قامبار باتىردى "القاش" ەتكەن بعم ونىڭ ءىزباسارلارىن دايىنداپ جاتىر
«ءبىر قىزىمنان ءبىر قىزىم سوراقى» دەگەندەي ءبىر وقۋلىعىمىزدان ءبىر وقۋلىعىمىز سوراقى بولىپ بارادى. وتكەن جىلى عانا قامبار باتىردى «القاش» ەتكەن بعم بيىل 5 سىنىپ وقۋشىلارىنا سول قامبار باتىردىڭ «جولىنا» قالاي ءتۇسۋ كەرەكتىگىن ۇيرەتىپ جاتقان سەكىلدى.
ارينە، باتىرلىق جولىنا، ەرلىك ىزدەرىنە قالاي ءتۇسۋ كەرەكتىگىن ۇيرەتسە جامان تىماعىمىزدى اسپانعا لاقتىرىپ قۋانار ەدىك، سوراقىسى سول بۇل جولى دا وقۋلىق قۇراستىرۋشىلار قامبار باتىردىڭ وزدەرى سومداپ بەرگەن بەينەسىنە ەلىكتەيتىن، سول «القاشتىق جولعا» باستايتىن ءادىستى ۇيرەتكەن ەكەن. ايتپاقشى بۇل جولعىسىندا 5-سىنىپ وقۋشىلارىنا، اسىرەسە قىزدارىمىزعا جىگىتتەردى قالاي ماسايتىپ، قالاي «سىندىرىپ» كەتۋدى دە ۇيرەتىپتى.
سەنبەسەڭىز وقىپ كورىڭىز، 5-سىنىپقا ارنالعان ادەبيەت وقۋلىعىندا ايدان انىق جازىلعان.
وقۋلىق وڭدەلىپ، قايتا باسىلعان ەكەن. ارينە، ەلىمىزدىڭ بولاشاعىنا، ەلباسى سەنىم ارتقان ەل ەرتەڭىنە ءبىلىم بەرەتىن وقۋلىقتى ءبىلىم جانە عىلىم مينيسترلىگى ۇسىنعانى ايتپاسا دا تۇسىنىكتى جاعداي.
"اتامۇرا" باسپاسىندا جارىق كورگەن وقۋلىقتىڭ ۇلدارىمىزدى اراققا، قىزدارىمىزدى توسەككە ۇيرەتۋى ءبىزدىڭ قوعامدى ويلاندىرمايتىن دا سەكىلدى. اسىرەسە ۇرپاق تاربيەسىنە جاۋاپتى اتا-انا مەن بعم بۇل ماسەلەدە كوزجۇمبايلىق تانىتىپ، «گۇل بولماساڭ ءبۇل بول» دەپ وتىرعانى انىق. ايتپەسە باياعىدان بەرى شىعارىپ كەلە جاتقان وقىلىقتا جىلدا ءبىر ەمەس، بىرنەشە ولقىلىق جىبەرەتىندەي نە باستارىنا كۇن تۋىپ جۇرگەنىن تۇسىنە المادىق.
بۇل وقۋلىق 10-11 سىنىپتارعا ارنالعان بولسا، ەشقانداي اڭگىمە بولماس ەدى. وكىنىشتىسى دە، سوراقىلىعى دا سول بۇل وقۋلىق 5-سىنىپقا ارنالعان. اۋىزدارىنان انا ءسۇتى كەپپەگەن بۇلدىرشىندەرىمىزدى نەمەن اۋىزداندىرىپ جاتقانىمىزدى بىلگەنىمىز ابزال!
دەرەككوز: baq.kz
You Might Also Like
-
1 - ءالىببي تۇزەۋ دەگەن تۇرىك جۇرتىندا كوپتەن كەلە جاتقان ماسەلە. ماسەلە قوزعالعاننان بەرى تۇرىك ءالىببيىنىڭ تۇزەلگەن جاقتارى دا بار. تۇرىك ءالىببيىنىڭ ءتۇبى ارابتان شىققانمەن، تۇرىك تىلىنە يكەمدەلىپ، ...
-
XX عاسىردىڭ اناسى وتكەن عاسىر انالارىنا قاراتا سويلەيدى: ۋا، انا! سەندەر ءوز ۇلتتارىڭنىڭ ماقتانىشىنا اينالا العان ۇل-قىزداردى دۇنيەگە اكەلدىڭدەر. ولاردى بەسىك الديىمەن وسىردىڭدەر. ءتۇن ۇيقىلارى...
