دەن ۆالدشميدت: كاسىپكەردىڭ تابىسى ەكى ەرەجەگە بايلانىستى
بيزنەستە ەرەجەلەر كوپ. ادامدار تابىسقا جەتۋ ءۇشىن نە ىستەۋ كەرەك ەكەنىن ايتقاندى جاقسى كورەدى. ءبىراق بيزنەستى دۇرىس جاساۋ وتە قيىن بولعانىمەن، تابىسقا كەپىلدىك بەرەتىن ەكى ەرەجە نەمەسە ەكى فيلوسوفيالىق يدەيا بار، — دەپ بەلگىلى كاسىپكەر جانە ماركەتولوگ دەن ۆالدشميدت ەسەپتەيدى.
ءسىزدىڭ نە ساتاتىنىڭىز، قانداي قىزمەت جاسايتىنىڭىز ماڭىزدى ەمەس. قاي جەردە، قاي سالادا جۇمىس ىستەيتىنىڭىز دە ماڭىزدى ەمەس.
ماڭىزدىسى تومەندەگى ەكى ەرەجە. ناعىز جەتىستىك وسى ەكى ەرەجەگە بايلانىستى.
1. سىزبەن جۇمىس ىستەۋ وتە وڭاي بولۋى كەرەك
ەكسكليۋزيۆتى بولۋدان گورى قول جەتىمىدى بولۋ ماڭىزدىراق. سونداي-اق كومەك قولىن سوزا الۋ وزىنە نازار اۋدارتۋدىڭ جانە ءوزى تۋرالى ويلاتۋعا ءماجبۇر ەتۋدىڭ جاقسى ءادىسى.
قولدانبالارعا (app) باعىتتالعان بۇگىنگى ساۋدا ەكونوميكاسىندا الەۋەتتى تۇتىنۋشىنى سۇزگىدەن وتكىزۋ وڭاي. تۇتىنۋشى اقپاراتتاردى تولتىرىپ، ۆەب-سايتقا 10-20 رەت كىرىپ، مالىمەت جۇكتەپ، تاعىسىن-تاعى جاساپ جاتقاندا ءسىزدىڭ تەحنولوگياڭىز ونى باعالاپ، تۇتىنۋشى جايلى سىزگە حابار جينايدى.
ەگەر ءسىز وسىلاي ارەكەت ەتىپ جاتقان بولساڭىز، وندا جاڭا تۇتىنۋشىلاردىڭ پايدا بولماعانىنا تاڭ قالۋدىڭ قاجەتى جوق. دەمەك ءسىزدىڭ ارەكەتتەرىڭىز، قىزمەتىڭىز جەتكىلىكتى دارەجەدە ىڭعايلى، لايىقتى ەمەس جانە ادامدار كوپتەپ مەكەن ەتەتىن جەرلەرىندە ولاردى كەزدەستىرۋگە دايىن ەمەسسىز.
ەشكىم سىزبەن ءىس جاساي وتىرىپ، ءوزىن اقىماق سەزىنۋىن قالامايدى. ەشكىم سىزگە ءوز اقشاسىن بەرۋ ءۇشىن قانداي دا ءبىر كۇش جۇمساعىسى كەلمەيدى.
ادامدار وزدەرىن قولداپ، كومەك كورسەتىلگەنىن، سونداي-اق دۇرىس جول نۇسقاپ، باعىت بەرىلگەنىن قالايدى. ال سىزبەن جۇمىس ىستەۋ قيىنعا سوعاتىن بولسا، بۇل تەك جاعدايدى ۋشىقتىرادى. بۇل ونسىز دا قيىن جاعدايلارىن ودان ءارى كۇردەلەندىرە تۇسەرى انىق.
سوندىقتان بايلانىس اقپاراتىن سايتتىڭ تەرەڭ تۇڭعيىعىنا جاسىرۋدى دوعارىڭىز. ادامدارعا ءسىزدىڭ قىزمەتىڭىز نەمەسە ۇسىنعان ءونىمىڭىز ۇناماعان جاعدايدا وڭاي باس تارتا الاتىنداي جاعداي جاساڭىز. كەز كەلگەن كۇردەلى جانە شيەلەنىسكە تولى كەلىسىمشارتتاردان باس تارتىڭىز.
بولاشاق كليەنتتەر ءسىزدى وڭاي تابا الاتىنداي بارلىق جەردە بولىڭىز. سونىمەن قاتار سول جەرلەردە بولا تۇرا، ادامداردى كوممەرسيالىق ۇسىنىستار مەن ىڭعايسىز ماركەتينگپەن ەمەس، جىلى جۇزبەن قارسى الىپ، بارلىق سۇراقتارىنا ساپالى جاۋاپ بەرىپ، ءتيىمدى كومەك جاساۋعا دايىن بولىڭىز.
2. ءىسىڭىزدىڭ ساپاسىنا قايران قالىپ ادامدار سىزگە قايتا ورالعىسى كەلىپ تۇرۋ كەرەك
تۇتىنۋشىلاردى قۋانتۋ جانە تاڭ قالدىرۋ ءسىزدىڭ ەڭ باستى ماقساتىڭىزعا اينالۋ كەرەك.
ىسىڭىزدەگى وزىڭىزگە جاقپايتىن نارسەلەر تۋرالى، سونداي-اق ونىڭ ىشىنەن نەنى تۇزەتە الاتىنىڭىزدى ويلانىڭىز دا تۇزەتىڭىز — ءتىپتى ول ۇساق نارسە بولسا دا.
مازاڭىز بولماي، شارشاپ تۇرساڭىز دا ادامدارعا جىلى جۇزبەن قىزمەت كورسەتىڭىز. سىزدە «بارلىق ۋادەنى ورىندايمىن» دەگەن جوسپار بولۋ كەرەك.
ونىمدىلىكتى ارتتىرۋ ءۇشىن قاراپايىم سوفت، نەمەسە جاي عانا قويىن داپتەر — مۇنىڭ ءبارى كەستەدەن قالىپ قويماۋعا جانە باسقالاردان جۇيەلى تۇردە جاقسى جۇمىس ىستەۋگە كومەكتەسەدى.
سوزىڭىزبەن ءىسىڭىز ۇيلەسىمدى بولۋ كەرەك، ايتقان ءسوزىڭىزدى ورىنداۋىڭىز قاجەت. تۇتىنۋشىلارىڭىز ءۇشىن بۇل ءسىزدىڭ وزگەلەردەن ۇلكەن ايىرماشىلىعىڭىز.
كاسىبىڭىزدىڭ وسۋىنە وسىنىڭ ۇلكەن اسەرى بولاتىنى ءسوزسىز. تۇتىنۋشىلاردا سىزگە دەگەن سەنىم ويانا باستايدى. ءتىپتى ولاردىڭ كوڭىلىنەن شىقپاعان جاعدايدا، ولار سىزگە تاعى دا ءبىر مۇمكىندىك بەرۋى مۇمكىن.
قاجەت بولعانى — تالپىنۋ، ودان كەيىن تاعى دا قوسىمشا تالپىنۋ. ءبىر نارسە دۇرىس بولماعان جاعدايدا، مىندەتتى تۇردە قاتەڭىزدى ءتۇسىنىپ كەشىرىم سۇراڭىز. سوسىن بارلىعىن قايتا دۇرىس جاساۋعا تىرىسىڭىز.
سونىمەن، ءسىزدىڭ كاسىبىڭىزدى كەرەمەت ەتەتىن ەكى-اق ەرەجە بار.
ساۋدانى اۆتوماتتاندىرۋ مەن ءتۇرلى ماركەتينگتىك قۋلىقتاردان كەلگەن اسەرمەن بۇل ەكى ەرەجەگە سۇيەنىپ كەلگەن اسەردى سالىستىرۋعا دا كەلمەيدى.
كەرەمەت ءونىم — كەزدەيسوقتىق ەمەس. ونىڭ ارتىندا ۇلكەن ەڭبەك جاتىر. الەمدى كەزدەيسوقتىقپەن وزگەرتۋ مۇمكىن ەمەس.
ول ءۇشىن ءار تۇيىنگە، ەگجەي-تەگجەيىنە ءمان بەرۋ كەرەك. ەرەكشە ەرەجەلەر بويىنشا ويناۋ كەرەك.
ەندى بۇل ەرەجەلەردى ءسىز دە بىلەسىز.
You Might Also Like
-
...1974 جىلدىڭ جازى. ءبىز سەگىزىنشى كلاستى ءبىتىرىپ، كانيكۋلعا شىقتىق. ءبىر توپ كلاستاس بالالار ويلانا كەلە، بۇل مەرزىمدى بوسقا وتكىزبەۋگە كەلىستىك. جاس قۇرىلىسشىلار وتريادىن قۇردىق. مەن، سەرجان، باتىر...
-
باكتەريالىق ۆاگينوز — سوڭعى ونجىلدىقتا جيىلەپ كەتكەن گينەكولوگيالىق اۋرۋلاردىڭ ءبىر ءتۇرى.
