InfoHub Logo

بىردە اكەم سۇلەيمەن ءبىرجان تۋرالى ونىڭ داۋسى مەن انشىلىگى تۋرالى اڭگىمەلەپ وتىردى.

— اكە ءسىز ءبىرجاندى بىلەسىز بە؟ — دەدىم.

— ە، نەگە بىلمەيىن، كوردىم دە، ءبىرىنشى كورۋىم بىلاي بولدى، — دەدى. — قانجىعالى ەلى مەن كەرەي اراسىندا قۇدالىق بولىپ، سوندا مەنى بالۋان كۇرەسىنە شىعاردى. ول جاقتىڭ بالۋانى تۇيە بالۋان ەكەن، العىزبادى. ءبىر ءساتى ابرويى بولىپ جامباسقا الىپ سوعىپ جىبەرىپ، ۇستىنە شىققانىمدا، ىزالانىپ ۇستىنەن بوساتپاي قۇشاقتاپ تۇرعىزبادى. ءبىز ءسۇيتىپ ارپالىسىپ جاتقانىمىزدا، ءبىر ادام توپتان شىعىپ، اششى داۋىسپەن:

— ءىسمايىلشى! ىسمايىل! ءاي سەنى تاپقان شەشەڭنەن اينالايىن! — دەپ جەتىپ كەلىپ، مەنى بالۋاننىڭ ۇستىنەن جۇلىپ الدى. مەن ونى تانىماي، سوزىنە تۇسىنبەي، ارتىنان بۇل كىم ەدى، دەپ اكەم قۇلاكەڭنەن سۇراعانىمدا، ول ءبىرجان سال، دەدى. سوندا ول كىسى: — ءبىز اقسارى-قۇرسارى ىسمايىلدان تارايمىز، سونى ۇران قىلعان عوي، — دەدى.

اكەسى سۇلەيمەن قۇلەكە بالاسىنان ەستۋى بويىنشا اڭگىمەلەۋشى قاڭتارباي ۇلى كوپەن

---