InfoHub Logo

بارلىعىمىز بالا كۇندە كوپ نارسەنى ارماندايمىز. سول كۇنگى ارمانىمنىڭ  قازىرگى كۇندە ورىندالاتىندىعىن كىم بىلگەن؟ بارلىعىن الاڭداتقان سول ءبىر  ەمتيحاندى تاپسىرىپ، جوعارعى بالل جيناعان كەزدەگى قۋانىشىمدى سوزبەن جەتكىزۋ مۇمكىن ەمەس. ءوزىمنىڭ  ارمانىما، سۇيىكتى ۋنيۆەرسيتەتىمە  ءبىر  قادام جاقىنداعانداي  بولدىم. جالعىز مەنىڭ ەمەس تالاي تۇلەكتىڭ ارمانى  بولعان ءال-فارابي اتىنداعى  قازۇۋ – دە وقۋ مۇمكىندىگى  بۇگىنگى تاڭدا ماعاندا  بۇيىرىپتى. ستۋدەنتتىك كەزەڭ ادام ومىرىندەگى ەڭ ءبىر قيماس، قىزىعى مول كۇندەر. ستۋدەنتتىك شاق دەگەن  الدەبىر روماننان  نەمەسە اۋىزەكى اڭگىمەلەردەن ەستىپ جۇرگەن  قىزىقتى دا بايىپتى شاققا ەنىپ، تاعى ءبىر قادامىمىزدى جاسادىق.  جان-جاقتى ءبىلىم، قىزىقتى ستۋدەنتتىك شاق، ءار-تۇرلى كونسەرت، وليمپيادا، ستۋدەنتتىڭ بىلىمگە قىزىعۋشىلىعىن ارتتىراتىن ءتۇرلى ءىس-شارالار، مۇنىڭ بارلىعى ءسوزسىز ستۋدەنتتى العا جەتەلەيدى.بۇگىندە ءال-فارابي اتىنداعى قازۇۋ ەرەكشە مارتەبەسى بار قازاقستاننىڭ جەتەكشى كلاسسيكالىق ۋنيۆەرسيتەتى، جوعارى كاسىبي، جوعارى وقۋ ورنىنان كەيىنگى ءبىلىم مەن عىلىمدى يننوۆاسيالىق دامىتۋدىڭ ۇلتتىق كوشباسشىسى. ۋنيۆەرسيتەت ءبىلىم الۋشى تۇلعانىڭ جان-جاقتى دامۋىنا، ءوزىن-وزى كەمەلدەندىرۋىنە قاجەتتى جاعداي جاساۋ ءۇشىن بار كۇش-جىگەرىن سالىپ، ستۋدەنتتىك ءوزىن-وزى باسقارۋعا، كوشباسشىلىق قاسيەتتەردى تاربيەلەۋگە مول مۇمكىندىكتەر تۋدىرۋدا. ۋنيۆەرسيتەت ستۋدەنتتەرىنىڭ ءومىرى قىزىقتىلىعىمەن ءارى الۋاندىعىمەن ەرەكشەلەنەدى. ول تەك دارىستەر مەن سەمينارلارعا قاتىسۋمەن عانا شەكتەلمەيدى. ولار شالقىعان شىعارماشىلىق قۋات پەن جاستىق جالىندى، بالعىن تالانتتى شىڭدايتىن تەاتر ستۋديالارى مەن پوەتيكالىق كلۋبتارعا، كوڭىلدى جانە تاپقىرلار سايىسىنا بەلسەنە قاتىسادى. عىلىممەن اينالىسقىسى كەلەتىن ستۋدەنتتەر ءۇشىن دە ءداستۇرلى تۇردە «عىلىم الەمى» سياقتى كونفەرەنسيا، فورۋمدار ۇيىمداستىرىلىپ تۇرادى. يننوۆاسيالىق جوبالارعا قۇشتار، زامان اعىمىنان قالماۋعا تىرىساتىن ستۋدەنتتەر ءۇشىن ءار فاكۋلتەتتە بيزنەس-ينكۋباتورلار، ۋنيۆەرسيتەتتە تەحنوپارك قىزمەت ەتەدى. ءال-فارابي اتىنداعى قازاق ۇلتتىق ۋنيۆەرسيتەتى – ادامگەرشىلىكتىڭ مىڭ جىلدىق ءدانى ەگىلگەن، جاستىق شاقتىڭ ماڭگىلىك مەكەنى، بىلىمگە سۋسىنداعان باقىتتى  كەزەڭىمىزدىڭ  سامال لەبى ەسىپ تۇرعان ۋنيۆەرسيتەت. جانە دە شاتتىعىما شاڭ جۇقتىرماي، كوكىرەگىمدى وياتىپ جۇرگەن قازۇۋ وقىتۋشىلارىنا ءدان ريزامىن. ەكى جىل بۇرىن وسىنداي كەرەمەت مەكەننىڭ ستۋدەنتى اتاندىم. بۇرىنعى كەزدەرى ۇلكەندەر «ومىردەگى ەڭ قىزىقتى شاقتار – ستۋدەنتتىك شاقتار» دەسە تۇسىنبەيتىن ەدىك. ناعىز ومىرلىك دوستاردى وسى جەردەن تاپتىم. ۇمىتىلماس كەشتەر مەن ساتتەر وسى ۋنيۆەرسيتەتتە بولدى. ومىردەگى ەڭ ىستىق سەزىمدەر مەن پەيىلدەر، سىيلاستىق پەن قۇرمەت – بارلىعىن وسى قازۇۋ-دان الدىم. قازۇۋ – تالانتتى، دارىندى ستۋدەنتتەردىڭ باسىن بىرىكتىرىپ وتىرعان مەكەن. سىيلاستىق پەن شىنايى دوستىقتىڭ مەكەنى، قازۇۋ – عاشىقتاردىڭ مەكەنى. قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سول سەبەپتى دە، مەن ءوزىمنىڭ قازۇۋ-دا جۇرگەندىگىمدى ومىرىمدەگى ەڭ ۇلكەن ساتتىلىك دەپ سانايمىن. 

مادەنيەتتانۋ ماماندىعىنىڭ ستۋدەنتى: م.م.مۇحتار
جەتەكشىسى: م.ا.ەسبولوۆا

---