ءبىزدىڭ باعىت
ادام بالاسىنىڭ ونەر-بىلىمى، وقۋى، ادەبيەتى، ساياساتى، مادەنيەتى — بارلىعى شارۋاشىلىق كاسىپتەن تۋادى.
ونەر-بىلىمنىڭ، وقۋدىڭ، مادەنيەتتىڭ، ادەبيەتتىڭ، ساياساتتىڭ، — ءبارىنىڭ نەگىزى، ىرگەسى، تىرەۋى شارۋاشىلىق كاسىپ.
ونەر-بىلىم رەتىندە ارتتا قالعان حالىق ەڭ الدىمەن شارۋاشىلىق تۇرمىسىن ەكىنشى جاڭا ورنەكپەن جوندەۋ كەرەك.
«قازاق كەدەيى قايتسە تەڭەلەدى؟»، «قازاق كەدەيى پالەن قىلسا تەڭەلەدى»، «قازاق كەدەيى تۇلەن قىلسا تەڭەلەدى»، — دەپ ايتقاندا، ەڭ الدىمەن «قازاق كەدەيىنىڭ شارۋاشىلىق تۇرمىسىن جاڭا ورنەكپەن جوندەۋ كەرەك» دەپ ايتۋ كەرەك. ءام سول ايتقان ءسوزدى ءاربىر كوزى اشىق، كەۋدەسى سانالى كەدەيدىڭ بالاسى ىسكە اسىرۋعا بارلىق كۇشىن سالىپ تىرىسۋ كەرەك. قازاق ەڭبەكشىلىنىڭ شارۋاشىلىق تۇرمىسى وزگەرىپ، بۇرىنعى ەسكى ءتۇردى تاستاپ، ەكىنشى جاڭا ورنەكپەن شارۋاشىلىق تۇرمىسى قۇرىلماي، ونەرلى حالىقتاردىڭ ەڭبەكشىل تابىنىڭ قاتارىنا كىرىپ كەتە المايدى. ارينە، شارۋاشىلىق تۇرمىستى وزگەرتىپ جوندەگەنشە باسقا ىستەردى قويا تۇرماي، باسقا ىستەردى دە كۇشتى ازايتپاي جۇرگىزە بەرۋ كەرەك. شارۋاشىلىقتى جاڭا تۇرگە سالىپ جوندەۋ دەگەن نە؟ ول كوشپەلى تۇرمىستى، كوشپەلى وسال شارۋاشىلىقتى تاستاپ، وتىرىقشى تۇرمىسقا اينالۋ، جەر شارۋاشىلىعىنا اينالۋ دەگەن ءسوز.
جەر جۇزىندە قازاقشا كوشىپ جۇرگەن حالىقتىڭ ونەر-بىلىم رەتىندە وتىرعان ەلدىڭ قاتارىنا كىرگەنى ءجون. قازاقتىڭ كەدەيلەرى وسى كۇنى ءار جەردە، ءار قالادا شۇبىرىپ قاڭعىرىپ ءجۇر. مىنە، سولار الدىمەن پوسەلكە بولىپ، جەر شارۋاشىلىعىنا اينالۋ كەرەك، ۇيىمداسۋ كەرەك. ۇيىمداسىپ پوسەلكە بولامىن دەگەن ناشارلارعا كەڭەس ۇكىمەتى قاشان بولسا دا اياماي جاردەمىن بەرىپ باقپاق. جانە شارۋاشىلىقتىڭ ەڭ زورى ونەركاسىپ دۇكەنىن (پرومىشلەننوست. فابريكا-زاۆودتار) قۇرۋ. مىنە، قازاق كەدەيىنە، قازاق جارلىسىنا ەڭ كەرەكتى نارسە وسى.
ەندى ءبىزدىڭ قازاقستانداعى جەرگىلىكتى گازەتتەرگە تاپسىراتىنىمىز مىناۋ:
1) پارتيا ءىسىن، كەڭەس قۇرىلىسىنىڭ ءىسىن، وقۋ، حالىق اعارتۋ ىستەرىن ءام باسقا وسى ءتارىزدى ىستەردى السىرەتپەي، كۇننەن-كۇنگە باسىمىراق قىلىپ گازەتتەر جۇزىندە جازىپ وتىرۋ، قازاق كەدەيلەرىن الدىمەن بارلىق قازاقتى جالپى قالا قىلۋعا شاقىرۋ كەرەك. بۇل ءىستى ۇنەمى جۇرگىزىپ وتىرۋ كەرەك.
2) قازاقستاندا ونەركاسىپ دۇكەنىن (پرومىشلەننوست) ورناتۋعا بەت الىپ، گازەت جۇزىندە تىنباي جازىپ وتىرۋ كەرەك. ءام مۇنى جۇزەگە اسىرۋعا تىرىسۋ كەرەك. بۇل قازاقستاننىڭ بارلىق گازەتتەرىنە مىندەتتى ءىس. ءام بارلىق ەڭبەكشىل تابىنىڭ ازاماتتارىنا مىندەتتى ءىس.
12.05.1923 جىل
You Might Also Like
-
كەشە قازاقستان ورتالىق كوميتەتى مۇشەلەرىنىڭ 2-جالپى جيىلىسى اشىلدى. جيىلىس ەڭ الدىمەن وقۋ كوميسسارياتىنىڭ بايانداماسىن تىڭداپ ءوتتى.
-
قازاقستاننىڭ ەڭبەكشىل تابى ءوز سىباعاسىن ءوزى الۋ ءۇشىن، ونەرلى حالىقتاردىڭ ەڭبەكشىل تابىنىڭ قاتارىنا كىرۋ ءۇشىن، روسسياداعى جالپى ەڭبەكشىل تاپتىڭ الىسىپ وتىرعان بوستاندىعىن، تەڭدىگىنىڭ جەمىستەرىمەن پا...
