InfoHub Logo

باياندى باقىت تايماسىن، حالقىم باسىڭنان،

مول ءۇمىت كۇتەم، جاس ۇرپاق سەندەي اسىلدان!                                                      

م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ «اقپاراتتىق تەحنولوگيالار، اۆتوماتيكا جانە تەلەكوممۋنيكاسيالار» فاكۋلتەتى «ينفورماتيكا» كافەدراسىنىڭ 3 كۋرس ستۋدەنتتەرى تاراز-عاسىر كوللەدجىندە پەداگوگيكالىق تاجىريبەدەن ءوتتى.

ەلباسىمىز حالىققا جولداۋىندا: ءبىزدىڭ ۇرپاق الدىندا بابالار قول جەتكىزگەن يگىلىكتى ساقتاۋ، قايتا قالپىنا كەلتىرىلگەن مەملەكەتىمىزدى نىعايتۋ جانە دۇنيەجۇزىلىك قاۋىمداستىق تالاپتارىنا ساي جاڭا ساپالىق دەڭگەيگە كوتەرۋ مىندەتى تۇر،- دەپ، جاستارعا زور سەنىم مەن ءۇمىت ارتىپ وتىر. سول سەنىمدى اقتاپ، بولاشاعىمىزدى جارقىن ەتۋ، ەلىمىزدى وركەندەتۋ ءۇشىن ءبىلىمدى جاستار كەرەك. كەز كەلگەن ەل ءوزىنىڭ بولاشاعىن وسكەلەڭ ۇرپاعىمەن بايلانىستىرادى. ءار ۇرپاقتىڭ پەشەنەسىنە جازىلعان زامان اعىمى، كەزەڭ تىنىسى بولادى. ءححى عاسىر بۇگىنگى ۇرپاققا، ياعني جاستارعا بۇيىرعان - باعا جەتپەس باقىت.

ەلىمىزدى وركەندەتىپ، مەملەكەتىمىزدى كوركەيتۋ ءۇشىن ساپالى ءبىلىم مەن سانالى تاربيە الۋ - جاستاردىڭ باستى مىندەتى ەكەندىگىن ەسكەرەتىن بولساق، «ينفورماتيكا» ماماندىعىنىڭ ستۋدەنتتەرى وتكىزگەن اشىق ساباقتار، ساباقتان تىس ءىس-شارالار مەن تاربيە جۇمىستارى سونىڭ دالەلى ەكەندىگىن كورسەتەدى.

تاربيەلىك ماقساتتا وتكىزىلگەن دوڭگەلەك ۇستەل بارىسىندا ۇزدىك ستۋدەنتىمىز مامپايەۆا ءمولدىر تاقىرىپ بويىنشا «ەلىمىزدى كوركەيتۋ، ونى وزىمىزدەن كەيىنگى ۇرپاققا جەتكىزۋ – ءبىزدىڭ بورىشىمىز دەپ بىلەم. ويلاعان ارمانىم، العا قويعان ماقساتتارىم كوپ. مەن جارقىن بولاشاققا سەنەمىن. بولاشاعىمنىڭ جارقىن بولاتىنىن ەلباسىنىڭ سىندارلى ساياساتىنان، ەلىمنىڭ تۇراقتىلىعى مەن ءبىلىم سالاسىنداعى جەتىستىكتەرىنەن بولجاپ وتىرمىن. قولىمنان كەلگەنشە كافەدراداعى ۇلاعاتتى ۇستازداردان ءبىلىم الىپ، ءوز بىلىكتىلىگىمدى جەتىلدىرۋگە بارىمدى سالامىن. ەل بولامىن دەسەڭ، بەسىگىڭدى تۇزە،- دەگەندەي، ەڭسەسىن ەندى عانا كوتەرىپ كەلە جاتقان ءبىزدىڭ ەلىمىز ءۇشىن دارىندى، ءبىلىمدى، جىگەرلى ۇرپاقتاردىڭ ورنى بولەك. ال بارلىق جىگەر، قايرات، ەلىمىزدىڭ بولاشاعى تەك جاستاردىڭ قولىندا»، -دەپ ءوز ويىن ەركىن جەتكىزە ءبىلدى.

دوڭگەلەك ۇستەلدىڭ قورىتىندىسىندا ستۋدەنت مىڭجاسار اقجان ەلىمىزدىڭ ەڭسەسىن بيىك ەتىپ، كوك تۋىمىزدى كوككە جەلبىرەتىپ جۇرگەن جالىندى جاستاردى اتاپ، ولاردىڭ جەتكەن جەتىستىكتەرى مەن باعىندىرعان بەلەستەرىن ايتىپ ءوتتى.  

كەز كەلگەن مەملەكەتتىڭ بولاشاعى – ءبىلىمدى جاستار. كوزى اشىق، كوكىرەگى وياۋ كەز-كەلگەن ءبىلىمدى ۇرپاق ءوز وتانىن دامىتۋ جولىندا ايانباي تەر توگەدى. قازىرگى بوي جارىستىراتىن ەمەس، وي جارىستىراتىن زاماندا «جالقاۋلىقتى جانعا سەرىك ەتىپ جاتۋدىڭ» ءوزى ابەستىك. جالىن مەن جىگەردى، ىزدەنىس پەن تالپىنىستى تالاپ ەتەتىن جاستىق شاقتا ەل بولاشاعى ءۇشىن ەڭبەك ەتۋ جاستاردىڭ باستى مىندەتى. 

بۇگىنگى جاس بولاشاق قازاقستاننىڭ جارقىن بەينەسى. جاستاردى ءبىلىم جولىنا سالىپ، ءتۇزۋ جولدان تايدىرماي، ساناعا ساۋلە شاشار وقۋ ءبىلىمنىڭ تىزگىنىن ۇستاتۋ مەملەكەت پەن قوعامنىڭ مىندەتى سانالادى. قانداي مىقتى مەملەكەت بولماسىن جاستاردىڭ ءبىلىمى مەن وقۋ-اعارتۋ ىسىنە كوپ كوڭىل بولەدى. كەلەشەكتىڭ ىرگەتاسىن قالاۋ ءۇشىن، ەڭ الدىمەن سول ەلدىڭ جاستارىنىڭ سانالى ۇرپاق بولىپ جەتىلۋىنە كۇش سالۋ كەرەك. «ينفورماتيكا» كافەدراسىنىڭ پروفەسسور-وقىتۋشىلار قۇرامى دا ءدال وسى باعىتتا كوپتەگەن جۇمىستار اتقارۋدا. ءاربىر جاستىڭ الاڭسىز، ءبىلىم نارىمەن سۋسىنداۋىنا بارىنشا جاعداي جاسالعان. نۇرلى بولاشاقتىڭ داڭعىل جولىندا ءبىلىم مەن عىلىمدى جانىنا سەرىك ەتكەن  قازاقستاننىڭ جاستارى تەكتى ۇلتتىڭ ۇرپاقتارى ەكەنىنە كەلەر كۇن مەن اتقان تاڭ بىردەن-بىر كۋاگەرى بولماق.

قازىرگى تاڭدا قازاقستان – وركەنيەتتى، دامىعان ەلدەر قاتارىنا ەنگەن مەملەكەت.  تاۋەلسىزدىك جاستارعا جارقىن بولاشاققا جول اشىپ بەردى. وسى مەملەكەتتى ودان دا بيىكتەن كورسەتۋ – ءبىلىمدى جاستاردىڭ قولىندا.

 

 ر.ن.تاجييەۆا

«ينفورماتيكا» كافەدراسىنىڭ

اعا وقىتۋشىسى، م.ح.دۋلاتي اتىنداعى تارمۋ

---