. اككاۋنت يەسىنىڭ ايتۋىنشا، وقۋلىقتى قۇراستىرۋشىلار بىرەۋدىڭ ەڭبەگىن پايدالانعانىمەن قويماي، قالاماقى دا الىپ وتىر. اۆتوردىڭ اتىنا ايتىلعان بۇل سىننىڭ جانى بار سەكىلدى بولىپ كورىنەدى»، دەلىنگەن حابارلامادا.
ۆەدومستۆو جاۋابىنداعى مالىمەتتەرگە سۇيەنسەك، بۋتكونىڭ جازباسىندا وقۋلىقتىڭ بەتى مەن اتالعان ەسەپتىڭ سكرينشوتى بەرىلگەن. ول 2015 جىلى ينتەرنەت رەسرۋستاردىڭ بىرىندە جاريالانعان دا. الايدا، اۆتور اسىعىس پىكىر بىلدىرگەن. №15 ەسەپ 2015 جىلى باسىلعان ماتەماتيكا وقۋلىعىنان الىنعانى راس. (ول ەسەپ كىتاپتىڭ 9 بەتىندە №23 ەسەپ دەپ بەرىلگەنى بەينەلەنگەن). ال ت. الدامۇراتوۆا - سول ماتەماتيكا عانا ەمەس، قازىرگى جاڭارعان ماتەماتيكانىڭ دا اۆتورى. ياعني كىتاپ اۆتورى رەتىندە ءوزىنىڭ ەڭ ءساتتى جۇمىسىن قايتا باسىلعان كىتاپتا پايدالانۋعا تولىق قۇقى بار.
سونداي-اق، جاۋاپ جازبادا ت. الدامۇراتوۆانىڭ بەسىنشى سىنىپقا ارنالعان ماتەماتيكا وقۋلىعى العاش رەت 2001 جىلى باسىلعان. وقۋ قۇرالى 4 رەت قايتا باسىلعانى، 2017 جىلعى باسىلىم كەزىندە وقۋلىق مازمۇنى جاڭارتىلعان باعدارلاماعا ساي وزگەرتىلگەنى ايتىلادى. سوندىقتان دا ەسەپ ەش وزگەرمەستەن جاڭا وقۋ قۇرالىنا ەنگەن ەكەن.
ولگا بۋتكونىڭ پوستىن مىنا جەردەن كورۋگە بولادى.
You Might Also Like
-
بۇگىن پارلامەنت ءماجىلىسىنىڭ جالپى وتىرىسىندا دەپۋتات دانيا ەسپايەۆا دارىندى جاستاردىڭ شەتەلگە كەتۋىنە قولدانىستاعى گرانتتاردى ءبولۋ جۇيەسى سەبەپ بولىپ وتىرعانىن ءمالىم ەتتى، دەپ قازاقپارات حابارلايدى.
-
(كوللەدج ءمۇعالىمىنىڭ وتىنىشىنە بايلانىستى جازىلعان). كىتاپ – ادامنىڭ جان-دۇنيەسىنىڭ اسىل قازىناسى، رۋحاني بايلىقتىڭ ولشەمى، ادام ينتەللەكتىسىنىڭ كورىنىسى. ول – ادامزات ءۇشىن عاسىر...
