InfoHub Logo

مىنە، بالالىق شاقپەن قوشتاسىپ، ۇلكەن ءومىردىڭ جاڭا ماقساتتارىنا ۇمتىلىپ، قادام باسۋعا از عانا كۇندەر قالدى. بۇل ماڭىزدى ساتكە مىنا ءبىز تۇلەكتەر التىن ۇيا مەكتەپتىڭ تابالدىرىعىن العاش اتتاعان كۇننەن باستاپ-اق ۇمتىلىپ كەلدىك. وسى ماقساتتارعا جەتۋ جولىندا قولدارىمىز ەڭ العاش كىشىگىرىم الىپپەنى ۇستاتقان ۇستازداردان، ءتالىم تاربيە بەرىگەن مۇعالىمدەردەن،شىعارماشىلىق ىزدەنىسكە ۇيرەتكەن تالىمگەرلەرگە مىڭ العىس ايتامىز! 

انە-مىنە دەگەنشە 11 جىلىمىزدا ءوتىپ، ەرتەڭگى بولاتىن «سوڭعى قوڭىراۋ» سالتاناتتى ءىس-شاراسىنا قاتىسقالى وتىرعان تۇلەكتەردىڭ ءبىرى مەن بولامىن.

شىنى كەرەك، بۇل ىشتەگى سەزىمدى مۇلدە ايتىپ جەتكىزە المايمىن. 11 جىل بىرگە وقىعان سىنىپتاستارىم، ءبىر پارتادا وتىرىپ  سىيلاسا دا سىرلاسا دا بىلگەن، تۋعان باۋىرىمداي بولىپ كەتكەن دوستارىما دەگەن ساعىنىش بولاتىنى، ءبىر ءۇيدىڭ بالالارىنداي بولىپ جۇرگەن سىنىبىمدى كوڭىلىم قيمايتىنى انىق.

مەنىڭ سىنىبىم مەكتەبىمىزدەگى ەڭ ەرەكشە سىنىپ دەپ اۋىز تولتىرا ايتىپ،ماقتانا ايتۋىما دا وزىندىك ءبىر سەبەپ بار دەي الامىن. سەبەبى، مەنىڭ سىنىبىم شىعارماشىلىق سىنىپ دەپ ايتسامدا بولادى. ياعني،جۋرناليست، اكتەر/اكتريسا، ديزاينەر دەگەن سياقتى بىرنەشە ماماندىقتار قامتىلا وقىتىلاتىن ءبىزدىڭ سىنىپتىڭ ءبىلىم الۋشىلارى بولاتىن. ساحنا تورىنەن  ءبىرىنشى ورىن الاتىن، شىعارماشىلىق ىزدەنىستە جۇرەتىن، مەكتەپ الدىنداعى ۇستازدارمەن اقىلداسا، «مەكتەبىمىزگە وسىنداي جاڭاشىل تۋىندىنى جارق ەتسەك، وقۋشىلاردى قانشاما ۇيىمعا شاقىرىپ ترەنينگ مۇشەلەرىنە تارتساق، ەڭبەككە باۋلىساق، تەاتر اشىپ، كورەرمەندەردىڭ ىقىلاسىنا بولەنىپ جۇرەتىن، ىنتاسىمەن قابىلەتى جوعارى وقۋشىلاردى ءوز مەكتەبىمىزدەن ىزدەسەك»، دەگەن جاناشىر سىنىبىم، تالىمگەرلەرمەن  قوسىلا تالقىلانىپ ءبىر ادەمى دۇنيە شىعارا العانىمىز ەڭ الدىمەن ءوزىمىزدى،جوعارى دا وتىراتىن قوناقتارىمىزدى، مۇعالىممەن،باسشىلارىمىزدى قۋانتا الۋىمىز ءوزىمىزدى دە قۋانتا ءبىلۋىمىز دەپ تۇسىندىك.

ال مىنە، كۇنى ەرتەڭ بۇل دوستارىممەن دە قيماستىقپەن كوشتاسامىن. تەك ۇلكەن ومىرگە قانات قاعىپ بارامىز. قاناتتارىمىز تالماي،بيىكتەرگە شىرقايىق!

ۇلتتىق ءبىرىڭعاي تەستىلەۋدە بارلىق جاس تۇلەكتەرگە ساتتىلىك تىلەيمىن! ءار كوزدەگەن ناتيجەلەرىمىزگە قول جەتكىزىپ،ماقسات-مۇرات ەتكەن جوعارعى وقۋ ورىندارىنىڭ العىر تالاپكەر بولۋلارىڭىزدى تىلەيمىن.بىزگە ارتقان اتا-انالارىمىزبەن ۇستازدارىمىزدىڭ ءۇمىتىن اقتاۋعا تىرىسۋ! ساتتىلىك بىزگە سەرىك بولعاي!..

كاسيمبەك جانەل ەركىنبەك قىزى

---