ءبىرىنشى مامىر
كوپ ۋاقىتتان بەرى اۋەلى كۇنباتىس ەۋروپانىڭ، سوڭعى ۋاكىتتاردا كۇللى جەر-دۇنيەنىڭ پرولەتارياتى، جۇمىسكەر-جالشىلارى قاۋلى جاساپ، 1-مامىردى مەرەكەمەن وتكىزىپ كەلەدى.
كوپتەن بەرى جەر-دۇنيەنىڭ جۇمىسكەر-جالشىلارى جاۋلاسىپ، ارباسىپ كەلە جاتقان بايلاردىڭ جۇمىستارىن قويىپ، ءوز الدىندا توپ جاساپ، باستارىن قوسىپ ءوز كۇشتەرىن سىنايتىن كۇن — 1-مامىر كۇنى.
جەر-دۇنيەدەگى ءار حالىقتىڭ، ءار مەملەكەتتىڭ پرولەتارياتى (جۇمىسكەر-جالشىلار) ورىس، نەمىس، فرانسۋز، اراب، جۇڭگو بىر-بىرىمەن ىنتىماقتارىنىڭ، تىلەكتەرىنىڭ ءبىر ەكەندىكتەرىن ءبىلدىرىپ، شىن كوڭىلدەن تۋىسقاندىق جۇرەگىنەن بىر-بىرىنە جەر-كوكتى جاڭعىرتىپ، كۇڭىرەنتىپ، ۇرانداپ سالەم جىبەرەتىن كۇن — 1-مامىر.
جەر-دۇنيەنىڭ بايلارى توپتانعان، ۇرانداسقان جۇمىسكەر، جارلىلاردان قاۋىپتەنىپ، قورقىپ قالتىرايتىن كۇن — 1-مامىر.
كۇللى جەر-دۇنيەنىڭ بايلارى، پاڭدارى كوپ كەشىكپەي ءتاج تاقىتتارىنان، بايلىقتارىنان، ۇكىمەتتەرىنەن ايرىلۋلارىن سەزەتىن كۇن — 1-مامىر.
روسسيانىڭ جۇمىسكەر جارلىلارى بايلارىن، مىرزالارىن، جاندارالدارىن جەڭىپ، ۇكىمەتتى ءوز قولدارىنا الىپ، امىرلەرىن جۇرگىزىپ، كۇللى جەر-دۇنيەنىڭ جۇمىسكەر جالشىلارىنا كوسەم بولعانىنا 4ء-شى جىل بولدى. روسسيا پرولەتارياتىنىڭ جۇمىسكەر-جالشىلارىنىڭ ءىسىن كورىپ، دۇنيەنى جاڭعىرتىپ وتىرعان ۇراندارىن ەستىپ، جەر ءجۇزىنىڭ پرولەتارياتى تولقىپ قوزعالۋدا، بايلارى، پاتشالارى قورقىپ، ساقتانىپ، قالتىراۋدا، كەمەگە مىنگەندەردىڭ جانى ءبىر دەگەندەي، ورىس، قازاق، نەمىس، فرانسۋز، اعىلشىن، جۇڭگو، جاپون جۇمىسكەر-جالشىلارىنىڭ، جارلىلارىنىڭ تىلەكتەرى، جاندارى ءبىر؛ ءام جەر-دۇنيەنىڭ بۋرجۋا، بايلارىنىڭ، پاتشالارىنىڭ تىلەكتەرى، جاندارى ءبىر.
بۇگىن 1-مامىردى — جەر-دۇنيەنىڭ جۇمىسكەر جالشىلارىنىڭ زور مەيرامىن — ءبىز، قازاقتىڭ جۇمىسكەر ەڭبەكشىلدەرى دە قۇشاقتارىمىزدى جايىپ قارسى الىپ، زور شاتتىقپەن مەيرامدايمىز.
بۇگىن ءبىز دە كۇللى جەر-دۇنيەنىڭ پرولەتارياتىنىڭ جاڭعىرتىپ سالعان ۇراندارىنا داۋىستارىمىزدى قوسىپ، جەر ءجۇزىنىڭ جۇمىسكەر-جالشىلارىنا، جارلىلارىنا شىن كوڭىلدەن، تۋىسقاندىق جۇزىنەن زور شاتتىقپەن سالەمدەرىمىزدى جىبەرەمىز! سالەم، باۋىرلار! سالەم!
بۇگىن 1-مامىر زور مەيرام كۇنى، جۇمىسكەر-جالشىلاردىڭ، كوپ جىل قورلىق كورگەن جارلى سورلىلاردىڭ ازاتتىق، بوستاندىق ءۇشىن قۇربان بولعان باۋىرلارعا تۋىسقاندىق، جولداستىق ەكەنىمىزدى قول قۋسىرىپ، تاعزىم قىلىپ جىبەرەمىز! سالەم!
ەستەن كەتپەس جولداستار، سالەم، باۋىرلار!
جاساسىن، جەر-دۇنيەنىڭ جۇمىسكەر، جالشى-جارلىلارىنىڭ بىرلىك-ىنتىماعى!
جاساسىن، جەر-دۇنيەنىڭ جۇمىسكەر، جالشى-جارلىلارىنىڭ ازاتتىق، بوستاندىق ۇكىمەتى!
جاساسىن 1-مامىر مەيرامى!
1921 جىل
You Might Also Like
-
ءۇش جىلدان بەرى جەر ءجۇزىنىڭ پاتشاشىلدارى، بايلارى، باستىعى انگليا، فرانسيا، جاپونيا ءھام باسقا مەملەكەتتەر كەڭەس ۇكىمەتىن قۇرتپاق بولىپ، جان-جاعىنان كوك نايزالارىن سالىپ باقتى. انگليا، فرانسيا، جاپون...
-
قازاقستان رەسپۋبليكاسىنىڭ 2-جالپى جيىلىسىنىڭ بولىپ وتكەنىنە جىل تولدى. بۇل وتكەن جىلدىڭ ىشىندە قازاقستاننىڭ ءار ايماعىندا، ءار اۋدانىندا تاريح جۇزىندە سيرەك بولاتىن اۋىر حالدەردى كورىپ، قازاق ەڭبەكشى...
