ءبىرجان مەن بالۋان شولاقتىڭ كەزدەسۋى
اتاقتى بالۋان شولاقتىڭ بالاسى قۇدايبەرگەن شولاقوۆ ءبىرجان مەن ءوز اكەسى تۋرالى (1964 ج.) مىناداي اڭگىمە ايتتى:
— سىرقاتتانىپ جاتىر دەپ ەستىپ اكەم ادەيى بارعان سوڭ، ءبىرجان رازى بولىپ كوڭىلدەنىپ، ماسايراي باستاپتى. اكەم سول ەلدە قاسىنا ءبىرجاندى ەرتىپ قىدىرىپ توعىز كۇن ءجۇرىپتى. اۋىردى-شالىقتى دەگەن ءبىرجان ءبىر سىر بىلدىرمەي، كەزەگى كەلگەن جەردە ولەڭ ايتىپ، ءان دە سالىپتى.
اكەمە قايتاردا:
— ءاي، قاراعىم شولاق-اي، كەلگەنىڭ وتە جاقسى بولدى-اۋ. شىركىن-اي، جۇرتتىڭ ءبارى سەندەي بولمادى-اۋ!— دەپ رازى بولىپ اتتاندىرىپ قالا بەرىپتى.
بۇلار اتتانىپ كەتىپ ءبىر جەرگە قونىپ وتىرعاندا، ارتىنان شاپقىن كەلىپتى «ءبىرجان قايتا سىرقاتتاندى، ءسىزدى شاقىرا جىبەردى»— دەپ.
اكەم: «الدىمدا بارايىن دەگەن جۇمىسىم بار ەدى، ەكى-ۇش كۇننەن كەيىن بارام»،— دەپ قايىرىپتى.
ءبىرجاننىڭ سىرقاتى سودان مەڭدەي اۋىرلاي بەرىپتى، ونى اكەم سىرتتان ەسىتىپ، مەڭدەپ كەتكەن سىرقات قوي، ەندى بولماس دەپ، قايىرا ورالماپتى.
You Might Also Like
-
كوكشەتاۋدا «قازاقستان» دەگەن سوۆحوزدا تۇراتىن مەيىربان ۇلى ءىلياس اقساقال ءبىرجان تۋرالى اڭگىمەسىن بىلايشا باستايدى:
-
ءبىرجان سال الىستان سارانىڭ اقىندىق-ايتقىرلىق داڭقىن ەستىپ، قايتكەندە ىزدەپ بارىپ ونىمەن ايتىسۋدى ارمان ەتەدى. جول الىس، ەل شالعاي، وعان مىقتى جولباسشى ادام، الىس جولعا تالمايتىن كولىك كەرەك بولادى....
