InfoHub Logo

2016 جىلى قازاقستاندا مەكتەپتەردەگى ورىن تاپشىلىعى 55 مىڭنان اسىپ ءتۇستى، دەپ حابارلايدى finprom.kz.

ستاتيستيكالىق دەرەكتەرگە سايكەس، 2015 جىلى ورتا ءبىلىم مەكەمەلەرىندە ورىن تاپشىلىعى 39،9 مىڭدى قۇراپ، 2010 جىلمەن سالىستىرعاندا 60% ازايعان ەدى.  2016 جىلى ءبىرىنشى سىنىپ وقۋشىلارىنىڭ سانى 370 مىڭعا كۇرت ارتۋىنا  (2015 جىلمەن سالىستىرعاندا +10%) بايلانىستى، ورىن جەتىسپەۋشىلىگى 55،2 مىڭعا دەيىن جەتتى.

تاپشىلىقتىڭ ارتۋىنا سونداي-اق قازاقستانداعى جالپى ءبىلىم بەرەتىن مەكتەپتەر سانىنىڭ جىل سايىن ازايۋى اسەر ەتۋدە. ءار جىلى ەلدەگى مەكتەپتەر سانى 1% قىسقارىپ وتىرادى، وسىلايشا، 2016 جىلى رەسپۋبليكا اۋماعىنداعى مەكتەپتەر سانى 7،37 مىڭدى قۇرادى. بۇل كورسەتكىشكە اپاتتى جاعدايداعى مەكتەپتەردىڭ 93-تەن 37-گە دەيىن قىسقارۋى دا ءوز ىقپالىن تيگىزبەي قويمادى.

سونىمەن قاتار، مەكتەپتەردەگى بىلىكتى پەداگوگتار سانى ارتىپ كەلەدى. جوعارى جانە ءبىرىنشى ساناتتاعى مۇعالىمدەر سانى 2015 جىلى 49،8%  قۇراسا، 2016 جىلى 50،7% دەيىن جەتكەن. ەڭ جوعارى كورسەتكىشتەر - پاۆلودار وبلىسىندا (58%)، استانا (57%) جانە الماتى (56%) قالالارىندا. ال ەڭ تومەنگى كورسەتكىشتەر ماڭعىستاۋ (44%)، وڭتۇستىك قازاقستان (45%) جانە اقتوبە (45%) وبلىستارىندا بەلگىلەندى. 

---