“ەل بولام دەسەڭ، بەسىگىڭدى تۇزە”: زەرە اجە مەن ۇلجان انالارىمىزدىڭ ۇلى تۇلعالاردى تاربيەلەۋدەگى ونەگەسى
ايەل-انا ءبىر قولىمەن بەسىك تەربەتسە، ءبىر قولىمەن الەمدى تەربەتەدى. بۇل ۇعىم قازاق قوعامىنداعى ايەل ادامنىڭ ءرولىن كورسەتەدى. قازاق وتباسىندا قاشاننان ەر ازىعى تۇزدە بولعاندىقتان، بالا تاربيەسىمەن ايەل ادامى اينالىسقان. سونىڭ ءبىر كورىنىسى زەرە اجەمىزبەن ۇلجان انامىز. اتاقتى باتىر باۋىرجاننىڭ ءوزى، سوعىس ۋاقىتىندا اباي جولىن وقىپ، زەرە مەن ۇلجان انالارىمىزدىڭ ونەگەسىنە ءتانتى بولىپ، ولار تەك ابايدىڭ عانا ەمەس، بارلىق حالىقتىڭ اناسى دەۋى تەگىننەن تەگىن ەمەس. بالا تاربيەسى تال بەسىكتەن باستالاتىنى انىق، ءۇي سوققاندا ونىڭ ەڭ العاشقى ىرگەتاسى دۇرىس قالاڭباسا، ءۇيدىڭ بەرىك بولاتىنىنا سەنۋ وتە قيىن، سوندىقتان دا دانا حالقىمىز ەل بولام دەسەڭ، بەسىگىڭدى تۇزە دەگەن ەكەن. بالامەن دە ءدال سولاي، ونىڭ بويىنا دارىعان انانىڭ اپپاق ءسۇتى، جاستايىنان كورسەتكەن مەيىرىم شۋاعى، وعان ءارقاشاندا ءتۇزۋ جول كورسەتەتىنى انىق. ونىڭ بىرەگەي كورىنىسى وقۋدان ورالعان جاس اباي شەشەلەرىنە بەت العاندا ۇلجان بالاسىنا اۋەلى اكەڭە سالەم بەر دەپ جول نۇسقاۋىنىڭ ءوزىنىڭ استارىندا تەرەڭ ماعىنا جاتىر. بۇل تاربيەلى قازاق ايەلىنە ءتان، ازاماتىن سىيلاعان ءداستۇرلى قاسيەت. ۇلجان ابايدىڭ اقىن بولۋىنا تىكەلەي اسەر ەتكەن جان، ابايدىڭ شەشەسى ۇلجان تۋرالى: "ول ارعىن ىشىندەگى قاراكەسەك رۋىنىڭ شەشەندىك، ءازىل ارالاس شىندىعى مەن اتاعى شىققان شانشار توبىنىڭ قىزى ەكەن" دەلىنگەن ، مۇمكىن سودان بولار اناسىنىن قانىنان شەشەندىك ونەر تاراپ ۇلى اقىن بولۋى. زەرە اجە قۇنانبايعا عانا ەمەس، ءوزىنىڭ سۇيىكتى نەمەرەسى ابايعا دا ۇلكەن اسەر ەتكەن. ۇلى ابايدىڭ ساناسىنا ساۋلە ءتۇسىرىپ، كوڭىلىنىڭ اسپانىن اقىلىمەن ارايلاندىرعان رۋحاني ۇستازى زەرە اجە. الىپ انادان تۋادى. كەيدە ابايداي ۇلى ادامنىڭ بولماي جاتقانى، مۇمكىن، زەرەدەي اجەلەردىڭ جوقتىعىنان شىعار دەپ تە ويلايمىن.
اباي وقۋ ىزدەپ سەمەيگە اتتانار الدىندا اناسى ۇلجان، قاراعىم ەسىڭدە مە، اجەڭ سىرقاتتانىپ جاتقان شاعىندا ءبىر تىلەك ايتقان ەدى، وسى قاراعىما وزگەلەردىڭ تاس باۋىر مىنەزىن بەرە كورمە دەگەن ەدى دەپ ۇنەمى اياۋلى اجەسىنىڭ اقىل ءسوزىن ەسىنە سالىپ وتىرعان ەكەن. وسى جەردە اۋەزوۆ ادامعا دەگەن قامقورلىق، ۇلكەننىڭ اقىل ءسوزى، ءتالىمى ەل اناسىنداي بولعان اجەدەن باستاۋ العانىن ايقىن جەتكىزگەن. بالاسى اتقا شاپسا، اناسى ۇيدە تاقىمىن قىسادى دەگەن ءسوز بار، ول دەگەنىمىز ءار ۇلى تۇلعا، باتىرلاردىڭ ارتىندا ۇيىندە تىلەۋىن تىلەپ وتىرعان الىپ انانىڭ بولۋىندا. ەل ءۇشىن تۋعان ازامات – اسىل انا جەمىسى. زەرەدەي ۇلى انا، تەك قانا توبىقتى رۋى عانا ەمەس، الاش جۇرتى ماقتان ەتەتىن تۇلعا. وسىنداي دانا، ونەگەلى انالارىمىز كوپ بولسىن.
You Might Also Like
-
تاۋاسار مەن اماندىق باتىرلاردىڭ وقيعاسى قالماقتاردىڭ ورتا ءجۇز جەرىن شاپقىنشىلىققا ۇرىندىرىپ، كوپ جەردى باسىپ العان شاعى ەكەن. نۇرانىڭ شىعىس جاعىندا قىزەمشەك دەگەن قوس وركەشتى شوقى بار. قالماقتار سو...
-
ءداستۇرلى قازاق قوعامىنداعى ايەل مارتەبەسىنىڭ بيىكتىگى ەڭ الدىمەن ايەلدەردىڭ قۇرمەتتەلۋىنەن، ەكىنشىدەن – قۇقىق بەرىلۋىنەن، ۇشىنشىدەن قورعالۋىنان تانىلادى. اناعا قۇرمەت، جارعا جاناشىرلىق، قىزعا...
