كوز جاسى قالتاسىنىڭ قابىنۋى (داكريوسيستيت)
ءبىر جاسقا ءالى تولماعان بالالاردىڭ 2%-ىندە كوز جاسى قالتاسىنىڭ قابىنۋى كەزدەسەدى. جاڭا تۋىلعان نارەستەنىڭ ءبىر نەمەسە قوس كوزىندە ازداعان، ءتىپتى كەيدە كوپ ءىرىڭ بولادى. بۇل نە، ءجاي دانەكەر قابىقتىڭ قابىنۋى (كونيۋكتيۆيت) ما، الدە كوز جاسى قالتاسىنىڭ قابىنۋى (داكريوسيستيت) ما؟ انىقتاۋ ءۇشىن بالانى دارىگەرگە، ونىڭ ىشىندە بالالار نەمەسە كوز دارىگەرىنە كورسەتكەن ءجون.
ادامنىڭ كوز جاسى بەزى دۇنيەگە كەلگەننەن كەيىن 1-2 ايدىڭ ىشىندە جاس شىعارادى. مىنە، سوندىقتاندا كوز جاسى قالتاسىنىڭ قابىنۋى بەلگىسى كوبىنە نارەستەگە 1-2 اي تولعاننان كەيىن پايدا بولادى. كەيدە كوز جاسى قالتاسىنىڭ قابىنۋى دۇنيەگە كەلگەن سوڭ دەرەۋ نەمەسە 10-15 كۇننەن كەيىن باستالۋى دا مۇمكىن.
اۋرۋدىڭ باستاپقى كەزىندە كوز جاساۋراپ، جاس اعادى. سودان سوڭ كوز جاسى شىرىشقا، ىرىڭگە اينالادى. كەيدە كوزدەگى ءىرىڭ تاڭەرتەڭگىسىن بايقالادى.
ونى ءسۇرتىپ تاستاعاننان كەيىن، ءىرىڭ قايتىپ بىلىنبەيدى. وسىنداي جاعدايدا كوز جاسى قالتاسى تۇسىن ساۋساقپەن باسسا، كوزدەن شىرىش نە ءىرىڭ بۇرق ەتە قالادى. وسى بولىنگەن زات از بولىنسە دە، كوز جاسى قالتاسىنىڭ قابىنۋى دياگنوزىن قويۋعا بولادى.
ەگەر كوز جاسى قالتاسىنىڭ قابىنۋىن ەمدەمەسە، قاساڭ قابىق جالاقتانعان كوزدە قالتاداعى ءىرىڭ جالاقتى ءىرىڭدى جاراعا اينالادى. نەمەسە، اۋرۋ اسقىنىپ، كوز جاسى قالتاسىنىڭ تۇسىنداعى تەرى شەلى ىرىندەپ قابىنادى. بۇل كەزدە دەنە قىزۋى كوتەرىلەدى، كوز ساڭىلاۋىنىڭ مۇرىن جاق بولىگىندە تەرى قىزارىپ، ىسىنەدى. ول مۇرىننىڭ قىرىنا، بەتكە تاراۋى مۇمكىن. مۇندايدا كوز جاسى قالتاسى تۇسىن باسۋعا بولمايدى. سەبەبى، ءىرىڭدى ىسىكتى قوزدىراتىن ينفەكسيا تاراپ، كوشىرىندى ءىرىڭ ورتالىق جۇيكە جۇيەسىنە جەتۋى عاجاپ ەمەس. سوندىقتان دا كوز جاسى قالتاسىنىڭ قابىنۋىن ءجاي اۋرۋ دەمەي، دەر كوزىندە ەمدەۋ كەرەك.
كوز جاسى قالتاسىنىڭ قابىنۋى اسقىنباسا، وندا قالتا تۇسىن ۋقالاعان دۇرىس. ۋقالاۋدىڭ ەرەكشەلىگى مىنادا: ەڭ الدىمەن قولدى، باس بارماقتى تازالاپ، سابىنمەن جۋۋ كەرەك. سودان كەيىن باس بارماققا ماي (ۆازەلين) جاعادى. نارەستەنىڭ كوزىنە ەكى تامشى 2%-تىك كوللارگول ەرىتىندىسىن تامىزادى. 3-5 مينۋت وتكەن سوڭ باس بارماقتى مۇرىننىڭ كوز جاسى قالتاسىنىڭ قابىنۋى بار تۇسىنداعى كوز ساڭىلاۋى جاعىنا، قاستىڭ استىنا تىك ۇستايدى. ءسويتىپ بارماقتى جوعارىدان تومەن جانە سىرتقا قاراي 5-6 رەت جىلجىتادى. وسىدان كەيىن كوزگە جانە تاناۋعا 2 تامشىدان 2%-تىك كوللارگول ەرىتىندىسىن تامىزادى. بۇل ەمدى ناۋقاس بالانىڭ اتا-اناسى بالالار دارىگەرىنىڭ ۇيرەتۋىمەن 7-10 كۇن جۇرگىزەدى. وسى ۋاقىت ارالىعىندا كوز ىرىڭدەگەنىن قويماي، جاساۋراي بەرسە، بالانى مىندەتتى تۇردە كوز دارىگەرىنە قاراتۋ قاجەت.
You Might Also Like
-
ستول باسىندا ءۇش ادام وتىر. وڭ جاقتاعى اجار، سول جاقتاعى سۇلتان، ورتادا قوناق.
