قارتتىڭ ويى
ەركىن ۇلكەن ءتورت قابات ۇيدە تۇراتىن. ءبىر كۇنى ونىڭ ۇيىنە اۋىلداعى اعاسىنىڭ قولىندا تۇراتىن قارت شەشەسى كەلدى. ارادا بىرەر كۇن ەتكەن سوڭ قارت ءىشىم پىستى كەتەمىن دەپ الەك سالدى. سوندا شەشەسىن كوپتەن كورمەي، ابدەن ساعىنعان ەركىن ونى جىبەرگىسى كەلمەي:
— ءسىز مىنا بالكونعا شىعىڭىز دا كوشەدەگى ەلگە قاراپ وتىرىڭىز،— دەيدى. بالاسىنىڭ جىبەرگىسى كەلمەي تۇرعانىن بىلگەن شەشە: «جارايدى شىراعىم» دەيدى. سول كۇنى-اق قارت بيىك ءۇيدىڭ بالكونىنا شىعىپ، كوشەدەگىلەرگە قاراپ وتىرادى. كوشەدە ايەلدەردىڭ نەشە ءتۇرلى كيىمىنە قاراپ ءارقايسىسىنا وزىنشە باعا بەرەدى، سىناي قارايدى. ءبىر كەزدە سوڭعى سانمەن ۋىققاپتاي قىلىپ تىككەن، تاپ-تار بەلدەمشە كيگەن ءبىر ايەل كەتىپ بارادى. ول ەتەگىنىڭ تارلىعى سونشالىق ادىمى قىسقارىپ، ميمىرتتاپ جۇرە الماي بارا جاتقانىن بايقايدى. ەكى اياعى جىبىرلاپ، قولتاۋلاعان جىلقىداي بۇگەجەكتەگەن ايەلدى كورگەن قارت انا: «وي سۇمدىق-اي، اۋىلدا اتتى تۇساۋشى ەدى، قالادا ايەلدەردى تۇسايدى ەكەن عوي»،— دەپ كۇلىپ جىبەرىپتى.
You Might Also Like
-
6-كلاسس وقۋشىسى ساقبەرگەن ساباق وقىماي، ىلعي كوشەدە وينايدى دا جۇرەدى. قاي جەردە بالالار ويناعان، ادام كوبىرەك جينالعان جەر بولسا ساقبەرگەندى ناق سول جەردەن تاباسىن. ءبىراق ساباقتى ويىن سياقتى جاقسى...
-
توقان تاڭەرتەڭ قورادا تۇرعان ۆەلوسيپەدىن كورىپ كەلدى دە، ەكى كوزىنەن سوراسى اعىپ جىلاپ جىبەردى: ون ۇشتەن ون تورتكە شىعاتىن بالانىڭ داۋىس شىعارىپ جىلاعانى جامان بولادى ەكەن، بارىلداپ، ءۇيدى باسىنا كو...
