تەز ۇيرەن
جاقىن ارادا قازاقستاننىڭ ورتالىق كوميتەتىنىڭ (قازوركومنىڭ) 2-جالپى جيىلىسىندا ايماقتىق بيۋدجەتى (كىرىس-شىعىس ەسەبى) قارالىپ ءوتتى.
قازاقستاننىڭ ايماقتىق قازىناسىنا ءتۇرلى رەتتەن جينالعان ازىن-اۋلاق قاراجاتتى قازاقستاننىڭ ءوزىنىڭ ءتۇرلى كەرەكتى ىستەرىنە جۇمساي باستاعاندا، ارينە، بارلىق قاراجاتى مىڭنان بىرىنە جەتپەيدى. سۇيتسە دە قولعا جينالعان قاراجاتتى ايماقتىق ءاربىر ەڭ كەرەكتى ىستەرگە بولە-جارا جۇمساعاندا، ەڭ الدىمەن وقۋ ءىسى، حالىق اعارتۋ ءىسى ەسكە الىندى. كوپ ءسوز، كوپ ىرتىس-تارتىستان سوڭ حالىق اعارتۋ ىستەرىنە كوبىرەك جۇمسالماق بولدى.
قازاقستاننىڭ حالىق اعارتۋ كوميسسارياتىنىڭ ءام وزگە مەكەمەلەردىڭ اشسام دەگەن شكولالارىنا، كۋرستارىنا، شىعارماق كىتاپتارىنا ءام باسقا سونداي ىستەرىنە قاراجات الدىمەن بەرىلدى. كەڭەس ۇكىمەتى — ەڭبەكشىلدەر ۇكىمەتى. تۇرمىستىڭ راحاتى، يگىلىگى ەڭبەكشىلدەر تابىنىكى. مىنە،وسى قازاقستاننىڭ ورتالىق ۇكىمەتىنىڭ جۇمساپ وتىرعان، ءۇزىپ-جارىپ جيناعان قاراجاتىنىڭ جەمىسىن ەڭبەكشىلدەر تابى پايدالانۋ كەرەك. ەڭبەكشىلدەر تابىنىڭ بالالارى جەتكىنشەك جاس بۋىن پايدالانۋ كەرەك. ەڭبەكشىل جارلى تابىنىڭ جول باسشىسى ماركس ايتقان: «ناداندىق ەشكىمگە ەشنارسە بەرمەيدى» دەپ. سول ناداندىقتى جويۋعا ەڭبەكشىل تابىنىڭ بالالارى تەز كىرىسۋ كەرەك. تەز ۇمتىلۋ كەرەك. ناداندىقتى جويماي ادام بالاسى تۇرمىستىڭ راحاتىن، تۇرمىستىڭ يگىلىگىن كورە المايدى.
ناداندىقتى جويماي قازاقتىڭ ەڭبەكشىلدەر تابىنىڭ بالاسى كۇشتىلەر تابىمەن تەڭەسە المايدى. قاتارعا كىرە المايدى. ناداندىقتى جويماي ناشارلار تابى كۇشتىلەر تابىنىڭ قاتارىنا كىرە المايدى. ناداندىقتى جويماي-اق ناشارلار تابى تەڭەلەدى دەۋشى ادام بولماس.
جەر ۇستىندەگى ەڭبەكشىلدەر تابىنىڭ ناداندىقتى جويماي قاتارعا كىرە المايسىڭ، قازاق ەڭبەكشىلەرىنىڭ بالاسى، وقى، وقى! جاتپا، تۇرما وقى، ۇيرەن، ايتپەسە قاتارعا كىرە المايسىڭ!
22.03.1923 جىل
You Might Also Like
-
قىزمەتكەرلەر دايارلاۋ دەگەن ماسەلەنىڭ نەگىزى وقۋدىڭ ءار بۇتاعىن، ءار تاراۋىن كۇشەيتۋ دەگەن ماسەلە بولىپ شىعادى.
