InfoHub Logo

تاقىرىبى: ەلىن سۇيگەن، ەلى سۇيگەن - ەلباسى
ماقساتى:
ا) بىلىمدىلىك: وقۋشىلارعا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ءومىرى مەن شىعارماشىلىققا تولى اتقارىلعان ىستەرى تۋرالى مالىمەتتەر بەرۋ.
ءا) دامىتۋشىلىق: وقۋشىلارعا پرەزيدەنتتىڭ ەل ءۇشىن جاساعان ىستەرىن ۇلگى - ونەگە ەتۋ.
ب) تاربيەلىك: وقۋشىلاردى ءوز وتانىن، حالقىن سۇيەتىن ازامات بولىپ وسۋگە، ەلجاندىلىققا، پاتريوتتىق سەزىمگە تاربيەلەۋ. كورنەكىلىگى: ن. ءا. نازاربايەۆتىڭ ءتۇرلى جانرلاردا تۇسكەن سۋرەتتەرى، كىتاپتار بۇرىشى، ناقىل سوزدەر، سلايدتار
بارىسى:
ءى. ۇيىمداستىرۋ كەزەڭى
قازاقستان رەسپۋبليكاسىنىڭ مەملەكەتتىك ءانۇرانى ورىندالادى.
ءىى. كىرىسپە

1 - جۇرگىزۋشى: جەلتوقساننان باستاۋ العان ەگەمەن، ەگەمەندى ەلدە بەرىك كەرەگەم. قازاقستان بىرلىگىمنىڭ ايعاعى، الەم بىلگەن باسشىسىمەن كورەگەن.

2 - جۇرگىزۋشى: قازاق بۇگىن بار الەمنەن باعا العان،
قۇت قونعان ەل قاسيەتتەن جارالعان.
بىرلىگىمنىڭ تۋىن بيىك ۇستاعان،
جاڭارعان ەل جەلتوقساننان ءنار العان.

1 - جۇرگىزۋشى: بىرلىگىمنىڭ بۇزىلماعان قايماعى،
بەيبىت كۇندە جەلبىرەگەن بايراعى.
بارلىق ۇلتتار باقىت تاپقان وزىڭنەن،
قازاقستان - ىنتىماقتىڭ ايعاعى.
2 - جۇرگىزۋشى: بىلتىر ەل تاۋەلسىزدىگىنىڭ 20 جىلدىق مەرەكەسى قارساڭىندا قازاقستان پارلامەنتىنىڭ سەناتى «1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى» مەملەكەتتىك مەرەكەسىن بەكىتكەن زاڭىن قابىلداعانى بارشاعا ءمالىم. قازاقستان رەسپۋبليكاسىنىڭ تۇڭعىش پرەزيدەنتى كۇنى – بارشا قازاقستاندىقتارعا قۇتتى مەرەكە بولعاي. حالىق ءۇشىن قىزمەت ەتۋدى باقىت سانايتىن ەلباسىمىز تۇرعاندا قازاقستان كەلەشەكتە دامىعان، وركەنيەتتى ەل بولارىنا كامىل سەنەمىز.

1 - جۇرگىزۋشى: بۇل – ەلىمىزدىڭ جاڭا تاريحىنداعى ەرەكشە كۇن. ناقتىراق ايتساق، جيىرما جىل بۇرىن، ياعني 1991 جىلعى 1 جەلتوقساندا بۇكىلحالىقتىق سايلاۋدا نۇرسۇلتان نازاربايەۆ مەملەكەت باسشىسى بولىپ سايلاندى. ءسويتىپ، عاسىرلار بويى حالقىمىزدىڭ اسىل ارمانى بولىپ كەلگەن ەگەمەن قازاقستاندى قۇرۋ جونىندەگى اتا - بابالارىمىزدىڭ تاريحي اماناتى ورىندالدى. ءبىراۋىزدان مەملەكەت باسشىسى بولىپ سايلانعان تۇڭعىش پرەزيدەنت نۇرسۇلتان نازاربايەۆ قازاقستاندى جارقىن بولاشاققا باتىل باستادى.

2 - جۇرگىزۋشى: قۇرمەتتى ۇستازدار مەن وقۋشىلار، 6 «ا، ۆ» سىنىپتارىنىڭ «ەلىن سۇيگەن، ەلى سۇيگەن ەلباسى» تاقىرىبىنداعى اشىق تاربيە ساعاتىنا قوش كەلدىڭىزدەر!

كورىنىس: نۇرسۇلتاننىڭ بالالىق شاعى:

رولدەردە: اجەسى - مىرزابالا، اكەسى – ءابىش، بالا - سۇلتان «ءۇشقوڭىر» ءانى، ورىندايتىندار:...................

1 - جۇرگىزۋشى:. اتاقتى تۇلعانىڭ تۋعان جەرىن ونىڭ ءوسىپ - ونگەنىن، اسىرەسە، قازاقتار ءۇشىن گەنەولوگيالىق دىڭگەگىن ءبىلۋ كەز كەلگەن ادامنىڭ قىزىعۋشىلىعىن تۋدىرادى. بۇل، بىرىنشىدەن، ءبىزدىڭ پرەزيدەنتىمىزگە قاتىستى. بۇل كوپ جازىلدى، فيلمدەر كورسەتىلدى. اسىرەسە «بالالىق شاعىمنىڭ اسپانى» ءفيلمى وتە قىزىقتى، جان جۇيەڭدى تولعاندىرادى. بولاشاق پرەزيدەنت الماتى وبلىسى شامالعان اۋدانى ءۇشقوڭىر توبەسىندەگى كيىز ۇيدە تۋعان. اتا - اناسىنىڭ ۇزاق كۇتكەن ۇلى، تۇڭعىش بالاسى وتباسىن، قۋانىش پەن ۇلكەن قىزىققا كەنەلتتى. ايتەۋىر شاڭىراقتا بالا كۇلكىسى مەن كىشكەنتاي قادامنىڭ داۋىسى ەستىلدى.