ەلوردالىق كوللەدجدەردە 6 جاڭا ماماندىق اشىلادى
ونەركاسىپ، بايلانىس جانە كوممۋنيكاسيالار، سەرۆيس جانە قىزمەت كورسەتۋ، مەديسينا جانە ءبىلىم سالالارىندا كادرلاردىڭ جەتىسپەۋشىلىگىنە بايلانىستى كەلەسى جىلدان باستاپ كوللەدجدەردە التى جاڭا ماماندىق اشىلادى («اۆتوموبيل كولىكتەرىنە تەحنيكالىق قىزمەت كورسەتۋ، جوندەۋ جانە پايدالانۋ» ماماندىعى بويىنشا مەحاترونيك»، «كوپىرلەر جانە كولىك توننەلدەرى»، «ەلەكتر ستانسيالارىنىڭ جانە جەلىلەردىڭ قۇرال-جابدىقتارى»، «ونەركاسىپتەگى ەلەكتر-مەحانيكالىق قۇرال-جابدىقتار»، «مەديسينالىق تەحنيكانى مونتاجداۋ، تەحنيكالىق قىزمەت كورسەتۋ جانە جوندەۋ»، «كىتاپحانا ءىسى»)، دەپ استانا قالاسى اكىمدىگىنىڭ باسپا ءسوز قىزمەتى حابارلايدى.
استانا قالاسى ءبىلىم باسقارماسىنىڭ حابارلاۋىنشا، وسىنىڭ الدىنداعى جىلمەن سالىستىرعاندا سۇرانىسقا يە تەحنيكالىق ماماندىقتارعا مەملەكەتتىك ءبىلىم گرانتى 10 پايىزعا ارتتى. ۇستىمىزدەگى جىلى جەرگىلىكتى بيۋدجەتتەن قارجىلاندىرىلاتىن 4025 ورىن ءبولىندى. سالىستىرۋ ءۇشىن: 2015 جىلى مەملەكەتتىك تاپسىرىس بويىنشا 3636 ستۋدەنت ءبىلىم العان.
سونداي-اق، ەلوردادا ءقازىر جۇمىس ىستەپ تۇرعان ءتورت رەسۋرستىق ورتالىققا تاعى جاڭا ءۇش رەسۋرستىق ورتالىق قوسىلادى: 1) «ينگري قازاقستان» جشس-ىمەن بىرلەسىپ تۇرعىن ۇي-كوممۋنالدىق شارۋاشىلىق، ونەركاسىپتىك جانە ازاماتتىق قۇرىلىس، كوتتەدجدىك جانە از قاباتتى قۇرىلىس سالالارىندا ماماندار دايىنداۋ بويىنشا؛ 2) «تەحنو نيكول» - قۇرىلىس يننوۆاسيالارى» ج ش س بىرلەسىپ ونەركاسىپتىك ەدەندەردىڭ قۇرىلىس تەحنولوگياسى، بەتون جوندەۋ جانە قۇرال-جابدىقتاردىڭ گيدرووقشاۋلاۋ بويىنشا؛ 3) «لوكوموتيۆ قۇراستىرۋ زاۋىتى» اق-ىمەن بىرلەسىپ توكارلىق ءىس جانە مەتالل وڭدەۋ بويىنشا. بۇدان وزگە، «سوفي-دەنت» ستوماتولوگيالىق ەمحاناسىمەن بىرلەسىپ مەديسينالىق جانە فارماسيەۆتيكالىق ءبىلىمى بار كادرلاردىڭ بىلىكتىلىگىن ارتتىرۋ بويىنشا وقۋ ورتالىعى اشىلادى.
پەداگوگتار جەتىسپەۋشىلىگى ماسەلەسىن شەشۋ ءۇشىن ەۋرازيالىق گۋمانيتارلىق ينستيتۋتتىڭ (ەاگي) نەگىزىندە «مەكتەپكە دەيىنگى تاربيە جانە وقۋ» ماماندىعى بويىنشا سىرتتاي وقۋ فاكۋلتەتىندە ءبىر توپ (25 ادام) اشىلدى.
You Might Also Like
-
17 قاراشا - حالىقارالىق ستۋدەنتتەر كۇنى. كۇنتىزبەدە بەلگىلەنگەن وسى ءبىر مەرەكەنىڭ شىعۋ تاريحى ايتارلىقتاي قىزىقتى دا ەمەس. ول - قاندى، ءارى قايعىلى وقيعاعا بايلانىستى پايدا بولعانىن ەكىنىڭ ءبىرى بىلە...
-
2015 جىل ەلىمىزدەگى ماڭىزدى وقيعالاردىڭ جىلىنا اينالعانى بەلگىلى. وتكەن قوي جىلى قازاق حاندىعىنىڭ 550، قازاقستان حالقى اسسامبلەياسىنىڭ 20، ۇلى جەڭىستىڭ 70، كلاسسيك اقىنىمىز ابايدىڭ 170 جىلدىعى مەرەك...
