InfoHub Logo

قازاقستان رەسپۋبليكاسى جالپى ءبىلىم بەرۋدىڭ جۇيەسىن جەتىلدىرۋدىڭ جاڭا كەزەڭىنە اياق باستى. قازاقستان رەسپۋبليكاسىنىڭ 2011-2020 جىلدارعا دەيىنگى ءبىلىم بەرۋدىڭ  دامىتۋدىڭ مەملەكەتتىك باعدارلاماسىنا  ساي قازاقستاندىق ءبىلىم بەرۋ جۇيەسىنىڭ ماڭىزدى مىندەتى- ءبىلىم بەرۋ مازمۇنى مەن قۇرىلىمىن جاڭارتۋ، ياعني جاڭا مازمۇندا ءبىلىم بەرۋ مودەلىن قۇراستىرۋ.

ءبىلىم بەرۋ مودەلى دەڭگەيى ەكونوميكالىق جانە عىلىمي- تەحنيكالىق پروگرەستىڭ ەڭ نەگىزگى كورسەتكىشى ەكەنى بەلگىلى.

ساپالى ءبىلىم بەرۋ دەگەنىمىز- عىلىمعا نەگىزدەلگەن جۇيەلى باعدارلاما بويىنشا تەوريالىق، پراكتيكالىق ىسكە قابىلەتتى، ەڭبەككە باۋلۋ، دۇنيەتانىمىن كەڭەيتۋ جانە بالانىڭ بويىنداعى بار قابىلەتىن كەمەلىنە كەلتىرىپ جان-جاقتى تۇلعا تاربيەلەۋ بولىپ تابىلادى.

وقىتۋ مەن تاربيەلەۋدىڭ ۇزدىكسىز پروسەسى- ساپالى ءبىلىم بەرۋ.

قازىرگى كەزدەگى ءبىلىم بەرۋدەگى باستى ماقسات- جان-جاقتى ءبىلىمدى، ءومىر سۇرۋگە بەيىم، وزىندىك وي - تالعامى بار، ادامگەرشىلىگى جوعارى، باسەكەگە قابىلەتتى جەكە تۇلعانى تاربيەلەۋ.

بۇگىنگى كۇنى الەمدىك قاۋىمداستىق قاتارىندا وزىنە لايىقتى ورىن بەلگىلەنگەن ءبىزدىڭ مەملەكەتىمىز ءۇشىن جوعارى بىلىكتى جاس ۇرپاق تاربيەلەۋ قاجەتتىگى ءبىزدىڭ 12 جىلدىق ءبىلىم بەرۋ جۇيەسىنە ءوتۋدى تالاپ ەتىپ وتىر.

ءبىلىم ساپاسىن ارتتىرۋ باعدارلاماسىنىڭ مىندەتتەرى بولۋى ءتيىس:

• باسقارۋ قۇجاتتارىن ازىرلەۋ جۇيەسىن دامىتۋ؛

• ءبىلىم ساپاسىن دياگنوستيكالاۋ؛

• وقىتۋدىڭ ادىستەمەلىك جۇيەسىن جاكسارتۋ؛

• ءبىلىم ساپاسىن باعالاۋدىڭ جاڭا رەيتينگتىك فورماسىن ەنگىزۋ؛

• ءبىلىم ساپاسىنا مەكتەپتىڭ كۇللى قىزمەتكەرلەرىن جۇمىلدىرۋ؛

• ءبىلىم ساپاسىن ارتتىرۋدا جاڭا تەحنولوگيالاو قولدانۋ؛

• ۇلتتىق ءبىلىم بەرۋ جۇيەسىن الەمدىك ستاندارتتارعا سايكەستەندىرۋ؛

مەكتەپتىڭ ءبىلىم ساپاسىن ارتتىرۋدا پەداگوگتىڭ جاۋاپكەرشىلىگى زور بولسا، زامان تالابى پەداگوگتان كاسىبي ءبىلىمدى، بىلىك پە داعدىنى، ماقسات قويۋشىلىقتى يگەرۋگە دەگەن قىزىعۋشىلىق جانە ءبىلىم بەرۋ قىزمەتىندە ىنتالىلىق، پەداگوگيكالىق جانە الەۋمەتتىك پەداگوگيكا مەن پسيحولوگيانىڭ نەگىزدەرىن قولدانا ءبىلۋ قابىلەتىن تالاپ ەتەدى.

مەكتەبىمىزدە ءبىلىم ساپاسىن ارتتىرۋ، بولاشاق ءبىلىمدى ازامات قالىپتاستىرۋدا، ءمۇعالىمنىڭ كاسىپتىك شەبەرلىگىن ، قۇزىرلىعىن ارتتىرۋدا مەكتەپ جۇمىسىنىڭ، ادىستەمەلىك جۇمىستىڭ ۇجىمدىق، توپتىق، جەكە، بەلسەندى تۇرلەرى مەن ادىستەرى كەڭىنەن قولدانىلۋدا. سونىمەن قاتار وزات تاجىريبەلەر بويىنشا ىس-تاجىريبە تاراتۋ جۇمىستارى، شىعارماشىلىق ەسەپتەر بەرۋ، ادىستەمەلىك اپتالىقتار، وقۋشىلاردىڭ عىلىمي جۇمىستارى، ادىستەمەلىك سيپاتتاعى سەمينارلار، كونفەرەنسيالار ءوز جالعاستارىن تابۋدا.

ءبىلىم ساپاسىن ارتتىرۋ باعىتىندا عى باعدارلامادا:

• جەكە تۇلعانى، ياعني دارىندى شىعارماشىلىقپەن جۇمىس ىستەيتىن تۇلعانى  قالىپتاستىرۋ  ءۇشىن اۋىلداعى 2-5 جاس ارالىعىنداعى بارلىق سابيلەردى تەگىن بالاباقشامەن قامتاماسىز ەتۋ؛

• شو پەن ماد توپتارىن وقۋ-ادىستەمەلىك جانە اقپاراتتىق - تەحنيكالىق قۇرالدارمەن جابدىقتاۋ؛

• باستاۋىش سىنىپ كابينەتتەرىن جاڭا ۇلگىدە جاساقتاپ، ءار ءپان بويىنشا كورنەكىلىكتەرمەن تولىقتىرۋ؛

• دارىندى وقۋشىلاردىڭ جۇمىسىن جولعا قويۋ، ءاربىر وقۋشىنى دارىندىلىققا جەتەلەۋ؛

• شو، ماد جانە ورتا بۋىن مەن نەگىزگى ساتى اراسىنداعى ساباقتاستىقتىڭ جۇرگىزىلۋ فورمالارىن ءاربىر مۇعالىمگە مڭندەتتەۋ؛

• بارلىق وقۋشىلاردى ىستىق تاماقپەن قامتاماسىز ەتۋ؛

• پەداگوگ مامانداردىڭ ساباق بەرۋ شەبەرلىگىن ارتتىرۋ ماقساتىندا بىلىكتىلىگىن ارتتىرۋ ءۇشىن قايتا دايارلاۋ كۋرستارىن ەنگىزۋ؛

• وقۋشىلاردى ويلاۋ بىلۋگە جانە ءارتۇرلى پروبلەمالاردىوزدىگىنەن شەشە بىلۋگە تاربيەلەۋ؛

• گۋمانيتارلىق  تانىم بىلىمگە نەگىزدەلگەن سوزدىك قورلارىن كوبەيتۋ؛

• ساباق ۇردىسىندە جاڭا تەحنولوگيالاردى قولدانۋ؛

• پاندەردى تەرەڭدەتىپ وقىتاتىن سىنىپتار اشۋ؛

• ماتەماتيكا پاندەرى بويىنشا ساعات سانىن كوبەيتۋ؛

ءبىلىم بەرۋ قىزمەتىنىڭ نەگىزگى بولىگى ءبىلىم ساپاسىن ارتتىرۋ ماقساتىندا نەگىزدەلدى. بۇل قىزمەتتىڭ جوسپارىندا جۇمىس باعىتى مىناداي پرينسيپتەر بويىنشا اتقارىلادى:

• تۇلعانى دامىتۋ؛

• پەداگوگ مارتەبەسىن كوتەرۋ؛

• وقىتىپ-ۇيرەتۋ ادىستەرى؛

• ىزدەستىرۋ جۇمىستارىنا باعىتتايتىن ىنتىماقتاستىق؛

• وقۋشى پوزيسياسى؛

• جاڭا اقپاراتتىق-تەحنولوگيا؛

• باسەكەگە قابىلەتتىلىك؛

ءبىلىم ساپاسى نەگىزىنەن وقۋ ماتەريالىن يگەرىپ قانا قويماي، سونىمەن بىرگە وقۋشىلاردىڭ ينتەللەكتۋالدىق جانە ادامگەرشىلىك تۇرعىدان دامۋىنا، پەداگوگتاردىڭ قارىم-قاتىناسىن ىزگىلەندىرۋگە وڭدى ىقپال ەتەدى.

---